BILANGAN 20:12 - BIBEL JAMITA NA DENGGAN

¹² Dung i mangkuling ma Tuhan tu si Musa dohot tu si Harun, ninna ma, “Hara ni naso porsaya hamu di hatangKu jana ganggu hamu patidahon kuasongKu na badia i di jolo ni halak Israel, gabe nada hamu be maroban halahi tu tano na Hujanjihon tu halahi.”

BILANGAN 20:12 Referans Kwoze

PANGARATAION 1:37

Patunda ni hamu muse, gabe muruk ma Tuhan tu au, didok do, ‘Ho pe Musa, nada masuhanmu luat i.

JEHESKIEL 36:23

PatuduhononKu ma godang ni goarKu na badia i, goar na nipahodarmunu di tonga-tonga ni angka bangso, jadi botoon ni halahi ma bahaso Au do Tuhan. Au Tuhan Debata madung mandok songon i. Pakeonku ma hamu laho pataridahon tu angka bangso paboa na badia do Au Tuhan.

BILANGAN 27:14

angke di Halongonan Zin dialo hamu na dua do parentangKu. Hatiha di Meriba sude rayat i marungut-ungut tu Au, nada ra hamu patorangkon tu halahi bahaso hum Au do na Markuaso.” (Meriba i ma haroroan ni aek di Kades na di Halongonan Zin.)

BILANGAN 20:24

“Nada dohot be si Harun masuk tu tano na dung Hujanjihon tu halak Israel, angkon mate noma ia, dibaen dialo hamu na dua parentangKu di Meriba.

SURAT NI SI PAULUS TU PARLAGUTAN ROM 4:20

Laing tongtong do ia porsaya jana nada ganggu rohania di janji ni Debata i. Mur dipargogoi haporsayaannia i muse dope ia laho pasangapkon Debata.

LUKAS 1:45

Martua ma ho, hara ni na porsaya ho angkon tulus do na nidok ni Tuhan i tu ho!”

LUKAS 1:20

Sude na hudokkon on, pasti do angkon tarjadi muda dung dapot hatihana songon na dung ditontuhon Debata. Tapi hara ni na so porsaya ho, nada tarbaen ho be annon mangkatai. Torus noma ho ngungu lopus tu hatihana tulus sude na hupaboa i.”

MATEUS 17:20

Dialusi Jesus ma, “Angke hurang porsaya hamu. Ingot hamu ma! Sugari sagodang ni batu ni sabi pe adong haporsayaanmunu, tardok hamu do tu dolok on, ‘Morot ma ho sian on tu sadu!’ angkon pinda do dolok i. Jana nada adong sanga aha pe na so tarpatupa hamu! [

JESAYA 8:13

Ingot ma, anggo Au Tuhan Na Markuaso, na badia do. Hum Au sajo do angkon sihabiaranmu.

1 PETRUS 3:15

Tapi di bagasan rohamunu, parbadia i hamu ma Kristus songon Tuhan! Jana angkon singkop do hamu tongtong laho mangalusi sanga ise na manyapai hamu taringot tu pos ni rohamunu di angka na niarop ni rohamunu sian Tuhan.

JOHANNES 1:17

Dibaen dilehen do Tona i markite-hite si Musa tapi anggo asi ni roha dohot hasintongan markite-hite Jesus Kristus do.

MATEUS 17:17

Dialusi Jesus ma, “O hamu angka angkatan na so porsaya jana na lilu, angkon sadia honok Au rap dohot hamu? Angkon sadia honok nari Au sobar paida-ida hamu? Oban ma tuson dakdanak i!”

JEHESKIEL 38:10

Didok Tuhan Debata i ma tu si Gog, “Baenonmu ma di hatiha i sangkap na jahat.

JEHESKIEL 20:41

Dung Huoban hamu haruar sian angka luat inganan parserahanmunu, palagutonKu ma hamu jana jagitonKu ma sude haul situtungonmunu. Jadi gabe botoon ni sandok bangso ma Au do Tuhan.

JESAYA 7:9

Samaria i ma kota sabungan ni Efraim, anak ni si Remalya ma rajana. Muda nada porsaya hamu, bagi na bia pe nada martahan hamu.”

2 JUJUR TAON 20:20

Ancogotna i sogot sajo dope, ruar ma rayat i jana kehe ma halahi tu luat halongonan na di lambung ni Tekoa. Di na laho kehe halahi, jolo didok si Josafat ma sipaingot songon on, “Hamu angka rayat ni Juda dohot Jerusalem! Porsaya ma hamu tu Tuhan Debatamu, gabe margogo ma hamu martahan. Jagit hamu ma angka sipaingot sian panurirangmunu, gabe manjadi ma hamu!”

JOSUA 1:2

Didok Tuhan ma, “Madung marujung ngolu ni naposongKu si Musa. Saonnari markobas ma ho dohot sude bangso Israel laho manaripari Batang aek Jordan dohot mamasuhi tano na giot lehenonKu di halahi.

PANGARATAION 34:4

Dung i didok Tuhan ma tu si Musa, “On ma da tano na Hujanjihon i tu si Abraham, si Ishak dohot si Jakob sipasahaton tu pomparan ni halahi. Hupatidahon do i tu ho Musa, tapi nada Hupatola ho kehe tusi.”

HAMALIMON 10:3

Didok si Musa ma tu si Harun, “On ma pikiran ni Tuhan i di na nidokNia, ‘Sude halak na giot mangoloi Au angkon pasangaponna do Au angke sasada Au do Debata. Giot patuduhononKu hamuliaonKu tu bangsongKu.’ ” Tapi hohom do si Harun.

BILANGAN 11:15

Muda laing songon i do baenonMu Tuhan tu au, ibo ma rohaMu, gonan ma au bunu anso ulang hutaon be parkancitan na niampehonMon tu au.”

PANGARATAION 4:21

Patunda ni hamu ma muruk Tuhan Debatamunu i tu au jana disumpahon Ia anggo au na so jadi manaripari Batang aek Jordan laho mamasuhi tano napu na giot silehenonNia tu hamu.

MASMUR 99:8

Ale Tuhan Debatanami, Debata na sai mangampuni do Ho. Uhumi ma bangsoMi hara ni hasalaan ni halahi, hape tangiang ni halahi laing dialusi Ho muse.

MASMUR 106:32

Di sumur Meriba muruk Ho dibaen halahi, gabe susa si Musa patunda ni parbuatan ni halahi i.