BILANGAN 21:7 - BIBEL JAMITA NA DENGGAN

⁷ Jadi ro ma halak Israel manopot si Musa, ninna ma, “Madung mardosa hami hara ni ungut-ungutnami tu Tuhan dohot tu ho. Pangido ma saonnari tu Tuhan anso dipadao ulok on sian hami.” Jadi ditangiangkon si Musa ma bangso i.

BILANGAN 21:7 Referans Kwoze

BAENON NI ANGKA RASUL 8:24

Dung i didok si Simon ma tu si Petrus dohot si Johannes, “Tolong ma jolo tangiangkon hamu au tu Tuhan anso ulang tulus tarjadi tu au sanga aha na nidokmunu i.”

MASMUR 78:34

Ganop dibunu Ia sanga na piga halak sian halahi, manyosal ma na asing i jana marsitutu tuSia mangulahi.

BILANGAN 11:2

Gogo ma sora ni halahi pio-pio mangido pangurupion sian si Musa. Dung i martangiang ma si Musa tu Tuhan, gabe mintop ma api i.

HARURUAR 8:8

Dipio raja i ma si Musa dohot si Harun, ning ia ma, “Tangiangkon ma tu Tuhan, anso dipakehe Ia angka tohuk on, dung i huloas pe kehe bangsomi manghaulkon haul tu Tuhan.”

1 RAJA-RAJA 13:6

Dung i didok Raja Jerobeam ma tu panurirang i: “Tolong ma jolo jana martangiang ho tu Tuhan Debatamu hara ni au. Pangidohon ma anso dipamalum Ia tangankon!” Jadi martangiang ma panurirang i tu Tuhan, gabe malum ma tangan ni raja i.

HARURUAR 8:28

Ninna raja i ma, “Hupaloas pe hamu kehe tu halongonan, laho manghaulkon haul tu Tuhan Debatamunu i, asal ma ulang dao hamu kehe. Antong, tangiangkon ma au!”

JAKOBUS 5:16

Hara ni i, marsioku dosana ma hamu jana marsitangiangan anso dipamalum hamu. Na margogo situtu do tangiang ni halak na mangihutkon hagiot ni Debata.

SURAT NI SI PAULUS TU PARLAGUTAN ROM 10:1

Ale angka dongan, anggo pangidoan ni rohangku dohot tangiangku tu Debata anso dipalua halahi nian.

MATEUS 27:4

Ning ia ma, “Ma mardosa au, manghianat au tu halak na so marsala gabe didabu uhum mamatehon Ia!” Didok halahi ma mangalusi, “Ahana ma i di hami? Urusanmu do i!”

HOSEA 5:15

Angkon kehe do Au mulak tu ingananKu, lopus mangoku sala halahi jana manjalahi Au. Di bagasan pardangolan ni halahi gabe malungun halahi tu Au.”

JEREMIA 37:3

Disuru si Zedekia ma si Jukal anak ni si Selemia, dohot Malim Zefanya anak ni si Maaseya mangidohon anso martangiang au tu Tuhan Debata salaho tu haporluan ni bangso i.

JEREMIA 15:1

Didok Tuhan ma tu au, “Indada ra Au maribo ni roha mida bangso on, haru pe jongjong dison si Musa dohot si Samuel mangido ibo ni roha sian Au tu halahi. Suru ma kehe bangso on; nada jop rohangKu paida-ida halahi.

MASMUR 106:23

Hara ni i gabe tubu di rohaMu laho mangabisi bangsoMi, tapi diambati si Musa, halak na nitodoMi. Ia gabe panonga-nongai di halahi gabe mombun antong rimasMi.

JOB 42:10

Salpu i, dung martangiang si Job salaho tu donganna sitolu halak i, dibaen Tuhan ma ia mamora mangulahi jana dilehen tusia dua noli lompit sian sinadongannia najolo i.

JOB 42:8

Antong anggo songon i, saonnari buat ma pitu lombu jantan dohot pitu biri-biri jantan lalu kehe ma hamu mandapotkon si Job. Dung i haulkon hamu ma i sudena gabe haul situtungon hara ni hamu sandiri. Tangiangkonon ni si Job ma salaho tu hamu jana jagitonKu ma tangiangnia i. Nada pola pailaonKu hamu haru pe nian na patut hamu manjagit uhuman. Nada didok hamu na satutuna salaho tu Au, hape anggo si Job didokkon ia do.”

1 SAMUEL 15:30

Dialusi si Saul ma, “Ma mardosa au tutu. Tapi pinomat ma tarpatuduhon ho amang tu au sangap sian ho di jolo ni angka pamimpin ni bangsongku dohot di sude Israel. Rap dohot au ma ho mulak anso laing tarbaen au maribadat tu Tuhan Debatami.”

1 SAMUEL 15:24

Umbege i, mangoku ma si Saul tu si Samuel, didok ia ma, “Tutu do i madung mardosa au, hulaosi do parenta ni Tuhan jana hupasiding sipaingotmi. Na mabiar do au tu paranganki gabe huoloi pangidoan ni halahi i.

PANGARATAION 9:20

Muruk sajo do Tuhan dohot tu si Harun, jabat do giot bunuonNa ia, gabe martangiang muse ma au salaho tusia.

HARURUAR 32:30

Ancogotna i mandok hata ma si Musa tu bangso i, “Madung mardosa godang hamu, tapi saonnari manangkok ma au mangadop tu Tuhan, betak na tarpatupa dope hadamean patunda ni dosamunu i.”

HARURUAR 32:11

Tapi dielek-elek si Musa do anso mombun roha ni Tuhan, Debatania i, didok ia ma, “Biasi ma he jabat songon i murukMu tu bangsoMu na dung diobanMi ruar sian Mesir mardongan hagogoon na tarlobi rap dohot tangan na gogo situtu?

PAMUNGKAAN 20:7

Tapi saonnari, paulak ma anakboru i tu halaklahina. Panurirang do halaklahinia i, jana tangiangkononnia do ho anso ulang mate. Tapi muda nada dipaulak ho, ingot ma, mate ma ho dohot sude rayatmi!”

PAMUNGKAAN 20:17

Gabe so maruntungan sude dadaboru na di bagas godang ni si Abimelek i dibaen Debata hara ni na masa tu si Sara, ripe ni si Abraham i. Jadi ditangiangkon si Abraham ma si Abimelek tu Debata, jana dipamalum Debata ma si Abimelek, dongan saripe dohot angka hatobanna dadaboru, gabe mulak ma margogo halahi laho mardakdanak.

2 RAJA-RAJA 13:4

Jadi martangiang ma si Joahas tu Tuhan, jana ditangihon Tuhan ma tangiangnia i angke diida ia ma sanga songon dia hacitna pambaenan ni raja Siria i mamisat halak Israel.

JESAYA 26:16

Ale Tuhan, hatiha na sompit dijalahi halahi do Ho, hatiha hona uhumMu, tu Ho do halahi pio-pio di bagasan tangiang.

HARURUAR 8:4

Mangamburi ma tohuk i tu pamatangmu, tu pamatang ni rayatmu dohot tu sude menterimu.’ ”

HARURUAR 10:17

Sesa ma dosangki sanoli on, martangiang ma hamu tu Tuhan Debatamunu, anso ditarik Ia mulak uhum hamatean on sian au.”