BILANGAN 16:11 - BIBEL JAMITA NA DENGGAN

¹¹ Muda marungut-ungut ho Korah dohot angka donganmi laho mangalo si Harun, Tuhan do na nialomunu!”

BILANGAN 16:11 Referans Kwoze

HARURUAR 17:2

Dung i marungut-ungut ma halahi tu si Musa, ninna ma, “Lehen di hami aek inumon.” Dialusi si Musa ma, “Biasi marungut-ungut jana diuji hamu Tuhan?”

1 KORINTUS 3:5

Jolma na bia ma he pola si Apollos? Jana tarbia muse si Paulus? Pangoloi ni Debata sajo do hami na dua, na dung manogu-nogu hamu anso porsaya tu Debata. Karejo na nipasahat ni Tuhan i tu hami be, i sajo do na hami dalankon.

BILANGAN 16:3

Rap kehe ma halahi mandapotkon si Musa dohot si Harun lalu didok halahi, “Musa, tangihon jolo: Ganop jolma di bangso Israel na dung hapunjungan ni Tuhan do i. Jana di tonga-tonga ni hita sude do Tuhan i. Hape biasi dietong ho gumincat ho sian sude halak ni Tuhan i? Sude na binaenmu madung manyalpui aturan.”

SURAT NI SI PAULUS TU PARLAGUTAN ROM 13:2

Hara ni i, muda adong halak na mangalo pamarenta, sarupa dohot na mangalo tu hatontuan ni Debata do i. Jana siuhumon do halak na songon i.

BAENON NI ANGKA RASUL 5:4

Nada he tanomu hian do i dompak so digadis ho? Dung digadis ho pe tano i, laing ho do nampuna hepengna i. Antong biasi tubu di bagasan rohamu mambaen songon i? Nada jolma na nigabusanmu. Tapi Debata do!”

JOHANNES 13:20

Tutu do na Hudok on tu hamu: Sanga ise na manjagit suruanKu, na manjagit Au do i. Sanga ise na manjagit Au, Debata na marsuru Au do na nijagitna disi.”

LUKAS 10:16

Dung i mandok hata ma Jesus tu angka siseanNia, “Angka halak na manangihon na nidokmunu sarupa do i tu na manangihon sanga aha na Hudok tusia. Halak na so ra manjagit hamu, laing na so ra manjagit Au do i. Jana halak na so ra manjagit Au, sarupa do i tu na so ra manjagit na marsuru Au.”

1 SAMUEL 8:7

jana didok Tuhan ma, “Oloi ma sude pangidoan ni bangso i tu ho. Angke nada ho na nitulak ni halahi, tapi Au do. Nada dihagioti halahi be marrajahon Au.

1 KORINTUS 10:10

Ulang ma hamu mungut-ungut songon na nikarejohon ni na deba sian halahi, gabe mago ma halahi dibaen sipangago i.

JUDAS 1:16

Hum na mungut-ungut do halahi dohot na manyolsoli hara ni bagianna, na mardalan mangihutkon giot-giot ni sibukna mambaen dosa. Na pujian halahi di diri ni halahi, jana dipanggar-panggar halahi ma halak anso dapotan untung halahi.

BILANGAN 11:1

Dung i mamungka ma sai marungut-ungut bangso i tu Tuhan hara ni angka na hurang di halahi. Dung dibege Tuhan i ungut-ungut ni halahi, gabe muruk ma Tuhan, diparo Ia ma api tu halahi. Rarat ma api i ditonga-tonga ni halahi, pola tehe puntung deba parbandaran i.

BILANGAN 16:12

Dung i disuru pio si Musa muse ma si Datan dohot si Abiram, anak ni si Eliab, tapi ninna halahi do, “Nada ra hami ro!

1 JUJUR TAON 26:19

Songon i ma parbagi ni karejo ni pangawal na nipasahat tu horong ni si Korah horong ni si Merari.

MASMUR 106:16

Mangiburu do halahi di parhorsihan i maradopkon si Musa dohot si Harun naposoMu na badia i.