BILANGAN 18:12 - BIBEL JAMITA NA DENGGAN

¹² Hulehen di ho sude na dumenggan sian suha ni tano parjolo na dihaulkon halak Israel di Au ganop taon, miak zetun, aek ni anggur dohot gandum.

BILANGAN 18:12 Referans Kwoze

PANGARATAION 18:4

Patumonaan ni suha ni gandum, anggur, miak zetun dohot imbulu ni biri-biri, laing di halahi ma i.

HARURUAR 23:19

Ganop taon angkon obanonmunu do tu Bagas Ni Tuhan Debatamunu eme patumonaan ni suha ni sabamunu. Ulang lompa hamu anak ni biri-biri sanga hambeng di bagasan susu ni indukna.”

HARURUAR 34:26

Na dumenggan sian patumonaan ni suha ni ememunu ganop taon angkon i do obanonmu tu Bagas Ni Tuhan. Ulang lompa hamu anak ni hambeng di bagasan susu ni indukna.”

PANGARATAION 26:2

angkon ganop be do hamu paindingkon patumonaan ni suha na dapot hamu tu bagasan sada ampang, lalu oban hamu ma i tu inganan paribadatan na sada i na dung ditontuhon humani.

HAMALIMON 23:20

Roti dohot anak ni biri-biri na dua i dihaulkon malim ma i gabe silehen-lehen na mardohonan tu Tuhan, gabe malim i nampunasa. Na badia do angka na dihaulkon i.

HAMALIMON 23:17

Ganop ripe angkon maroban duakamata roti silehenon gabe silehen-lehen na mardohonan tu Tuhan. Ganop roti i nipauli sian dua kilo gram topung na marragi jana nilehen ma i tu Tuhan gabe haul gandum na parjolo na giot sabion.

HAMALIMON 2:14

Muda marhaul hamu tu Tuhan sabagian sian gandum na parjolo nisabi, oban ma gandum na dung disaok sanga na dung diduda.

HARURUAR 22:29

Haulkon ma tu Au deba sian suha ni ememu, sian aek ni anggurmu, sian miak ni zetunmu muda mandapot hasil hamu. Pasahat ma tu Au angka dakdanakmunu siangkaan.

PAMUNGKAAN 27:28

Sai dilehen Debata ma di ho ombun sian langit, jana napuma angka ladangmu baenonNa! Sai dilehen ma di ho gandum dohot anggur marlobi-lobi!

PANGARATAION 18:3

Muda adong sada halak manghaulkon lombu sanga biri-biri, jadi hae jolo, isang-isang dohot butuha ni pahan-pahanan i dipasahat ma i tu angka malim baen di halahi.

PANGARATAION 32:14

Dumenggan pahan-pahananna boti bahat susuna; gandum dohot aek ni anggur, i noma na dumengganna.

MASMUR 81:16

Tapi anggo bangsongKu lehenonKu do mangan gandum pilian, jana pabutongonKu dohot manisan.”

MASMUR 147:14

Dijago Ia do luatmunu anso dame tongtong, jana dipabutong Ia ho dohot gandum na tumabo.

JEHESKIEL 44:30

Angkon bagian na dumenggan do lehenon di angka malim sian sude ragam ni suha patumonaan ni suan-suanan, dohot sian sandok na dihaulkon tu Au. Ganop mambaen roti bangso Israel, anggo roti na parjolo dibaen i bagian ni malim do i. Jadi gabe pasupasuonKu ma angka bagas ni bangso Israel.

HAMALIMON 2:12

Deba sian gandum na nisabi parjolo ganop taon, angkon obanonmunu sisombahonon tu Tuhan. Nada situtungon gandum i di ginjang ni langgatan.

2 RAJA-RAJA 4:42

Dung salpu i, ro ma sahalak sian Baal-Salisa. Diboan ia ma tu si Elisa dua pulu roti na dipature sian gandum patumona ni na nikarejohon, dohot saotik gandum na baru disabi di bagasan hadangan. Dung i didok si Elisa ma, “Lehen ma i tu halak na bahat on, anso mangan halahi.”

2 JUJUR TAON 31:5

Dibaen ma boa-boa ni parenta i, jadi dioban halak Israel ma tu angka malim i silehen-lehen na sian suha ni tano ni halahi na parjolo: Jaung, anggur, miak zetun, aer ni loba dohot suha na asing-asing. Di halak Levi dioban halahi ma saparsampulu bagian sian sinadongan ni halahi.