BILANGAN 23:7 - BIBEL JAMITA NA DENGGAN

⁷ Dung i didok si Bileam ma panurirangonna i songon on, “Sian Aram, sian dolok-dolok di Habincaran an, si Balak, raja ni Moab marpio au mandok, ‘Ro ma ho burai ma si Jakob, jana ro ma ho burai ma Israel!’

BILANGAN 23:7 Referans Kwoze

PANGARATAION 23:4

Dalanna, i ma hara ni na so ra halahi mangalehen sipanganon dohot siinumon di hamu dompak na mardalan hamu haruar sian Mesir. Diongkosi halahi dope gari ada si Bileam, anak ni si Beor na sian kota Petor na di Mesopotamia laho mamurai hamu.

BILANGAN 24:3

Dung i digohi hagogoan ni Tondi Ni Debata ma si Bileam, gabe didok ia ma panyurirangion songon on, “On ma tona ni si Bileam anak ni si Beor, sada halak na marnida giot mangkobari.

BILANGAN 23:18

dung i didok si Bileam ma panurirangonna, “O Balak, anak ni si Zipor, ro ma. Adong na giot dohononku, tangihon ma!

MIKA 2:4

Anggo di hatiha i, caritohonon ni halak ma na nitaonmunu gabe tudosan ni parmaraan, jana baenonna ma ende hamarsahan songon on, ‘Madung mago hita! Pusako ni bangsongku madung disuhat dohot tali, jana nada adong be halak na paulakkonsa, angka kobunta pe madung di bagi-bagihon tu halak na manaban hita.’ ”

MASMUR 78:2

Giot dokkononku ma pandohan dohot umpama, patorangonku ma torkan-torkanan sian narobi.

JOB 29:1

Dipaudut si Job ma pajojorkon hatorangannia.

BILANGAN 24:23

Dung i didok si Bileam muse dope ulpuhanna, “Ise do bangso na marlagut di Utara?

BILANGAN 24:15

Dung i didok si Bileam ma panyurirangionnia, “On ma tona ni si Bileam, anak ni si Beor; sahalak na marparnidaan giot mangkobari.

MARKUS 12:12

Jadi sude angka pangituai ni halak Jahudi na umbege umpama nangkin, rap manjalahi dalan ma laho manangkup Jesus. Harana diboto halahi do, halahi sandiri do na nidok ni Jesus di umpamana i. Tapi mabiar do halahi di halak na bahat i, gabe ditinggalkon halahi ma Jesus.

MATEUS 13:33

Adong dope umpama na asing dicaritohon Jesus tu halak na bahat i. “Anggo Harajaan Ni Banua Ginjang tarsongon ragi do i. Dibuat anak boru i ma ragi i, dicampurkon ia ma tu topung tolu tabung, lopus kombang sude!”

PODA 26:2

Songon unggas na habang di awang-awang jana hum na mamolus sajo, nada tarbaen hona bura halak muda na so marsala do.

JOB 27:1

“Mangasahon Debata na mangolu i na so mambaen hatigoran tu iba, mangasahon Na Markuaso i na sai paarsak roha,

2 SAMUEL 23:9

Na paduahon ni Triwira i, ia ma si Eleasar anak ni si Dodo, na sian horong Ahohi. Udur do ia dohot si Daud di na mangadopi halak Pilistin na dung marlagut laho marporang. Jadi di na mundur tentara ni Israel i,

MATEUS 13:35

Jadi hara ni na songon i, tulus ma tarjadi hata ni panurirang, na mandok songon on, “Marumpama do Au muda mangkatai dohot halahi; giot paboaonKu angka pangalaho na so habotoan dope mamungka sian hajajadi ni portibi on.”

HABAKUK 2:6

Tapi anggo angka bangso na dipatunduknia, sai manyindir ma i jana pacia-ciahon tusia. Dokkonon ni halahi ma, “Sai hona bura ma ho hara ni na pagukguk harto na so ho nampunasa! Sadia honok nari he sai pakayoonmu dirimu marhite na mamaksa angka halak na marutang tu ho anso digarari halahi utangna?”

JEHESKIEL 20:49

Jadi hudok ma: “O ale Tuhan Debata, didok halahi tu au: Nada he hum angka hata sindiran do didok ia?”

JEHESKIEL 17:2

Ale anak ni jolma parsantongkinan, hatahon ma sada umpama tu Israel.

2 SAMUEL 21:21

Mangalayasi ma ia tu halak Israel. Jadi hara ni i, dibunu si Jonatan anak ni si Simea angkang ni si Daud i ma ia.

1 SAMUEL 17:45

Tapi dialusi si Daud ma, “Ro ho mangalo au mangasahon podang, tombak dohot hujur, tapi ro do au mangalo ho mangasahon goar ni Tuhan Na Markuaso i, Debata ni tentara ni Israel na nipalayasmi.

1 SAMUEL 17:36

Na dung hubunu do singa sanga pe gompul, jana sarupa ma bagian ni halak Pilistin si pelebegu i songon angka binatang i, dibaen na dung barani ia mangalo-alo tu tentara ni Debata na mangolu i.

1 SAMUEL 17:10

Saonnari, au mangalap-alapi tentara ni Israel; pili hamu ma sada halak maralo dohot au!”

BILANGAN 24:21

Di bagasan parnidaan i diida si Bileam muse ma pomparan ni halak Keni, lalu didok ia ma ulpuhannia songon on, “Tutu nian tung na gogo do ingananmunu, songon asar di ginjang dolok batu na gincat.

BILANGAN 22:17

Bahat pe hugarari tu ho laho patuluskon aha sajo na hudok. Ro ma ho jolo manolong ahu, burai ma bangso i.”

BILANGAN 22:11

bahaso adong sada bangso na ro sian Mesir manyarsar di luat ni halahi. Dipangido Raja Balak anso huburai bangso i, anso diporangi jana diusir ia halahi.”

PAMUNGKAAN 28:7

Diboto si Esau muse do pangoloi ni si Jakob di hata ni ama dohot inangna di na kehe ia tu Mesopotamia.

PAMUNGKAAN 28:2

Tu Mesopotamia ma ho kehe tu bagas ni ompungmu si Betuel jana boru ni tulangmu si Laban ma buat sahalak di ho.

PAMUNGKAAN 10:22

Angka anak ni si Sem i ma si Elam, si Asur, si Arpaksad, si Lot dohot si Aram. Halahi ma ompu ni angka bangso na nigoaran mangihutkon goar ni halahi.

BILANGAN 23:6

Dung i mulak ma si Bileam jana didapotkon ia ma si Balak na laing jongjong donok tu haul situtungonnia i, rap dohot sude pamimpin ni halak Moab.

MASMUR 49:5

Nada huhabiari angka ari hasusaan, di na hona hobuk iba di parmaraan,