BILANGAN 21:16 - BIBEL JAMITA NA DENGGAN

¹⁶ Sian i kehe ma halahi adop inganan na nigoaran sumur-sumur. Didok Tuhan ma disi tu si Musa, “Suru ma halahi marlagut, giot lehenonKu aek di halahi.”

BILANGAN 21:16 Referans Kwoze

BILANGAN 20:8

“Buat ma tungkot na di Poti Parjanjian i, dung i rap ma ho dohot si Harun palagutkon sude bangso i. Mangkatai ma ho di jolo ni halahi sude tu batu na godang na disi, dung i gabe mamancur ma aek haruar sian batu i. Marhite i gabe tarparuar ho aek sian batu na godang i anso minum sude halahi dohot pahan-pahanan ni halahi.”

JESAYA 12:3

Jadi marjop ni roha ma hamu manimba aek sian mual haluaan.”

HALUMBAAN 22:17

Didok Tondi i dohot Boru Oroan i ma, “Beta ma!” Jana ganop halak na umbege on angkon laing dohot ma mandok, “Beta ma!” Sanga ise na manguas, ro ma ia! Jana sanga ise na marpor ni roha, dibuat ma aek na mangalehen hangoluan i so pola mangalehen bagi aha panggararna!

HALUMBAAN 22:1

Dipatidahon surusuruan i muse dope tu au batang aek na lan sajo songon kristal jana mangalehen ngolu do aekna i. Sian habangsa ni Debata do mardalan batang aek i dohot sian Anak Ni Biri-biri i,

HALUMBAAN 21:6

Dung i didok Ia ma tu au, “Sasudena i madung tarjadi, Au do Na Parjolo dohot Na Parpudi, Bonana dohot Ujungna. Halak na manguas Hulehen do minum sian mual hangoluan i.

JESAYA 43:20

Hupadalan batang aek di parhorsihan anso dapotan aek bangso na Hupili i. Gabe dohot ma binatang harangan pasangapkon Au, sorigala dohot unto pe pujionna noma Au.

HAKIM-HAKIM 9:21

Dung salpu i maporus ma si Jotam paluahon dirina lalu kehe ma ia tu Beer, dibaen mabiar ia tu si Abimelek, kahangginia i.

HARURUAR 17:6

Jongjong pe Au di jolomu di sada batu di Dolok Sinai. Lipat ma batu i, gabe haruar ma aek sian batu i, anso minum halahi.” Dibaen si Musa ma songon i disaksihon angka pamimpin ni Israel i.

JOHANNES 4:14

tapi anggo halak na manginum aek na giot lehenonKi disia, nada manguas be ia salolot-lolotna. Angke anggo aek na giot lehenonKi angkon gabe sada mata mual na marbuldak-buldak do i di dirinia jana mangalehen hangoluan na so mantak.”

JOHANNES 4:10

Dialusi Jesus ma, “Sugari ma diboto ho silehen-lehen ni Debata jana ditanda ho na mangido minum sian ho, gabe ho sandiri noma mangido sian Ia, jana lehenonNia ma di ho aek na mangolu.”

JESAYA 49:10

Nada malean halahi sanga manguas, alogo na milas dohot mataniari na mamilngas pe nada hona tu halahi, Au na manghaholongi halahi, sai mandongani, jana tu angka mual na gok aek toguonKu halahi.

PAMUNGKAAN 21:19

Dung i diungkap Debata ma mata ni si Hagar, gabe diida ia ma sada sumur. Jadi kehe ma ia laho mangisi kantongan kulit i dohot aek, dilehen ia ma anaknia i minum.

BILANGAN 33:46

Sian Dibon Gad marbandar ma halahi di Almon-Diblataim.

JESAYA 15:8

Sanga na di dia pe parbalohan ni Moab, habegean ma sora ni na tangis. Tarbege do pangandungna i di Eglaim dohot Beer-Elim.