BILANGAN 18:1 - BIBEL JAMITA NA DENGGAN

¹ Didok Tuhan ma tu si Harun, “Ho Harun, dohot angka anakmi, bope angka halak Levi angkon tanggungonmunu do patunda ni angka hasalaan barang aha pe na mardomu dohot panghobasion di Bandar ParmiananKu tapi hum ho dohot anakmu sajo do na mananggung patunda ni karejo hamalimon.

BILANGAN 18:1 Referans Kwoze

HARURUAR 28:38

Angkon pasangon ni si Harun do parhiasan sere i di bohinia anso ra Au Tuhan manjagit sude haul na nioban ni halak Israel tu Au, haru pe umpamana madung adong saotik na sala dibaen halahi.

1 PETRUS 2:24

Kristus sandiri do mamorsan angka dosanta i di pamatangNia sandiri di ginjang ni hayu parsilang i, anso tola hita malua sian kuaso ni dosa jana tola hita mangihutkon hagiot ni Debata. Angke bugang ni Kristus i do na paluahon hamu.

IBRANI 13:17

Ihutkon hamu ma angka parenta na sian pamimpinmunu jana oloi hamu ma na nidok ni halahi. Angke tongtong do diparrohahon halahi tondimunu jana angkon martanggung jawab do halahi tu Debata. Muda dioloi hamu do halahi, tarbaen halahi ma markarejo di bagasan sonang ni roha; muda inda songon i, humolos ma halahi na karejo i, jana nada adong ro labo sian na songon i di hamu.

IBRANI 4:15

Angke anggo Malim Godang i nada malim na so dohot mangkilala angka hagaleanta. Ma pola hona uji Ia di sude ragam ni pangalaho, laing songon hita; hum i tutu, nada mardosa Ia!

JESAYA 53:11

Dung abis hasusaannia idaonnia ma na torang jana puas ma pangkilalaanna. Tigor do parrohaon ni naposongKi, jana bahat do halak gabe tigor hara ni ia, ampe tusia do uhuman na tu halahi.

JESAYA 53:6

Lilu do hita sudena songon biri-biri, marsitondong dalanna be. tapi madung dihonahon Tuhan tusia sude hajahatanta.

BILANGAN 17:13

Muda angkon mate jolma na mandonohi Bandar Parmianan Ni Tuhan i, antong anggo songon i nada adong be arop ni roha di hita sude.”

BILANGAN 17:7

Dung i dipayakkon si Musa ma sude tungkot i di jolo ni Poti Parjanjian na di bagasan Bandar Parmianan Ni Tuhan.

BILANGAN 17:3

dung i suratkon goar ni si Harun tu tungkot ni na mangwakili Marga Levi. Ganop pamimpin ni marga adong sada tungkot.

BILANGAN 14:34

Angkon taononmu ma panginona ni dosamunu opat pulu taon lolotna, sataon gonti ni sadari sian na opat pulu ari hamu mangaliati tano i. Botoonmunu sanga na bia daina, muda Au mangalo hamu!

HAMALIMON 22:9

Sude malim angkon patuluskon angka aturan na dung Hulehen. Muda nada, sala do halahi jana angkon mate, patunda ni na mangalaosi angka aturan na badia i. Au do Tuhan jana na mamili halahi gabe hapunjunganKu.

HAMALIMON 10:17

“Biasi nada dipangan hamu haul hasesaan ni dosa i di sada inganan na badia? Na badia do haul i, madung dilehen Tuhan do i di hamu, anso disesa sude dosa ni halak Israel.

HAMALIMON 22:16

marhite na padiarkon sada-sada halak na so patut mangankon sian haul i. Halak na sala do songon i jana angkon uhumon. Au do Tuhan jana Au do pabadiahon angka haul i.”

BILANGAN 3:6

“Suru ma marlagut Marga Levi, anso halahi gabe pangoloi di si Harun.

BILANGAN 16:10

Ho Korah dohot halak Levi madung dapotan sangap sian Tuhan, hape saonnari mangalului anso hamu gabe malim.

BILANGAN 18:11

Songon tambana, sude silehen-lehen na mardohonan na asing na dihaulkon ni halak Israel di Au, laing bagianmu do i. Au mangalehen di ho, di angka anakmu halaklahi, di angka borumu. Jana ro di salolot-lolotna do paraturan on. Sude halak na di bagas i na dung ias mangihutkon ugamo tola do mangankonsa.

PANGARATAION 10:8

Di dolok i dibaen Tuhan ma Marga Levi marhapunjungan mangurus Poti Parjanjian i dohot mangoloi Tuhan gabe angka malim dohot mandok hata pasupasu mangasahon goarNia. I ma karejo ni halahi lopus saonnari.

HAKIM-HAKIM 17:12

Diangkat si Mika ma ia gabe malimna jana maringanan di bagas ni si Mika.

JEHESKIEL 4:4

Tapi anggo ho, manjorbing tu siambirang do jana payakkon ma hasalaan ni bangso Israel tu ginjangmu, marguru sian lolot ni angka ari parpodommu disi, songon i ma lolotna tanggungonmu hajahaton ni halahi.