BILANGAN 23:12 - BIBEL JAMITA NA DENGGAN

¹² Dialusi si Bileam ma, “Sanga aha na nisuru ni Tuhan dokkononku, hum i do na tardokkon au.”

BILANGAN 23:12 Referans Kwoze

BILANGAN 22:38

Dialusi si Bileam ma, “Nada he madung ro au, atehe? Tapi nada adong kuaso di au mandok barang aha asing sian na nisuru ni Tuhan dohononku.”

BILANGAN 24:13

haru pe dilehen ho di au sude perak dohot sere na adong di bagas godangmi, nada langgaronku parenta ni Tuhan jana mambaen roha-rohangku sajo. Hum na nisuru ni Tuhan do dohononku, hum i do na ra au mandokkon.”

BILANGAN 23:26

Alus ni si Bileam, “Nada he na dung hudok di ho, bahaso na angkon hukarejohon sude parenta ni Tuhan i tu au?”

BILANGAN 23:20

Disuru do au mamasumasusa, jana muda dipasupasu Debata nada tartarik au mulak.

TITUS 1:16

Pandok ni halahi, ditanda halahi do Debata, hape anggo sian parange ni halahi nada tarida na songon i. Jahat do roha ni halahi jana nada marpangoloion. Sada pe nada adong tarpatupa halahi na denggan.

SURAT NI SI PAULUS TU PARLAGUTAN ROM 16:18

Harana anggo halak sisongon i nada tu Kristus Tuhanta i halahi markarejo, tapi laho palalu na di roha ni halahi sajo do. Markite-hite hata na lambok jana na tabo begeon, dipaoto-oto halahi do angka halak na bulus roha.

PODA 26:25

Haru pe rama ia, ulang iba porsaya; angke gutgut do manggohi rohana.

BILANGAN 22:20

Borngin i ro ma Debata mangkatai dohot si Bileam, ninna ma, “Ro halak on mangido anso rap kehe hamu ancogot, antong marhobas ma ho anso kehe. Tapi hum na Hudok i do na patut karejohononmu.”

HARURUAR 4:15

Manghobari ma ho dohot ia, paboa ma tusia aha sidokkononnia. Huurupi pe hamu na dua jana Huajari pe mandok sanga aha sidohononmunu dohot sibaenonmunu.

BILANGAN 23:13

Dung i didok si Balak ma tu si Bileam, “Beta ma rap kehe hita tu inganan na asing, anggo sian i hum saotik do tarida ho halak Israel, disi ma burai halahi.”

BILANGAN 23:3

Dung i didok si Bileam ma tu si Balak, “Jongjong ma ho dison, donok tu haul situtungonmi. Hatiha songon i kehe ma au mangaligi, betak na ra do Tuhan i marsuo dohot au sanga nada. Hupaboa pe di ho sude sanga aha didok Tuhan i tu au.” Dung i kehe ma si Bileam sada ia tu puncut ni sada tor