BILANGAN 22:9 - BIBEL JAMITA NA DENGGAN

⁹ Dung i ro ma Debata manyapai si Bileam, ninna ma, “Ise do halak na ro tu ingananmi, Bileam?”

BILANGAN 22:9 Referans Kwoze

PAMUNGKAAN 20:3

Di sada borngin dipatidahon Debata ma diriNia tu raja i di bagasan nipi jana didok ma, “Mate noma ho, angke dibuat ho do antong dadaboru i na dung adong halaklahina.”

BILANGAN 22:20

Borngin i ro ma Debata mangkatai dohot si Bileam, ninna ma, “Ro halak on mangido anso rap kehe hamu ancogot, antong marhobas ma ho anso kehe. Tapi hum na Hudok i do na patut karejohononmu.”

JOHANNES 11:51

Satutuna nada sian pikirannia sandiri didok si Kayafas songon i. Tapi songon Malim Godang do ia di na sataon i, madung songon na nibaennia hian boa-boana na angkon mate Jesus humopkop halak Jahudi.

MATEUS 24:24

Harana, marroan do disi angka kristus pargabus dohot angka panurirang pargabus. Patupaon ni halahi ma angka pambaenan na luar biasa dohot angka na pahomang roha laho paoto-otohon halak. Sugari tarbaensa, dohot bangso ni Debata i pe giot paoto-otoon ni halahi muse do.

MATEUS 7:22

Di ari parpudi bahat ma halak na mandok tu Au, ‘Tuhan, Tuhan, nada he mangasahon goarMu do hami manyurirangi? Nada he laing mangasahon goar ni Tuhan i do hami paorot angka setan, jana hami baen angka tanda hahomangan?’

DANIEL 2:45

Nada he diida raja i do sada batu na magulang sian dolok-dolok i haru pe nada adong halak na mandabuhonsa, lalu manondong dohot mangaropuk patung na sian bosi, tumbaga, tano liat, perak dohot sere i? Didok Debata na sun godang i do tu raja i sanga aha muse na giot masa tu pudi on. Madung hupaboa nipi ni raja i na satutuna jana hupatorang astuanna na sasintongna.”

HARURUAR 4:2

Disapai Debata ma si Musa, “Aha na di tanganmi?” “Tungkot,” ning si Musa.

PAMUNGKAAN 41:25

Jadi didok si Josep ma tu raja i, “Sarupa do astuan ni nipi na dua i. Ma dipaboa Debata tu raja i sanga aha na giot masa baenon ni Debata.

PAMUNGKAAN 31:24

Borngin-borngin i ro ma Debata tu si Laban di bagasan nipi mandok, “Jago ho! Ulang jabat adong hatamu sanga aha mangancam si Jakob.”

PAMUNGKAAN 16:8

Didok surusuruan i ma, “O Hagar, hatoban ni si Sarai, na sian dia do ho ro jana na giot tu dia do ho?” Dialusi si Hagar ma, “Na lari do au sian nampuna au.”

PAMUNGKAAN 4:9

Disapai Tuhan ma tu si Kain, “Di dia si Abel, anggimi?” Dialusi si Kain ma, “Nada huboto i. Angkon iba ma he lakna pajago-jago angginiba?”

BILANGAN 22:8

didok si Bileam ma tu halahi, “Marborngin ma hamu dison. Ancogot hupaboa pe tu hamu, sanga aha didok Tuhan tu au.” Jadi marborngin ma pamimpin ni halak Moab i di inganan ni si Bileam.

BILANGAN 22:10

Dialusi si Bileam, “Suruan ni Raja Balak na sian Moab do i, pabolkaskon barita,