BILANGAN 18:10 - BIBEL JAMITA NA DENGGAN

¹⁰ Etong ma i songon sada na badia, pangan ma i di inganan na badia. Hum halaklahi do na tola mangankon.

BILANGAN 18:10 Referans Kwoze

HAMALIMON 7:6

Sude halaklahi sian horong ni malim tola do mangankon juhut na nihaulkon i, tapi angkon di inganan na badia do panganonna, angke na sun badia do haul i.

HAMALIMON 6:29

Sude halaklahi sian horong ni malim tola do mangankon haul na sun badia i.

HAMALIMON 6:16

Topung na lobi i baenon ma roti na so marragi, angkon panganon ni angka malim ma i di inganan na badia, i ma di alaman ni Bandar Parmianan Ni Tuhan. I do bagian ni angka malim na nilehen ni Tuhan di halahi sian haul sipanganon. Sipanganon na badia situtu do i, dos dohot haul hasesaan ni dosa dohot haul tobus ni hasalaan.

HAMALIMON 21:22

Tapi tola do panganonnia sian sipanganon na dung dipasahat, i sanga sian haul sipanganon na badia pe i sanga pe sian haul sipanganon na sun badia.

HAMALIMON 14:13

Angkon sambolon ni malim i ma anak ni biri-biri i di inganan na badia, di inganan panyambolan ni pahan-pahanan na gabe haul hasesaan ni dosa dohot haul situtungon. Angkon disi do sambolon biri-biri i, angke haul gonti ni hararugi dohot haul hasesaan ni dosa, na badia situtu do i bope nampuna ni malim.

HAMALIMON 10:17

“Biasi nada dipangan hamu haul hasesaan ni dosa i di sada inganan na badia? Na badia do haul i, madung dilehen Tuhan do i di hamu, anso disesa sude dosa ni halak Israel.

HAMALIMON 10:13

Pangan ma roti i di sada inganan na badia, i ma bagianmu Harun dohot angka anakmu halaklahi sian sipanganon na dung dipasahat tu Tuhan i. I do parenta ni Tuhan i tu au.

HAMALIMON 6:26

Malim na manghaulkon pahan-pahanan i pe angkon panganonna do sian i di sada inganan na badia, i ma di alaman ni Bandar Parmianan Ni Tuhan.

HAMALIMON 6:18

Di sude hatiha di pudian ni ari, sude pomparan ni si Harun halaklahi, tola do mangankon roti i, i ma da bagian ni halahi na dung ditontuhon sian sipanganon na nipasahat tu Tuhan. Halak na asing na dais tu sipanganon na dung dihaulkon gabe badia hara hagogoan ni habadiaan ni haul i.

BILANGAN 18:9

Sian angka silehen-lehen na lobi badia na so pola situtungon di langgatan, bagianmu ma i. Haul gandum, haul hasesaan ni dosa dohot haul gonti ni rugi. Barang aha pe na dihaulkon tu Au gabe haul na badia, i ma bagianmu dohot bagian ni angka anakmu.

BILANGAN 18:11

Songon tambana, sude silehen-lehen na mardohonan na asing na dihaulkon ni halak Israel di Au, laing bagianmu do i. Au mangalehen di ho, di angka anakmu halaklahi, di angka borumu. Jana ro di salolot-lolotna do paraturan on. Sude halak na di bagas i na dung ias mangihutkon ugamo tola do mangankonsa.

JEHESKIEL 42:13

Didok bayo i ma tu au, “Na badia do bangunan na dua i. Disi ma angka malim bolas mangadop tu haroroan ni Tuhan, mangankon angka haul na sun badia. Angkon disi muse ma payakkonon ni halahi angka haul na sun badia i, i ma: Haul gandum dohot haul panyesa ni dosa sanga haul panobus ni hasalaan.