BILANGAN 16:5 - BIBEL JAMITA NA DENGGAN

⁵ Dung i didok ia ma tu si Korah dohot donganna i, “Ancogot manyogot i patidahonon ni Tuhan ma tu hita sanga ise sian hita na dung mardohonan di Tuhan. Halak na dung mardohonan di Tuhan i, patuduhonon ni Tuhan sandiri do i mandongani Tuhan i di langgatan i.

BILANGAN 16:5 Referans Kwoze

MASMUR 65:4

Martua do sanga ise na nitodoMu, jana na nipiohonMu anso maringanan di alamanMu. Butongan ma hami dohot angka na denggan i, di BagasMu, di parmiananMu na badia i.

BILANGAN 17:5

Martunas do muse tungkot ni halak na dung Hupili. Marhite on ma antahonKu holso ni angka jolma na sai torus marungut-ungut mangalo Au.”

HAMALIMON 10:3

Didok si Musa ma tu si Harun, “On ma pikiran ni Tuhan i di na nidokNia, ‘Sude halak na giot mangoloi Au angkon pasangaponna do Au angke sasada Au do Debata. Giot patuduhononKu hamuliaonKu tu bangsongKu.’ ” Tapi hohom do si Harun.

2 TIMOTEUS 2:19

Hape anggo ojahan na nibaen ni Debata, ojahan na togu situtu do i jana na so tarhutur. Di ginjangna i tarsurat do, “Ditanda Tuhan do angka nampunaNia,” bope “Sanga ise na mandok nampuna ni Tuhan ia, angkon mantak ma halakna i mambaen dosa”.

BILANGAN 16:3

Rap kehe ma halahi mandapotkon si Musa dohot si Harun lalu didok halahi, “Musa, tangihon jolo: Ganop jolma di bangso Israel na dung hapunjungan ni Tuhan do i. Jana di tonga-tonga ni hita sude do Tuhan i. Hape biasi dietong ho gumincat ho sian sude halak ni Tuhan i? Sude na binaenmu madung manyalpui aturan.”

HALUMBAAN 1:6

Madung dibaen Ia do hita gabe sada harajaan anso laing gabe malim hita na markarejo di Debata AmaNa i. DiSia ma hasangapan dohot kuaso ro disalolot ni lolotna. Amen!

BAENON NI ANGKA RASUL 22:14

Dung i didok ia ma tu au, ‘Madung dipili Debata ni angka ompunta i ho anso diboto ho hagiotNia boti anso diida ho na tigor i huhut manangihon soraNia sandiri.

BAENON NI ANGKA RASUL 13:2

Jadi sanoli dompak marsomba halahi tu Tuhan jana puaso, ro ma Tondi Parbadia tu halahi mandok, “Paasing hamu ma si Barnabas dohot si Saulus di Au, anso markarejo halahi di parkarejoan na Hutontuhon tu halahi.”

BAENON NI ANGKA RASUL 1:24

Dung i ditangiangkon halahi ma i. Ninna halahi ma, “O Tuhan, Ho do na umboto sude roha ni jolma. Madung ditinggalkon si Judas tohonan harasulonnia. Madung mate ia. Hara ni i patuduhon ma tu hami, sanga ise do sian na dua on na nitodoMu gabe hasahatan ni karejo i manggonti si Judas.”

BAENON NI ANGKA RASUL 1:2

lopus tu ari hananaekNia tu banua ginjang. Dompak so manaek Ia tu banua ginjang, madung dilehen Ia hian markite-hite kuaso ni Tondi Parbadia angka tona tu angka rasul na nipiliNia i.

JOHANNES 15:16

Nada hamu mamili Au. Au do na mamili hamu jana Husuru hamu kehe anso ramos hamu marbatu – i ma parbatu na denggan. Dung i lehenon ni Damang ma di hamu sanga aha pe na nipangidomunu markite-hite goarKu.

MALEAKI 3:18

Mangulahi ma idaon ni bangsongKu na asing do bagian ni halak na burju sian na jahat, bagian ni halak na marpangoloion tu Au dohot halak na so mangoloi tu Au.”

JEHESKIEL 40:46

jana balerong na mangadop tu Utara i diparade di angka malim na markarejo di langgatan do i. Angkon sian Marga Levi pomparan ni si Zadok do na tola mangadop tu Tuhan laho mangoloi Ia di bagasan paribadatan.

MASMUR 105:26

Dung i diutus Ia ma si Musa, naposoNa, dohot si Harun, halak na nitodoNia.

1 SAMUEL 2:28

Sian sasude marga ni Israel Hupili do horong ni si Harun gabe malim di Au, laho mangkobasi di langgatan, manutung dupa, dohot mamake baju efod muda mangkobari dohot Au. Jana Hulehen do tu halahi hak laho mambuat deba sian haul parhaulan na ditutung di langgatan i.

HARURUAR 28:1

“Piohon ma angkangmu si Harun dohot angka dakdanaknia i si Nadab, si Abihu, si Eleasar dohot si Itamar. Paasing ma halahi sian halak Israel, anso tarbaen halahi mangoloi Au songon malim.

IBRANI 12:14

Usahahon hamu ma anso mardame-dame hamu tu sude halak jana manggogo ma hamu anso hum di Tuhan ngolumunu, harana sahalak pe nada adong na tarbaen mida Tuhan anggo inda songon i pardalan ni ngoluna.

EPESUS 2:13

Hape anggo saonnari, hara ni na dung mardomu hamu dohot Kristus Jesus, na dao hian hamu najolo, madung dipasolkot hamatean ni Kristus i.

BAENON NI ANGKA RASUL 15:7

Lolot do halahi na martukar pikiran i. Ujungna jongjong ma si Petrus mandok hata, “Hamu ale angka dongan! Diboto hamu do di hatiha na salpu, dipili Debata do au sian tonga-tongamunu laho manjamitahon Jamita Na Denggan i tu angka halak na asing na so Jahudi, anso dohot halahi umbegesa dohot mangkaporsayai.

HAMALIMON 8:2

“Oban ma si Harun dohot angka anakna i, tu Pintu Ni Bandar ParmiananKi. Oban muse pakean malim, miak upacara, lombu jantan na poso baen haul hasesaan ni dosa, dua biri-biri jantan dohot roti na so marragi sabakul.

HARURUAR 28:43

Angkon tongtong do marsaraor si Harun dohot angka dakdanaknia i muda masuk halahi tu bagasan Bandar ParmiananKu sanga donok tu langgatan laho maribadat songon malim di Inganan Na Badia. Jadi gabe nada hona bunu be halahi hara ni na tarida na niabitan ni halahi. Hot do aturan on tu si Harun dohot pomparannia.”

BILANGAN 16:6

Ancogot manyogot i, ho dohot donganmu angkon mambuat inganan ni api, dung i baen ma banggar dohot hamonyan tu bagasan dung i oban ma tu langgatan. Dung i taida ma disi sanga ise do sian hita na nipili ni Tuhan. Hamu halak Levi i do na dung manyalpui aturan!”

BILANGAN 17:8

Ancogotna i, di na masuk si Musa tu Bandar Parmianan, diida ia tungkot ni si Harun na mangwakili Marga Levi madung martunas. Marbunga tungkot i jana mangerbang bungana, dung i batuna, batu ni katapang na malamun!

JEREMIA 30:21

Raja na marasal sian hamu mamarenta di tonga-tongamunu. Roha-rohania do mandonohi Au muda Hupio ia mangadop tu Au. Angke ise ma he na puluk ro mangadop tu Au sian roha-rohana sajo? Gabe bangsongKu ma hamu jana Au gabe Debatamunu. Au do Tuhan, na mandokkon songon i.”

JEREMIA 49:19

Songon singa na muldop sian harangan godang di lambung ni Batang aek Jordan, jana na ro mandapotkon padang panjampalan ni biri-biri, songon i ma Au giot ro jana mambaen marlojongi halak Edom sian tano ni halahi tompu. Dung i todoonKu ma sada halak pamimpin laho mamarenta luat i. Ise ma he na tarpatudos tu Au? Ise he puluk mangalo Au? Adong dehe lakna pamimpin na puluk mangalo Au?

JEREMIA 50:44

Songon singa na muldop sian harangan godang na di lambung ni Batang aek Jordan mandapotkon padang panjampalan ni biri-biri songon i ma, Au Tuhan, giot ro jana mambaen marlojongi halak Babel sian kota ni halahi tompu. Dung i todoonKu ma sada halak pamimpin laho mamarenta luat i. Ise ma he na tarpatudos tu Au? Ise ma he na puluk mangalo Au? Adong dehe pamimpin na margogo mangalo Au?

JEHESKIEL 43:19

Hum malim pomparan ni si Zadok na sian Marga Levi sajo do na tola ro tu ingananKi laho mangoloi Au. Au Tuhan Debata do mamarentahon songon i. Lehen ma tu halahi sada lombu jantan sipakeon baen haul hasesaan ni dosa.

JEHESKIEL 45:4

Na badia do tano i, jana na niparade gabe bagian ni angka malim na markarejo mangoloi Tuhan di Bagas Na Badia i. Baen parbagasan ni halahi ma deba sian tano i jana na deba nari baen inganan hajongjongan ni Bagas Na Badia.

HARURUAR 28:41

Papakehon ma pakean i tu angkangmu si Harun dohot tu angka dakdanaknia i. Miahi ma halahi dohot miak zetun; jadi sah ma halahi gabe malim jana dipasahat laho mangoloi Au.

MASMUR 115:10

Hamu ale horong ni si Harun, Tuhan ma haporsayai hamu, Ia do na mangurupi dohot na mangondingi hamu.