BILANGAN 19:7 - BIBEL JAMITA NA DENGGAN

⁷ Dung i basuonnia ma pakeannia, jana disiram ia pamatangnia dohot aek, disi pe anso tola masuk ia tu parbandaran, lopus tu andospotang etongon do ia halak na ramun.

BILANGAN 19:7 Referans Kwoze

BILANGAN 19:19

Di ari patoluhon dohot papituhon, halak na dung ias mangihutkon ugamo i angkon mamispisi halak na ramun i. Di ari papituhon tuk ma pangalaho haiason ni halakna i. Dung i basuonnia ma pakeannia lalu maridi. Ias ma halahi lopus tu na lusut mataniari.

BILANGAN 19:8

Halak na manutung lombu i pe angkon dibasu ia pakeannia jana disiram ia pamatangnia dohot aek, ia pe ramun do lopus tu na lusut mataniari.

HAMALIMON 22:6

Sahalak malim na gabe ramun, laing ramun do ia lopus tu andospotang. Jana haru dung salpu pe andospotang, nada tola dope panganonnia haul na badia i anggo so maridi dope ia.

HAMALIMON 15:5

Sanga ise na dais tu halak na mangharuarkon same i sanga dais tu podomanna sanga juguk di inganan na dung nijuguhan sanga na nitijuran ni halahi, angkon basuonnia pakeanna lalu maridi, ramun ma ia lopus tu andospotang.

HAMALIMON 11:40

Muda dipangan halak bangke ni binatang na songon i sanga na ahana pe dipangan ia, angkon dibasu ia pakeannia, jana hodar do ia lopus tu andospotang.

IBRANI 13:11

Anggo mudar ni pahan-pahanan na nihaulkon i gabe haul laho manyesa dosa, dioban Malim Godang do i tu Bilik Na Sun Badia di bagasan bandar i; tapi anggo bangke ni pahan-pahanan i sandiri di duru ni bandar i do nitutungan.

HAMALIMON 14:46

Taran so i dope, sanga ise na masuk tu bagas na nikunci i, gabe ramun lalu tu andospotang.

BILANGAN 19:10

Halak na palagutkon abuan ni lombu i, angkon dibasu ia pakeannia, tapi lalu tu andospotang laing etongon do ia na ramun. Marlaku do aturan on ro di salolotna, bope di halak Israel bope di halak na leban na maringanan ditonga-tonga ni halahi.

BILANGAN 19:21

Tongtong do angkon patulusonmunu aturan on ro di salolotna. Halak na mamispiskon aek i pe angkon dibaen ia pakeannia. Sanga ise na manjama aek i, tongtong do ramun ia, lalu tu andospotang.

HAMALIMON 11:24

Gabe hodar do sada halak lopus tu andospotang muda dais ia tu angka binatang on: binatang na martambirik (asing ni na marbola tambirikna jana mangalngei) dohot binatang si opat pat na adong sisilonna panjomak. Sanga ise na maroban bangke ni binatang na songon i, angkon basuonna do pakeanna, tapi laing etongon dope ia na hodar lopus tu kotu magorip.

HAMALIMON 11:31

Barang ise na dais tu binatang i sanga tu bangkena pe, gabe hodar do i lopus tu andospotangna.

HAMALIMON 11:32

Muda madabu bangke ni binatang sisongon i tu sada barang, etongon ma haram barang i. Sanga tu aha pe dipargunahon barang i, nada gabe soal i, tapi tongtong do hodar barang i painte so disornomkon tu aek. Songon i pe i, laing haram do barang i painte andospotang. Mangonai do on tu sude barang na nibaen sian hayu, abit, bobak sanga harung abit.

HAMALIMON 11:39

Muda dais halak tu bangke ni binatang na halal, gabe ramun ma ia lopus tu andospotang.

BILANGAN 19:22

Sanga aha na nijama ni halak na ramun i gabe ramun muse, dohot halak na asing na manjamasa gabe ramun muse lalu tu andospotang.