BILANGAN 24:6 - BIBEL JAMITA NA DENGGAN

⁶ Tarsongon barisan ni bona ni harambir. Suman tu kobun di topi ni aek godang. Songon hayu gaharu na nisuan ni Tuhan, tudos tu hayu ares na donok tu paridian.

BILANGAN 24:6 Referans Kwoze

MASMUR 1:3

Tarsongon hayu na di topi ni batang aek do ia, na marbatu di hatihana, boti pe nada jungada malos bulungna, mardohar do halahi di na nikarejohonna.

JESAYA 58:11

Sai na toguon ni Tuhan do hamu jana angkon pasombuonNa rohamunu di tano na gariang. Sai parata-rataonNa do gogomunu anso tongtong horas torkis hamu. Gabe songon kobun ma hamu na tuk aekna, sanga mualna nada jungada mate.

MASMUR 104:16

Bona ni sampinur di Libanon diaeki maradu bornokan, angka hayu na nisuanMu sandiri do i, ale Tuhan.

JOEL 3:18

Gok kobun anggur noma angka dolok di hatiha i. Angka pahan-pahanan manjampali ma di tor na napu. Angka batang aek ni Juda nada unjung abis be aekna. Mardalan ma sada batang aek sian Bagas Ni Tuhan, jana aekanna Rura Sitim.

JEHESKIEL 47:12

Sapanjang topi ni batang aek angkup bariba martubuan do sude bona ni hayu sipanganon, nada unjung malos bulung ni hayu-hayu jana batuna pe nada marnamantak. Ganop bulan do bona ni hayu i marbatu, hara ni aek na sian Bagas Na Badia i mangaehisa. Sipanganon do angka batuna i jana bulungna marguna baen ubat.”

JEREMIA 31:12

Marroan ma halahi tu Dolok Sion jana marende disi marjop ni roha, hara ni sude na Hulehen tu halahi: gandum, miak, anggur dohot biri-biri. Tudos ma halahi tu kobun na tuk aekna, jana na so hurangan di bagi aha.

JEREMIA 17:18

Sai Ho ma pailahon dohot manggohi biar tu halak na manyompiti ngolungku. Tapi ulang baen tu au songon i ale Tuhan. Paro ma jaya hamagoan tu halahi lopus abis matimpas halahi.

JESAYA 41:19

SuananKu ma hayu ares di halongonan, hayu akasia, hayu murad dohot bona ni zetun. Husuan hayu sampinur di padang na bidang, dohot barangan songon i dohot tusam di lambungna.

ENDE NA GODANG 6:11

Tu kobun ni buah pala au manuat, mangaligi angka tunas na di rura; mangaligi betak na dung martunas do anggur, jana angka dalimo marbunga.

MASMUR 45:8

Maradu huskus noma pakean ni raja i songon mur, gaharu dohot cendana. Di bagasan bagas godang na margading sigodang arga, laing marjop ni roha raja i dibaen angka parendena.

PAMUNGKAAN 13:10

Jadi ditatap si Lot ma humaliang jana diida ia ma sude rura ni Jordan lopus tu kota Zoar, bahat aek disi, songon kobun ni Tuhan sanga songon tano Mesir. (Di hatiha i nada disegohon Tuhan dope kota Sodom dohot Gomora.)

BILANGAN 24:5

Tung na jogi ma bandarmu ale Jakob dohot ingananmu ale Israel.