BILANGAN 19:12 - BIBEL JAMITA NA DENGGAN

¹² Di ari patoluhon dohot di ari papituhon angkon patupaon ni halahi mangias diri dohot aek na dung nitontuhon, disi pe anso ias ia mangihutkon ugamo. Tapi muda nada dipaias ia pamatangnia di ari patoluhon dohot di ari papituhon i, laing tongtong do ia ramun.

BILANGAN 19:12 Referans Kwoze

BILANGAN 31:19

Jadi saonnari hamu na dung mamunu sada-sada halak jana na dung dais tu bangke angkon tinggal hamu di balian ni parbandaran pitu ari honokna. Di ari patoluhon dohot papituhon sude hamu dohot dadaboru na nitaban i, angkon paiaskon diri.

HALUMBAAN 7:14

Jadi hualusi ma, “Tuanku, ho do na umbotosa.” Dung i didok ia ma tu au, “Halak on ma angka na malua sian hasusaan na godang i. Madung dibasu halahi baju juba ni halahi jana bontar dibaen mudar ni Anak Ni Biri-biri i.

BAENON NI ANGKA RASUL 15:9

Nada mardia imbar hita sian halahi dibaen Debata. Dipaias Ia do roha ni halahi, hara ni na porsaya halahi.

HOSEA 6:2

Di bagasan dua tolu ari on sunggulanNia ma hita jana mangolu di bagasan pangondianNa.

JEHESKIEL 36:25

Dung i pispisonKu ma hamu dohot aek na lan, anso ias hamu sian sude gana-ganaanmunu dohot sian sasude na pahodarkon hamu.

MASMUR 51:7

Buat ma dosangki, gabe ias ma au; basu ma au, jadi gabe umbontar ma au sian hapas.

HAMALIMON 7:17

Muda laing adong dope lobina di ari patoluhon, angkon nitutung ma juhut i lopus abis.

HARURUAR 19:15

Jana didok si Musa ma tu halahi, “Angkon hobas do hamu haduan jana ulang hamu marcampur sahatiha on.”

HARURUAR 19:11

Haduan, angkon hobas ma halahi sude. Di ari i ma Au mijur di ginjang ni Dolok Sinai, anso disi tarbaen halahi sude marnida Au.

HAMALIMON 14:7

Mudar ni unggas i angkon pistikkononkon ni malim i pitu noli tu ginjang ni halak na dung malum i, dung i dohonon ni malim i ma na dung ias halakna i. Dung i unggas na mangolu i paluaon ma songon i.