BILANGAN 23:5 - BIBEL JAMITA NA DENGGAN

⁵ Dung i dipaboa Tuhan i ma tu si Bileam sanga aha na angkon dohononnia, lalu disuruSa anso mulak ia tu si Balak pabolkaskon tona ni Tuhan i tusia.

BILANGAN 23:5 Referans Kwoze

JEREMIA 1:9

Dung i disurduhon Tuhan ma tanganNia jana dijama Ia ma pamanganku lalu didok Ia, “Satutuna, madung Hubaen hatangKu tu bagasan pamanganmu.

PANGARATAION 18:18

SuruonKu ma tu halahi sian bangso ni halahi sandiri sada halak panurirang, songon ho, Musa. DokkononKu ma tusia sanga aha dokkononnia, jana palaluonnia ma tu bangso i sandok na Huparentahon.

JESAYA 59:21

BaenonKu ma parjanjian dohot hamu: LehenonKu kuaso dohot pangajaranKu tu hamu. Ingot jana patulus hamu ma angka pangajaranKi jana ajarkon hamu ma i tu angka dakdanakmunu dohot tu pomparanmunu, anso laing dohot halahi marningot dohot patuluskonsa.”

JESAYA 51:16

Hubaen do hatangKu tu pamanganmu, jana Hubunihon do ho di ondingan ni tanganKu, anso Hupahembang muse langit jana Hupayakkon ojahan ni tano on, dohononKu ma tu Sion: Ho do bangsongKu!”

BILANGAN 23:16

Didapotkon Tuhan ma si Bileam, jana dipaboa Tuhan ma sanga aha na giot dohononnia, lalu disuru ia mulak tu si Balak paboahon tona ni Tuhan i.

JOHANNES 11:51

Satutuna nada sian pikirannia sandiri didok si Kayafas songon i. Tapi songon Malim Godang do ia di na sataon i, madung songon na nibaennia hian boa-boana na angkon mate Jesus humopkop halak Jahudi.

LUKAS 12:12

angke ajaran ni Tondi Parbadia do hamu sanga aha sidokkononmunu di hatiha i.”

PODA 16:9

Bolas do jolma mambaen sangkap, tapi Tuhan do na patuluskon langkana.

PODA 16:1

Jolma mambaen rancangan, Debata do na mangalehen haputusan.

BILANGAN 22:35

Didok Surusuruan Ni Tuhan i ma, “Ihutkon sajo ma angka jolma i. Tapi hum na Husuru do tola dohononmu.” Dung i ditoruskon si Bileam ma dalanna rap dohot suruan ni si Balak i.

BILANGAN 22:20

Borngin i ro ma Debata mangkatai dohot si Bileam, ninna ma, “Ro halak on mangido anso rap kehe hamu ancogot, antong marhobas ma ho anso kehe. Tapi hum na Hudok i do na patut karejohononmu.”

HARURUAR 4:15

Manghobari ma ho dohot ia, paboa ma tusia aha sidokkononnia. Huurupi pe hamu na dua jana Huajari pe mandok sanga aha sidohononmunu dohot sibaenonmunu.

BILANGAN 23:4

disi ma ro Tuhan i tusia. Ninna si Bileam ma tu Tuhan i, “Tuhan! Madung hupajongjong pitu langgatan, jana huhaulkon do sada lombu jantan dohot sada biri-biri jantan di ganop langgatan i.”

BILANGAN 23:6

Dung i mulak ma si Bileam jana didapotkon ia ma si Balak na laing jongjong donok tu haul situtungonnia i, rap dohot sude pamimpin ni halak Moab.