BILANGAN 20:11 - BIBEL JAMITA NA DENGGAN

¹¹ Dung i dilipatkon si Musa ma tungkot i tu batu na godang i pola dua noli. Manigor kaluar ma aek na doras sian batu i gabe minum halahi sude dohot pahan-pahanan ni halahi.

BILANGAN 20:11 Referans Kwoze

1 KORINTUS 10:4

jana rap siinumon partondion do diinum halahi. Rap minum sian dolok batu partondion do halahi, i ma batu partondion na mandongani halahi; Kristus sandiri do anggo batu partondion i.

HARURUAR 17:6

Jongjong pe Au di jolomu di sada batu di Dolok Sinai. Lipat ma batu i, gabe haruar ma aek sian batu i, anso minum halahi.” Dibaen si Musa ma songon i disaksihon angka pamimpin ni Israel i.

PANGARATAION 8:15

Dipimpin Tuhan do hamu mamolus parhorsihan na bolak jana na jorbut i, disi bahat ulok na marbisa dohot hala. Di tano na mahiang na so maraek i disuru Ia do mardalan aek sian batu mamak na pir i anso minum hamu sapuas-puasna.

BILANGAN 20:8

“Buat ma tungkot na di Poti Parjanjian i, dung i rap ma ho dohot si Harun palagutkon sude bangso i. Mangkatai ma ho di jolo ni halahi sude tu batu na godang na disi, dung i gabe mamancur ma aek haruar sian batu i. Marhite i gabe tarparuar ho aek sian batu na godang i anso minum sude halahi dohot pahan-pahanan ni halahi.”

JAKOBUS 1:20

Harana nada tarbaen hamuruhon ni jolma mangkarejohon hatigoran ni Debata.

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

HOSEA 13:5

Di tano na harsang di padang halongonan, Au do na manjagohon hamu.

MASMUR 78:16

Disuru Ia dolok batu paruarkon aek, gabe mardalan ma aek i songon batang aek.

1 JUJUR TAON 15:13

Di na dipapinda parjolo situtu Poti i, nada adong sian hamu na ro, jadi hara ni i, diuhumi Tuhan Debatanta hita, angke tabaen antong ibadat na so cocok tu na nihagiotanNia.”

1 SAMUEL 15:24

Umbege i, mangoku ma si Saul tu si Samuel, didok ia ma, “Tutu do i madung mardosa au, hulaosi do parenta ni Tuhan jana hupasiding sipaingotmi. Na mabiar do au tu paranganki gabe huoloi pangidoan ni halahi i.

1 JUJUR TAON 15:2

Dung i didok si Daud ma, “Hum halak Levi sajo do na tola mangangkat Poti Parjanjian ni Tuhan, harana halahi do na nitodo ni Tuhan laho mamorsan Poti i dohot na mangoloi Ia salolot-lolotna.”

1 SAMUEL 15:19

Biasi nada tunduk raja i diparenta ni Tuhan? Biasi marribur-ribur raja i mambuati barang rampasan? Jana marhite pambaenan na songon i do na gabe muruk roha ni Tuhan?”

HAMALIMON 10:1

Di na sadari, ro ma angka anak ni si Harun, i ma si Nadab dohot si Abihu, rap mambuat inganan ni apina be, lalu mangisi banggar tusi. Ditambahon halahi dope hamonyan tu api i, dung i dipasahat halahi ma i tu Tuhan. Tapi nada badia api i angke nada na nisuru ni Tuhan halahi pasahatkonsa.

MASMUR 74:15

Dibaen Ho do mual dohot batang aek na mardalan, dipahiang Ho batang aek na godang.

MASMUR 78:15

Dibola Ia batu di padang halongonan, dilehen Ia halahi minum songon bahat ni aek di lautan.

MASMUR 78:20

Tutu do nian dipotuk Ia batu na koras, gabe mardalan aek na doras. Tapi margogo ma he Ia pasingkop roti dohot mangalehen juhut dison tu bangso i?”

MASMUR 105:41

Dibola Ia dolok batu gabe mamincar aek, mardalan di parhorsihan songon batang aek.

MASMUR 114:8

Ia do na pauba batu karang gabe tobat, jana dolok batu gabe mual ni aek na mardalan.

JESAYA 43:19

Ligi ma, giot baenonKu ma sada pangalaho na imbaru, saonnari mamungka ma tarida, madung he diboto ho? Na giot baenonKu ma dalan di halongonan, mardalan ma angka aek godang di padang na bidang.

JESAYA 48:21

Nada manguas halahi, hatiha ditogu Ia halahi mamolus inganan na gariang. Diharuarkon Ia aek sian dolok batu di halahi. Dibola Ia dolok batu, gabe mamincar ma aek.

HAKIM-HAKIM 15:19

Jadi gabe dibuka Tuhan ma sada lubang di tano i, lalu ruar ma aek sian i. Minum ma si Simson, dung i sumuang ma gogonia dihilala ia. Jadi hara ni i ma umbaen digoari inganan i Mual Ni Batang aek Hakor. Laing di Lehi do mual ni aek i.