BILANGAN 20:8 - BIBEL JAMITA NA DENGGAN

⁸ “Buat ma tungkot na di Poti Parjanjian i, dung i rap ma ho dohot si Harun palagutkon sude bangso i. Mangkatai ma ho di jolo ni halahi sude tu batu na godang na disi, dung i gabe mamancur ma aek haruar sian batu i. Marhite i gabe tarparuar ho aek sian batu na godang i anso minum sude halahi dohot pahan-pahanan ni halahi.”

BILANGAN 20:8 Referans Kwoze

HARURUAR 4:17

Oban ma tungkot i, baenonmu ma angka hahomangan marhite i.”

HALUMBAAN 22:17

Didok Tondi i dohot Boru Oroan i ma, “Beta ma!” Jana ganop halak na umbege on angkon laing dohot ma mandok, “Beta ma!” Sanga ise na manguas, ro ma ia! Jana sanga ise na marpor ni roha, dibuat ma aek na mangalehen hangoluan i so pola mangalehen bagi aha panggararna!

JESAYA 43:20

Hupadalan batang aek di parhorsihan anso dapotan aek bangso na Hupili i. Gabe dohot ma binatang harangan pasangapkon Au, sorigala dohot unto pe pujionna noma Au.

HALUMBAAN 22:1

Dipatidahon surusuruan i muse dope tu au batang aek na lan sajo songon kristal jana mangalehen ngolu do aekna i. Sian habangsa ni Debata do mardalan batang aek i dohot sian Anak Ni Biri-biri i,

BAENON NI ANGKA RASUL 1:14

satahi saoloan do halahi na marlagut i laho martangiang. Rap martangiang ma halahi dohot angka dadaboru songon i dohot si Maria inang ni Jesus dohot anggi ni Jesus.

JOHANNES 16:24

Lopus tu hatiha on na so unjung dope dipangido hamu sanga na aha markite-hite goarKu. Torus ma pangido hamu, gabe manjagit ma hamu, anso sanggam jop ni rohamunu.”

LUKAS 11:13

Haru na bia pe jahatmunu, laing diboto hamu do patupa na denggan tu dakdanakmunu, mur ma hape Ama na di banua ginjang i. Laing na lehenonNia do tondiNia di halak na mangido diSia!”

MATEUS 21:21

“Satutuna, Hudok ma tu hamu, anggo porsaya do hamu jana inda adong ganggu ni roha, tarbaen hamu do songon na Hubaen i tu bona ni gala-gala i. Inda hum i sajo, salangkan tu dolok an pe tardokkon hamu do, ‘Morot ma ho, ambung ma ho tu laut.’ Tulus do i!

JESAYA 48:21

Nada manguas halahi, hatiha ditogu Ia halahi mamolus inganan na gariang. Diharuarkon Ia aek sian dolok batu di halahi. Dibola Ia dolok batu, gabe mamincar ma aek.

MASMUR 114:8

Ia do na pauba batu karang gabe tobat, jana dolok batu gabe mual ni aek na mardalan.

MASMUR 105:41

Dibola Ia dolok batu gabe mamincar aek, mardalan di parhorsihan songon batang aek.

MASMUR 33:9

Angke mandok hata Ia, gabe tarjadi ma sasudena dibaen Ia parenta, gabe adong ma sasudena.

NEHEMIA 9:15

Dompak male jana hurang mangan halahi, dipaijur Ho do roti sian langit i. Jana sian batu na himpal, na gogo jana na koras, dipadalan Ho aek na pasombu nguas maradu doras. Disuru Ho do halahi mangingani tano, na nijanjihonMu tu halahi mardongan sumpa.

JOSUA 6:20

Jadi diombus angka malim ma sarunena. Jana disi dibege angka halak Israel sora ni sarune i marsurak ma halahi sagogona, jadi gabe matolbak ma tembok ni kota Jeriko i. Manigor manangkok ma tentara ni Israel tu dolok jana masuk tu kota i mangarampassa.

JOSUA 6:5

Dung i angkon paluon ni angka malim i ma sarune i ginjang sorana. Disi dibege hamu sora na ginjang i, angkon marsurak ma gogo sude halaklahi, jadi gabe matolbak ma tembok ni kota i. Jadi angkon manigor masuk ma sude tentara i tu kota i.”

BILANGAN 21:18

Sumur na nihuar ni anak ni raja songon i dohot angka pamimpin ni bangso na dihuar dohot tungkot harajaan songon i dohot angka tungkot ni halahi.” Sian halongonan i pinda ma halahi tu Matana,

BILANGAN 21:15

dohot robean na bidang lalu tu Luat Ar adop parbalohan dohot luat ni halak Moab.”

BILANGAN 20:11

Dung i dilipatkon si Musa ma tungkot i tu batu na godang i pola dua noli. Manigor kaluar ma aek na doras sian batu i gabe minum halahi sude dohot pahan-pahanan ni halahi.

HARURUAR 17:9

Didok si Musa ma tu si Josua, “Pilii ma jolo sanga na piga-piga halak anso kehe marporang mangalo halak Amalek ancogot. Anggo au, jongjong di puncut ni dolok do maniop tungkot na nisuru oban ni Tuhan tu au.”

HARURUAR 14:16

Buat ma tungkotmu, pahortang ma tu ginjang ni laut i. Gabe mabola ma aek i, jana tarbaen halak Israel ma manaripari laut i mardalan di tano na mahiang.

HARURUAR 7:20

Dibaen si Musa ma dohot si Harun sanga aha na niparentahon ni Tuhan i, di jolo ni raja i dohot angka na parpangkatna, diangkat si Harun ma tungkotnia jana dilipatkon ia ma tu batang aek i, jadi sude ma aek na di bagasan i muba gabe mudar.

HARURUAR 4:20

Dung i dialap si Musa ma dadaborunia dohot angka anaknia jana dipajuguk ia tu halode asa kehe ma halahi tu Mesir jana maroban tungkot na nidok ni Debata obanonnia.

HARURUAR 4:2

Disapai Debata ma si Musa, “Aha na di tanganmi?” “Tungkot,” ning si Musa.

PAMUNGKAAN 18:14

Adong ma he pangalaho bagi aha na maol di Tuhan lakna? Di hatiha na dung ditontuhon, giot mulak ro Au mandapotkon ho di taon na ro, jana adong ma anak di si Sara.”

BILANGAN 20:7

Didokkon Tuhan ma tu si Musa,