BILANGAN 21:5 - BIBEL JAMITA NA DENGGAN

⁵ gabe marungut-ungut ma halahi tu Debata dohot tu si Musa. Ninna halahi ma, “Biasi obanonmu hami haruar sian Mesir, anso bunuonmu hami di parhorsihan on, so adong panganon dison, aek pe nada adong. Gialan hami hara ni panganon na so mardai on!”

BILANGAN 21:5 Referans Kwoze

MASMUR 78:19

Dialo halahi do Debata di na nidok ni halahi, “Margogo ma he lakna Debata mangalehen mangan hita di parhorsihan on?

BILANGAN 16:41

Ancogotna i, marungut-ungut ma sude halahi tu si Musa dohot tu si Harun. Ninna halahi ma, “Madung dibunu hamu deba sian halak ni Tuhan i.”

BILANGAN 17:12

Dung i didok halak Israel ma tu si Musa, “Muda songon i do, marmara ma hami!

HARURUAR 14:11

Ninna halahi ma tu si Musa, “Aha do na nibaenmu tu hami? Na so adong dehe lakna kuburan di tano Mesir? Angkon obanonmu ma he hami, anso mate di inganan on? Ligi ma, patunda ni na niobanmon hami ruar sian Mesir!

PODA 27:7

Muda butong, aer ni loba pe nitulak; muda male, na paet pe gabe nipolgak.

MASMUR 68:6

Dilehen Ia do inganan di halak na tarpunjung dilehen Ia haluaan dohot hatuaan di halak na tarhurung. Hape anggo halak na mangalo Tuhan, angkon maringanan do di tano na harsang.

HARURUAR 16:31

Dung i digoari halak Israel ma panganon i “manna”. Pangalahona songon parbatu na menek, tompana bontar, daina songon roti mardongan aer ni loba.

HARURUAR 16:15

Di na diida ni halak Israel i, nada diboto halahi sanga aha i, jana marsisapaan ma halahi sama halahi, “Aha do i?” Dung i didok si Musa ma tu halahi, “On ma da roti sipanganon na nilehen ni Tuhan di hamu.

HARURUAR 15:24

Gabe mungut-ungut ma halahi tu si Musa, marsapa, “Aha noma inumonta?”

1 KORINTUS 10:9

Ulang ma tauji Tuhan songon na nibaen ni halahi narobi, gabe marmatean halahi diturbingi ulok na marbisa.

JEHESKIEL 20:21

Hape angka na umposo i pe manggagai do tu Au. Dilaosi halahi do angka tona na sian Au jana dipasiding halahi do parenta na sian Au, na manjamin tongtong mangolu sanga ise na mandalankonsa. Jadi hara ni i madung hobas Au laho palaluhon murukKu maradopkon halahi di parhorsihan i jana mamunu halahi sude.

BILANGAN 11:20

Tapi sabulan honokna mangan juhut hamu, lopus gabe marnyae jana muta-uta hamu patundana. Masa pe songon i hara ni na ditulak hamu do Tuhan na adong ditonga-tongamunu. Dohot hara ni ungut-ungutmunu tuSia, bahaso na dumenggan hian ulang ditinggalkon hamu Mesir.’ ”