BILANGAN 19:11 - BIBEL JAMITA NA DENGGAN

¹¹ Sanga ise na manjama bangke, ramun do ia pitu ari honokna.

BILANGAN 19:11 Referans Kwoze

BILANGAN 5:2

“Parentahon ma tu halak Israel: Anso sude halak na marnyae kusta, sude halak na maraek-aek ruar sian pamatangnia dohot sude halak na ramun hara ni bangke angkon nisuru kehe maninggalkon parbandaran i.

BILANGAN 31:19

Jadi saonnari hamu na dung mamunu sada-sada halak jana na dung dais tu bangke angkon tinggal hamu di balian ni parbandaran pitu ari honokna. Di ari patoluhon dohot papituhon sude hamu dohot dadaboru na nitaban i, angkon paiaskon diri.

HAMALIMON 21:1

Disuru Tuhan ma si Musa pabolkaskon parenta on tu angka malim sian pomparan ni si Harun, “Sada halak malim, nada tola paramunkon dirina hara ni na mandohoti adat mananom sisolkotnia,

BILANGAN 19:16

Muda adong manjama bangke ni jolma na dibunu sanga na mate di ladang songon parmate na somal, sanga muda adong manjama kuburan sanga holi-holi ni na mate gabe ramun do pitu ari honokna.

BILANGAN 9:10

mandok tu halak Israel, “Muda adong ditonga-tongamunu sanga sian pomparanmunu na gabe ramun hara ni na dais tu bangke sanga betak adong hatiha di pardalanan na dao, tapi giot dohot ia mamestahon Pesta Paskah,

BILANGAN 9:6

Tapi mangihutkon aturan ni ugamo, adong do sanga piga-piga halak na ramun, hara ni na dais halahi tu bangke, gabe nada tola halahi marpesta Paskah di ari i. Dung i gabe kehe ma halahi tu adopan ni si Musa dohot si Harun,

HAMALIMON 21:11

Madung dipasahat ia tu Au, anso gabe Au nampuna ia, hara ni i nada tola ramun dirinia. Nada tola muse pahodaronnia Inganan Na Badia marhite na maninggalkon jana masuk ia tu bagas na adong disi bangke, haru pe bangke ni amangna sanga inangnia sandiri.

IBRANI 9:14

mur ma mudar ni Kristus! Markite-hite Tondi na manongtong, dihaulkon Kristus do diriNia sandiri tu Debata gabe haul na sanggam. Dipaias mudarNia i do taroktokta sian angka karejo na so marguna, anso tarbaen hita dohot mangoloi karejo na so marguna, anso tarbaen hita dohot mangoloi Debata na mangolu i.

EPESUS 2:1

Na mate do hamu najolo hara ni na nilaosimunu angka parenta ni Debata jana mardosai hamu.

2 KORINTUS 6:17

Hara ni i, morot ma hamu sian angka halak na so mananda Debata i, jana marsirang ma hamu sian halahi. Sandok, ulang ma marpardomuan hamu tu na hodar, dung i jagitonKu ma hamu.

SURAT NI SI PAULUS TU PARLAGUTAN ROM 5:12

Hara ni sada halak do dosa i masuk tu portibi on, jana hara ni dosa i ro muse ma hamatean. Jadi gabe lalu ma hamatean i mangalangkoti tu sasudena jolma manusia, harana madung mardosa sudena.

HAGAI 2:13

Dung i marsapa ma si Hagai mangulahi, “Sugari rupani adong sada halak na gabe hodar hara ni na dais ia tu bangke, dung i dais muse ma ia tu sada sian sipanganon nangkin, gabe dohot dehe sipanganon i hodar muse?” Dialusi angka malim i ma, “Olo, antong!”

ANDUNG 4:14

Songon halak na so marnida maot-aot di dalan tudos tusi ma da angka pamimpin ni Jerusalem. Hara ni mudar, hodar ma pakean ni halahi gabe nada adong halak na ra dais tu halahi.

HAMALIMON 11:31

Barang ise na dais tu binatang i sanga tu bangkena pe, gabe hodar do i lopus tu andospotangna.

BAENON NI ANGKA RASUL 21:26

Jadi kehe ma si Paulus dohot si opat halak i mambaen upacara paias diri ancogotna i. Dung i kehe ma halahi masuk tu Bagas Ni Debata laho paboahon sanga na piga ari nari anso salose upacara na paias diri i dohot haul sipasahaton hara ni halahi be.

BAENON NI ANGKA RASUL 21:27

Jadi giot abis ma sipitu ari i, adong ma deba halak Jahudi na sian Luat Asia marnida si Paulus di Bagas Ni Debata. Digaori halahi ma roha ni halak na bahat i, dung i ditangkup ma si Paulus

HAMALIMON 5:2

Muda gabe hodar do sada halak hara ni na dais ia tu na hodar, umpamana bangke ni binatang, tapi nada diboto ia karejonia i, halak na hodar do ia, jana marsala.

BILANGAN 6:6

Gabe tanda do obuknia i bahaso na dung dilehen ia sude ngolunia tu Debata. Hara ni i ma nada tola pahodaronnia dirinia. Nada tola donok ia tu bangke, haru pe bangke ni amangna, inangna sanga bangke ni kahanggina.

JESAYA 52:11

Mandao ma ho, mandao ma ho! Ruar ma ho sian i! Ulang ho dais tu na hodar! Ruar ma ho sian tonga-tonga ni halahi, paias ma dirimu, ale hamu na maroban parkokas ni Bagas Ni Tuhan.

HAMALIMON 22:4

Sada sian pomparan ni si Harun na hona kusta sanga na mangharuarkon aek, nada tola mangankon sian silehen-lehen na badia i, salolot so dipaboa na dung ias ia mangihutkon ugamo. Gabe ramun do sada malim muda dais ia tu sada na ramun hara ni na hona tu bangke. Gabe ramun muse do ia muda haruar same ni pamatangnia

JEHESKIEL 39:12

Pitu bulan honokna marloja-loja angka halak Israel manguburkon sude bangke i anso ulang sai ramun be tano i.

JEHESKIEL 44:26

Dung ias ia mangulahi, angkon painteonnia dope pitu ari nari,