BILANGAN 23:1 - BIBEL JAMITA NA DENGGAN

¹ Didok si Bileam ma tu si Balak, “Pajongjong ma di inganan on pitu langgatan di au jana oban ma tuson pitu lombu jantan dohot pitu biri-biri jantan.”

BILANGAN 23:1 Referans Kwoze

BILANGAN 23:29

Ninna si Bileam ma tu si Balak, “Pajongjong ma pitu langgatan dison, dung i oban ma tuson pitu lombu jantan dohot pitu biri-biri jantan.”

JUDAS 1:11

Marjaya ma halahi! Dalan ni si Kain do na nibolus ni halahi. Anso dapotan upa, gabe didohoti halahi do angka hasalaan songon na nibaen ni si Bileam. Jana mago do halahi hara ni na manggaori songon na nibaen ni si Kora.

MATEUS 23:13

“Marjaya ma hamu angka Siboto Surat dohot halak Parise! Angka pangalancap do hamu. Disundati hamu do halak na markagiot gabe rayat di Harajaan Ni Banua Ginjang. Hamu sandiri so ra gabe rayat ni Harajaan i. Muda adong halak na giot masuk tusi, hape dihalang-halangi hamu. [

JEHESKIEL 45:23

Salolot pesta sipitu ari i, ganop ari angkon haulkononnia do tu Tuhan pitu lombu jantan dohot pitu biri-biri jantan na so martihas, lalu ditutung ia ma i himpal-himpal. Ganop ari angkon haulkononnia do sada hambeng jantan baen haul hasesaan ni dosa.

JEHESKIEL 33:31

Ro do halahi marbahat-bahat songon bangsongKu, tangihonon ni halahi do angka hata na nidokmu, tapi anggo na niparentahonmu nada diterge halahi. Hata holong ni roha do dipajojor bibir ni halahi, tapi anggo rohana di bagasan hum mamikiri untung sajo do.

PODA 15:8

Sonang do roha ni Tuhan muda denggan halak martangiang, tapi anggo haul ni halak na jahat ditulak Ia.

JOB 42:8

Antong anggo songon i, saonnari buat ma pitu lombu jantan dohot pitu biri-biri jantan lalu kehe ma hamu mandapotkon si Job. Dung i haulkon hamu ma i sudena gabe haul situtungon hara ni hamu sandiri. Tangiangkonon ni si Job ma salaho tu hamu jana jagitonKu ma tangiangnia i. Nada pola pailaonKu hamu haru pe nian na patut hamu manjagit uhuman. Nada didok hamu na satutuna salaho tu Au, hape anggo si Job didokkon ia do.”

2 JUJUR TAON 29:21

Dibuat halahi ma pitu lombu jantan, pitu biri-biri, pitu anak ni biri-biri, dohot pitu hambeng, sipakeon baen haul pangampuni ni dosa ni keluarga ni raja dohot rayat ni Juda, dohot laho mangiasi Bagas Ni Debata i. Dung i disuru raja i ma angka malim pomparan ni si Harun manghaulkon angka pahan-pahanan i di ginjang ni langgatan gabe haul situtungon.

1 JUJUR TAON 15:26

Dihaulkon ma pitu lombu dohot pitu biri-biri tu Debata laho mangido pangurupionNia tu halak Levi na maroban Poti Parjanjian i.

2 RAJA-RAJA 18:22

Dung i didok parpangkat i muse ma, “Sanga betak na didok hamu do na mararop roha tu Tuhan, Debatamunu i hamu? Di na niparentahon ni si Hiskia lakna anso hum di jolo ni langgatan na di Jerusalem i sajo manyomba halak Juda dohot Jerusalem, inda he langgatan dohot angka inganan parsombaan tu Tuhan i sandiri na nisego-segonia?

1 SAMUEL 15:22

Tapi didok si Samuel ma, “Dia do na jumop roha ni Tuhan, pangoloion tu Tuhan do ulang pado na manghaulkon haul? Marpangoloion tu Tuhan, dumenggan do i sian na manghaulkon haul. Dumenggan do i sian tabo-tabo ni biri-biri.

BILANGAN 29:32

Di ari papituhon haulkon hamu ma pitu lombu jantan na poso, dua biri-biri jantan, opat bolas anak ni biri-biri jantan na marumur sataon, sudena i na so martihas.

HARURUAR 20:24

Baen hamu ma di Au sada langgatan sian tano jana pasahat hamu ma tu Au biri-biri dohot pahan-pahananmunu gabe haul situtungon dohot haul haluaan. Di ganop inganan paribadatanmunu tu Au na dung Hutontuhon, tusi ma Au ro mandapotkon hamu jana disi ma Hupasupasu hamu.

BILANGAN 22:41

Ancogotna i dioban si Balak ma si Bileam manangkok tu tor Bamot Baal. Sian inganan i diida si Bileam ma deba halak Israel.

BILANGAN 23:2

Dipatulus si Balak ma sude na nidok ni si Bileam tusia. Jadi rap ma ia dohot si Bileam manghaulkon sada lombu jantan dohot sada biri-biri jantan di ganop sada be langgatan i.

BILANGAN 23:30

Dipatulus si Balak ma sude na nidok ni si Bileam i. Dihaulkon ia ma sada lombu jantan dohot sada biri-biri jantan di ganop langgatan i.