BILANGAN 23:3 - BIBEL JAMITA NA DENGGAN

³ Dung i didok si Bileam ma tu si Balak, “Jongjong ma ho dison, donok tu haul situtungonmi. Hatiha songon i kehe ma au mangaligi, betak na ra do Tuhan i marsuo dohot au sanga nada. Hupaboa pe di ho sude sanga aha didok Tuhan i tu au.” Dung i kehe ma si Bileam sada ia tu puncut ni sada tor

BILANGAN 23:3 Referans Kwoze

BILANGAN 23:15

Didok si Bileam ma tu si Balak, “Dison ma ho tinggal, donok tu haul situtungonmi, anso kehe au marsuo dohot Tuhan di adu.”

BILANGAN 24:1

Saonnari tangkas ma di si Bileam hagiot ni Debata, i ma mamasumasu Israel. Hara ni i nada dilului Ia be angka tanda songon na binaennia andorang so i dope. Ditatap si Bileam tu halongonan

HAMALIMON 1:1

Dipio Tuhan ma si Musa masuk tu Bandar Parmianan Ni Tuhan jana dilehen ma angka aturan tusia,

PAMUNGKAAN 22:13

Jadi mangaranap ma si Abraham humaliang jana diida ia ma sada biri-biri jantan na sangkot tandukna di ramba-ramba i. Dibuat si Abraham ma biri-biri i bulus dilehen ia ma i tu Tuhan songon somba-sombania gabe haul na nitutung panggonti ni anaknia i.

PAMUNGKAAN 22:2

Didok Debata ma, “Piohon ma si Ishak anakmu sisada-sada i, anak hasianmi jana kehe ma hamu tu tano Moria. Di adu di sada dolok na giot patuduhononKu tu ho, angkon pasahatonmu ma anakmi gabe haul na nitutung tu Au.”

PAMUNGKAAN 8:20

Dipajongjong si Noak ma sada langgatan di Tuhan, dibuat ia ma sada binatang dohot unggas na so haram sian ganop horong, ditutung ia ma i himpal-himpal songon haul somba-somba di ginjang ni langgatan.

HARURUAR 18:12

Dung i dioban si Jetro ma sanga na piga haul situtungon dohot haul sisambolon songon somba-sombania tu Debata. Ro do si Harun rap dohot sude pamimpin ni halak Israel i tu parjamuan i lalu mangankon panganon na badia i dohot si Jetro di jolo ni Debata.

MATEUS 4:8

Dung i dioban Sibolis ma Jesus mangulahi tu sada dolok na gincat situtu. Dipatidahon Sibolis i ma tuSia sian i sude harajaan na di portibi on dohot sude hasangapanna.

BILANGAN 23:2

Dipatulus si Balak ma sude na nidok ni si Bileam tusia. Jadi rap ma ia dohot si Bileam manghaulkon sada lombu jantan dohot sada biri-biri jantan di ganop sada be langgatan i.

BILANGAN 23:4

disi ma ro Tuhan i tusia. Ninna si Bileam ma tu Tuhan i, “Tuhan! Madung hupajongjong pitu langgatan, jana huhaulkon do sada lombu jantan dohot sada biri-biri jantan di ganop langgatan i.”

BILANGAN 23:12

Dialusi si Bileam ma, “Sanga aha na nisuru ni Tuhan dokkononku, hum i do na tardokkon au.”

BILANGAN 23:26

Alus ni si Bileam, “Nada he na dung hudok di ho, bahaso na angkon hukarejohon sude parenta ni Tuhan i tu au?”

JOSUA 24:10

Tapi nada Huterge si Bileam; gabe nada mamurai ia tu hamu tapi mamasumasu do. Songon i ma Hubaen laho paluahon hamu sian si Balak.