BILANGAN 19:13 - BIBEL JAMITA NA DENGGAN

¹³ Sanga ise na manjama bangke jana nada dipaias ia pamatangnia, i ma halak na ramun, angke aek na dung ditontuhon i nada disiramkon dope tusia. Na paramunkon Bandar Parmianan Ni Tuhan do ia, hara ni i nada etongon be ia halak ni Debata.

BILANGAN 19:13 Referans Kwoze

HAMALIMON 15:31

Disuru Tuhan do si Musa paingotkon halak Israel anso diparate-atehon halahi sanga andigan halahi ramun jana andigan na so ramun, anso ulang gabe dipahodar halahi Bandar Parmianan Ni Tuhan na di tonga-tonga ni parbandaran ni bangso i. Muda dipahodar halahi Bandar Na Badia i, angkon bunuon halahi.

HAMALIMON 22:3

Muda adong sahalak sian pomparanmu na ramun padonokkon tu haul na giot silehenon na nilehen ni halak Israel di Au, gabe nada patolaon be ia mangoloi di langgatan. Mardalan ma paraturan on ro di pudian ni ari, Au do Tuhan.

HAMALIMON 7:20

Muda dipangan halak na so ias mangihutkon ugamo juhut na songon i, nada etongon be ia halak ni Debata.

HALUMBAAN 22:15

Tapi sanga ise halak na mambaen habilean, angka na marhadatuon, angka halak na mambaen rorang, angka halak sibunu jolma, angka halak na marsomba gana-ganaan, dohot angka halak pargabus di hatana sanga markite-hite pambaenanna, di balian ni kota i do anggo inganan ni angka halak sisongon i.

HALUMBAAN 22:11

Barang ise na mambaen hageduhan, dipupu ia ma mambaen hageduhan i, jana barang ise na hodar dipahodar ia ma dirina; dung i barang ise na tigor roha, dipupu ia ma mambaen hatigoran, jana barang ise na badia, diparbadiai ia ma dirina.”

HALUMBAAN 21:8

Tapi anggo angka parbiar, angka na so tontu, angka na so ture, sibunu jolma, angka na rogon, angka pardatu-datu, angka na manyomba gana-ganaan dohot sudena pargabus, laut api do inganan ni halahi dohot barerang na gara-gara, i ma hamatean na paduahon i.”

IBRANI 10:29

Haru tu halak na songon i, i ma borat ni uhumanna, mur bia muse dope ulaning borat ni uhuman tu angka jolma na songon on: Na mangalayasi Anak Ni Debata, halak na marnayang ni roha mida hamamate ni Kristus na songon jaminan ni janji ni Debata na mangkaholongi Ia. Hilala hamu ma sanga bia dokdok ni uhuman tu angka jolma sisongon i!

JOHANNES 8:24

Hara ni i do umbaen na Hudok tu hamu, angkon mate hamu di bagasan angka dosamunu. Jana tutu do i angkon mate hamu di bagasan angka dosamunu, anggo laing na so porsaya hamu, ‘Au do ibana’.”

PODA 14:32

Mate do halak na jahat hara ni jahat ni parbuatanna; tapi malua do halak na burju hara ni hadenggananna.

BILANGAN 19:20

Sanga ise na ramun hape nada dibaen ia upacara haiason i, disi tongtong do ia ramun dibaen nada disiram dope ia dohot aek na mardomu tusi. Madung diramuni ia Bandar Parmianan Ni Tuhan jana nada etongon be ia sahalak sian bangso ni Debata.

BILANGAN 19:18

Di bagasan pangalaho na parjolo, i ma halak na mate di bagasan bandar, angkon sada halak na dung ias mangihutkon ugamo do mambuat sarranting duhut hisop, dipamasuk tu aek lalu mamispis bandar i, sandok na adong di bagasan, rap dohot halak na adong disi. Di bagasan pangalaho na paduahon, i ma sahalak na manjama bangke, kuburan sanga pe holi-holi ni na mate angkon sahalak na ias mangihutkon ugamo do mamispisi halak na ramun i.

BILANGAN 19:9

Dung i angkon sahalak na dung nietong ias mangihutkon ugamo do papunguhon abu ni lombu i jana dibaen tu inganan na dung ias mangihutkon ugamo, na adong di balian ni parbandaran i. Disi ma abu i simpanon anso adong pakeon ni halak Israel di na pasingkopkon aek di hatiha haiason. Upacara on dibaen gabe hasesaan ni dosa.

BILANGAN 15:30

Tapi muda adong sada halak Israel sanga halak na leban na disangajo ia mambaen dosa, na mangincahi Tuhan do i. Angkon mate do halahi uhumon,

BILANGAN 8:7

songon on ma pambaenna: pispis ma halahi dohot aek na dung mardohonan di upacara i, dung i suru halahi mancukur sude pamatang ni halahi dohot mamasu pakean ni halahi. Dung i gabe ias ma halahi mangihutkon ugamo.

HAMALIMON 20:3

Muda adong sahalak na mangalehen anakna tu Debata Molok jabat gabe ramun Bandar Na Badia i jana palayas goarKu na badia i, Au ma alona jana nada etongon be i sada sian halakKu.

HAMALIMON 5:17

Muda adong sada halak na mardosa so hara ni na niuntilnia, gabe dilaosi ia sada sian parenta ni Tuhan, madung marsala ia.

HAMALIMON 5:6

Jana songon uhuman hara ni dosania i, angkon obanonna di Tuhan sada biri-biri sanga sada hambeng boru-boru. Sombahonon ni malim i ma haul i, anso dapot hasesaan ni dosa ni halakna i.

HAMALIMON 5:3

Muda adong sada halak dais tu na ramun na marasal sian pamatang ni jolma, sanga aha pe i, ramun ma ia jana marsala dung tarboto pambaenannia i.

IBRANI 9:10

Harana anggo angka upacara na songon i na marpardomuan tu sipanganon sajo do i dohot siinumon bope angka ragam-ragam ni upacara na mambaen ias. Hum angka Tona na tarida do na mardalan i lopus tu hatihana sanga andigan baenon ni Debata haimbaruan.

HAMALIMON 7:21

Sada-sada halak nada etongon be halak ni Debata, muda dipangan ia juhut na nihaulkon i, muda dais ia tu na hodar mangihutkon ugamo, bope na ro sian jolma, bope na ro sian binatang-binatang.

BILANGAN 19:14

Muda adong halak na mate di bagasan sada bandar, sanga ise sajo na adong di bandar i hatiha parmatena i bope sanga ise na masuk tu bagasan bandar i, gabe ramun do salolot pitu ari.

BILANGAN 19:19

Di ari patoluhon dohot papituhon, halak na dung ias mangihutkon ugamo i angkon mamispisi halak na ramun i. Di ari papituhon tuk ma pangalaho haiason ni halakna i. Dung i basuonnia ma pakeannia lalu maridi. Ias ma halahi lopus tu na lusut mataniari.

JEHESKIEL 44:26

Dung ias ia mangulahi, angkon painteonnia dope pitu ari nari,

HARURUAR 30:33

Sanga ise mambaen miak na songon i, sanga mamakesa sanga na tu ise pe na so malim, nada sietongon be i songon sahalak sian bangsongKu.”

HAMALIMON 22:4

Sada sian pomparan ni si Harun na hona kusta sanga na mangharuarkon aek, nada tola mangankon sian silehen-lehen na badia i, salolot so dipaboa na dung ias ia mangihutkon ugamo. Gabe ramun do sada malim muda dais ia tu sada na ramun hara ni na hona tu bangke. Gabe ramun muse do ia muda haruar same ni pamatangnia

BILANGAN 9:13

Tapi halak na ias mangihutkon ugamo nada muse di pardalanan ia, hape nada dipestahon ia Paskah i, nada etongon be halak i bangsongKu, angke nada dihaulkon ia haul tu Au di ari na dung ditontuhon. Taononnia ma panginona ni dosania i.