BILANGAN 13:21 - BIBEL JAMITA NA DENGGAN

²¹ Dung i kehe ma halahi adop Utara paresohon luat i mamungka sian Parhorsihan Zin di Selatan torus tu Rehob donok tu Dalan Hamat di sabola Utara.

BILANGAN 13:21 Referans Kwoze

BILANGAN 33:36

Sian Esion-Geber marbandar ma halahi di Halongonan Sin i ma Kades.

BILANGAN 20:1

Di bulan parjolo bolkas ma halak Israel sudena tu Halongonan Zin jana marbandar ma halahi di Kades. Marujung ma ngolu ni si Miryam jana dikuburkon disi.

BILANGAN 27:14

angke di Halongonan Zin dialo hamu na dua do parentangKu. Hatiha di Meriba sude rayat i marungut-ungut tu Au, nada ra hamu patorangkon tu halahi bahaso hum Au do na Markuaso.” (Meriba i ma haroroan ni aek di Kades na di Halongonan Zin.)

JOSUA 15:1

Batas-batas ni tano parbagian ni angka marga na sian horong Juda, songon on ma: Sabola Selatan, manggistang ma luat i lopus tu ujung di Selatan Halongonan Zin di parbalohan ni Edom;

JOSUA 13:5

mangihut muse tano ni bangso Gebal dohot sude luat ni Libanon sabola Habincaran, sian Baal-Gad na di Selatan ni Dolok Hermon lopus tu dalan laho tu Hamat.

AMOS 6:2

Kehe ma hamu mangaligi tu Kalne, lalu patorus hamu ma tu kota Hamat na godang i, dung i muse tu kota Gat na di Pilistin. Diambang hamu do lakna na dumengganan angka kota i sian harajaan Juda dohot Israel? Umbidang ma he lakna luat ni halahi ulang tanomunu?

2 SAMUEL 8:9

Tarbege ma tu Raja Toi na sian Hamat na dung talu sude tentara ni si Hadadeser dibaen si Daud.

PANGARATAION 32:51

Nada setia hamu na dua tu Au jana nada dipasangap hamu Au di adopan ni bangso Israel dompak di mual ni Batang aek Meriba hamu, i ma na di lambung ni kota Kades, di Halongonan Zin.

PANGARATAION 1:24

Dimasuhi halahi ma antong luat na martor i lopus tu Rura Eskol lalu ditangkasi halahi ma luat i.

JEREMIA 49:23

On ma na nidok ni Tuhan salaho tu Damaskus, “Sak be roha ni halak Hamat dohot Arpad jana busisa hara ni na umbege barita na jat. Marsak be roha ni halahi jana dumaol-daol songon ombak ni laut.

JEREMIA 52:9

Dung i dioban ma Raja Zedekia tu Raja Nebukadnesar di kota Ribla di Luat Hamat, lalu didabu ma uhuman mate tusia.

JEHESKIEL 47:16

tu Berota dohot Sibraim (di antara ni kota Damaskus dohot kota Hamat do parpayak ni angka kota i), dung i tu kota Hasar-Enan di parbalohan ni kota Hauran.

BILANGAN 34:8

sian i tu Dalan Hamat torus tu Zedad

HAKIM-HAKIM 18:28

Nanggo adong sahalak pe na mangurupi halahi harana dao do Lais sian Sidon, jala nanggo adong pardomuan ni halahi dohot bangso na asing. Dipature halak Dan i ma muse kota i jala maringanan ma halahi disi.