BILANGAN 19:16 - BIBEL JAMITA NA DENGGAN

¹⁶ Muda adong manjama bangke ni jolma na dibunu sanga na mate di ladang songon parmate na somal, sanga muda adong manjama kuburan sanga holi-holi ni na mate gabe ramun do pitu ari honokna.

BILANGAN 19:16 Referans Kwoze

MATEUS 23:27

Marjaya ma hamu angka Siboto Surat dohot angka Parise! Pangalancap do hamu! Songon kuburan na nikapur do hamu. Jeges idaon sian duru hape holi-holi ni jolma na marbusuhan do gok di bagasan.

BILANGAN 31:19

Jadi saonnari hamu na dung mamunu sada-sada halak jana na dung dais tu bangke angkon tinggal hamu di balian ni parbandaran pitu ari honokna. Di ari patoluhon dohot papituhon sude hamu dohot dadaboru na nitaban i, angkon paiaskon diri.

LUKAS 11:44

Marjaya ma hamu! Songon tanoman na so martanda do hamu, di dege-dege halak sian na so binotona!”

BILANGAN 19:11

Sanga ise na manjama bangke, ramun do ia pitu ari honokna.

BILANGAN 19:15

Muda adong ceret sanga hudon na so martutup di bagasan bandar i, i pe gabe ramun do.

JESAYA 52:11

Mandao ma ho, mandao ma ho! Ruar ma ho sian i! Ulang ho dais tu na hodar! Ruar ma ho sian tonga-tonga ni halahi, paias ma dirimu, ale hamu na maroban parkokas ni Bagas Ni Tuhan.

HAMALIMON 21:1

Disuru Tuhan ma si Musa pabolkaskon parenta on tu angka malim sian pomparan ni si Harun, “Sada halak malim, nada tola paramunkon dirina hara ni na mandohoti adat mananom sisolkotnia,

BILANGAN 5:2

“Parentahon ma tu halak Israel: Anso sude halak na marnyae kusta, sude halak na maraek-aek ruar sian pamatangnia dohot sude halak na ramun hara ni bangke angkon nisuru kehe maninggalkon parbandaran i.

BILANGAN 6:6

Gabe tanda do obuknia i bahaso na dung dilehen ia sude ngolunia tu Debata. Hara ni i ma nada tola pahodaronnia dirinia. Nada tola donok ia tu bangke, haru pe bangke ni amangna, inangna sanga bangke ni kahanggina.

BILANGAN 9:6

Tapi mangihutkon aturan ni ugamo, adong do sanga piga-piga halak na ramun, hara ni na dais halahi tu bangke, gabe nada tola halahi marpesta Paskah di ari i. Dung i gabe kehe ma halahi tu adopan ni si Musa dohot si Harun,

JEHESKIEL 44:26

Dung ias ia mangulahi, angkon painteonnia dope pitu ari nari,