BILANGAN 20:5 - BIBEL JAMITA NA DENGGAN

⁵ Aha dehe gunana dioban ho hami sian Mesir tu inganan parkancitan tu tano na so tarsuan bagi aha on? So adong gandum dison, so adong hayu ara, so adong anggur dohot dalimo pe so adong.”

BILANGAN 20:5 Referans Kwoze

BILANGAN 16:14

Madung tangkas, nada na giot obanonmu hami tu tano na napu, sanga pe mangalehen di hami angka ladang dohot kobun anggur gabe nampunanami, hape saonnari ditipu ho hami, nada ra hami ro!”

JEHESKIEL 20:36

songon na Hubaen tu angka ompumunu di Parhorsihan Sinai. Au Tuhan Debata madung mandok songon i.”

JEREMIA 2:6

Nada diantoi halahi Au; Au do nian na dung manogu halahi di dalan, jana na maroban halahi ruar sian Mesir, manyalpui parhorsihan; tano gariang na margaba-gobi, boti na harsang gok parmaraan padang na so diingani jana nada adong mamolus sian i!

JEREMIA 2:2

Kehe ma ho paboahon barita on tu sude halak na adong di Jerusalem, “O ale Israel, Huingot do holongmu, taran di haposoonmu; godang ni holong ni rohamu di na dompak boru ho. Diihutkon ho do Au tu halongonan mangolu sian luat na so marsuan-suanan.

NEHEMIA 9:21

Salolot opat pulu taon di padang halongonan, dipatuk Ho do di halahi haporluan. Nada sego pakean ni halahi, nada hancit pat ni halahi sanga marbosari.

PANGARATAION 8:15

Dipimpin Tuhan do hamu mamolus parhorsihan na bolak jana na jorbut i, disi bahat ulok na marbisa dohot hala. Di tano na mahiang na so maraek i disuru Ia do mardalan aek sian batu mamak na pir i anso minum hamu sapuas-puasna.

BILANGAN 20:24

“Nada dohot be si Harun masuk tu tano na dung Hujanjihon tu halak Israel, angkon mate noma ia, dibaen dialo hamu na dua parentangKu di Meriba.

BILANGAN 27:14

angke di Halongonan Zin dialo hamu na dua do parentangKu. Hatiha di Meriba sude rayat i marungut-ungut tu Au, nada ra hamu patorangkon tu halahi bahaso hum Au do na Markuaso.” (Meriba i ma haroroan ni aek di Kades na di Halongonan Zin.)