BILANGAN 14:8 - BIBEL JAMITA NA DENGGAN

⁸ Muda ra Tuhan i, obanonNia ma hita tusi laho mangalehen tano na mora jana na napu i di hita.

BILANGAN 14:8 Referans Kwoze

2 SAMUEL 22:20

Ditolong Ia au haruar sian mara dibaen tu au naposoNa, holong ni rohaNia.

JESAYA 62:4

Goarmu nada be, ‘Na Nitadingkon’, tanomu nada be, ‘Na Lungun-lungunan’. Goaron ma ho, ‘Hasian Ni Debata’, jana tanomi goaran, ‘Na Dung Marbagas’. Dibaen sonang do roha ni Tuhan mida ho, songon halaklahimu do Ia tu ho.

BILANGAN 13:27

Ninna halahi ma tu si Musa, “Madung hami pareso luat i, tutu do tano na mora do i jana na napu, jana on ma saotik batu ni hayu na hami oban sian i.

PANGARATAION 10:15

Songon i ma godang ni holong ni roha ni Tuhan mida ompumunu, gabe hamu ma na nipiliNia jana nada bangso na asing jana lopus tu saonnari pe laing hamu do na tarpili gabe bangsoNia.

SURAT NI SI PAULUS TU PARLAGUTAN ROM 8:31

Aha ma he tardok hita taringot tu sudena i? Muda Debata donganta, ise ma he tarbaen mangalo hita?

MASMUR 22:8

Ninna halahi, “Dipangasahon ho do Tuhan; biasi nada ro Ia paluahon? Anggo jop do roha ni Tuhan mida ho, biasi nada ditolong Ia ho?”

1 RAJA-RAJA 10:9

Sipujion do Tuhan, Debatamu! Diangkat Ia antong tuan i gabe raja ni Israel, i ma tandana na jop roha ni Tuhan maradopkon tuan i. Nada marnamantak Ia mangkaholongi Israel, hara ni i ma umbaen na diangkat Ia tuan i gabe raja ni halahi, anso laing tarpatulus tuan i manjongjongkon tona dohot hatigoran.”

ZEPANYA 3:17

Diondihon Tuhan Debatamunu na gogo i do hamu. Hara ni gogo ni kuasoNia, monang hamu. Marmoga-moga Tuhan jana marjop ni roha hara ni hamu, di bagasan holong ni rohaNa dilehen Ia di hamu ngolu na imbaru. Hara ni hamu marende ma Ia jana marjop ni roha hara ni hamu,

JEREMIA 32:41

Sonang ma rohangKu mambaen na denggan tu halahi jana baenonKu halahi hot di luat on sapanjangna.

HARURUAR 3:8

Jadi hara ni i, madung mijur Au laho palua halahi sian tangan ni halak Mesir, bope maroban halahi haruar sian luat i, tu sada luat na bidang jana na napu, tano inganan ni susu dohot aer ni loba, jana saonnari diingani halak Het, Amori, Peris, Hewi dohot Jebus.

BILANGAN 16:14

Madung tangkas, nada na giot obanonmu hami tu tano na napu, sanga pe mangalehen di hami angka ladang dohot kobun anggur gabe nampunanami, hape saonnari ditipu ho hami, nada ra hami ro!”

JOSUA 14:12

Antong, saonnari lehen ma luat na mardolok-dolok na dijanjihon ni Tuhan i tu au di hatiha na mulak au mangalehen barita dohot angka halak na rap dohot au i. Di hatiha i hami paboa do tu ho, bahaso na adong disi bangso raksasa na margoar bangso Enak i. Maringanan di angka kota na godang-godang jana na martembok do halahi. Betak na donganan ni Tuhan do au, gabe bolas usironku halahi morot songon na nidok ni Tuhan i.”

2 RAJA-RAJA 18:32

lopus hupabungkas hamu tu sada luat na tudos tu luatmunu sandiri. Adong do disi kobun anggur na mangalehen anggur suha di hamu, adong do ladang ni gandum na mangalehen topung sipanganonmunu. Bahat do di luat i bona ni zetun, miak zetun dohot aer ni loba. Muda ra hamu mangihutkon na huparentahon tu hamu, mangolu ma hamu, nada mate. Ulang patangi-tangi hamu anggo si Hiskia. Hum na paoto-otohon hamu do i anso diambang hamu ro Tuhan laho paluahon hamu.