BILANGAN 16:16 - BIBEL JAMITA NA DENGGAN

¹⁶ Didok si Musa ma tu si Korah, “Ro ma ho ancogot tu Bandar Parmianan Ni Tuhan rap dohot donganmu i. Si Harun pe disi do ia.

BILANGAN 16:16 Referans Kwoze

1 SAMUEL 12:7

Saonnari, ulang jolo hamu kehe. Giot tuduonku hamu di adopan ni Tuhan. Ingot hamu ma habasaon ni Tuhan na nipatuduhonNa i tu hamu dohot tu ompumunu.

1 SAMUEL 12:3

Saonnari jongjong au di jolomunu! Ampot adong hasalaan na hubaen, tudu hamu ma au di adopan ni Tuhan dohot di jolo ni raja na nipiliNia i. Jungada dehe au mambuat lombu sanga halode ni halak na asing? Unjung dehe au manipu sanga mamparkanciti sanga manjagit hepeng sogok? Dokkon hamu ma, anso hupaulak sanga aha na hubuat i.”

2 TIMOTEUS 2:14

Paingotkon ma tu halak taringot tuson sudena. Di jolo ni Debata, paingot ma halahi anso ulang martangkangi hara ni angka pandohan. Nada adong guna ni i, gariada hum mambaen gaor pikiran ni halak na umbegesa do i.

HARURUAR 16:9

Didok si Musa ma tu si Harun, “Suruhon ma ro sude bangso i tu adopan ni Tuhan, angke madung dibege Ia ungut-ungut ni halahi.”

BILANGAN 16:15

Muruk sajo ma si Musa gabe ning ia ma tu Tuhan, “Tuhan, ulang jagit angka silehen-lehen na nihaulkon ni halak on. Nada jungada hurugii sada halak pe sian halahi, sanga halode pe nada jungada hubuat sian halahi.”

BILANGAN 16:17

Oban hamu be ma inganan ni apimunu jana baen hamu hamonyan di bagasan, dung i pasahat hamu ma i di ginjang ni langgatan.”

BILANGAN 12:4

Dung i tompu ma didok Tuhan tu si Musa, si Harun dohot si Miryam, “Au mandok anso ro hamu na tolu tu Bandar ParmiananKu.” Halahi pe kehe ma tusi,