BILANGAN 12:6 - BIBEL JAMITA NA DENGGAN

⁶ didok Tuhan i ma, “Tangihon hamu ma sanga aha na giot dohononKu! Muda adong angka panurirang di tonga-tongamunu, giot Hupatidahon diringKu tu halahi di bagasan parnidaan, jana mangkatai Au dohot halahi markite-hite nipi.

BILANGAN 12:6 Referans Kwoze

1 RAJA-RAJA 3:5

Borngin i dipataridahon Tuhan ma diriNa tusia di bagasan nipi jana manyapai, “Aha do dipangido rohamu lehenonKu tu ho?”

PAMUNGKAAN 46:2

Mandok hata do Debata tusia di bagasan parnidaan di sada borngin jana pio-pio ma tusia, “Jakob, Jakob!” ninna. “Olo Tuhan,” ning ia mangalusi.

LUKAS 1:22

Jadi ujungna di na ruar ia, nada malo be ia mangkobari tu halahi. Dohot tangannia sajo noma ia mambaen tanda-tanda, jana laing ngungu. Gabe tarboto ma tu angka halahi na niidania do sanga aha parnidaan di bagasan Bagas Ni Debata.

LUKAS 1:11

Jadi ro ma hatiha i sahalak surusuruan mandapotkon si Zakaria. Jongjong ma surusuruan i sabola siamun ni meja panutungan ni hamonyan i.

DANIEL 10:8

Ditadingkon halahi ma au disi sada au sajo pamanatkon parnidaan na pahomang roha. Nada adong be gogongku jana bohingku pe madung muba jabat nada tartanda be.

JEHESKIEL 1:1

Di tanggal lima, bulan paopathon, taon patolupuluhon, hatiha rap au dohot angka halak buangan di topi ni Batang aek Kebar, mungkap ma langit jana maruli parnidaan ma au taringot tu Debata.

BAENON NI ANGKA RASUL 10:11

Diida ia ma mungkap langit jana disurduhon ma tu toru tarsongon abit na bidang, na gantung di suhi-suhina na opat i.

MATEUS 1:20

Hatiha manimbangi pangalaho i dope si Josep, marnipi ma ia. Diida ia ma di nipinia i, ro ma sada surusuruan mandok tusia, “Ale Josep, anak ni si Daud, ulang ho mabiar mambuat si Maria gabe dadaborumu. Harana, sian kuaso ni Tondi Parbadia do na di pamatangna i.

DANIEL 8:2

Di bagasan parnidaan i di propinsi Elam do au, di Susan, kota sabungan ni Persia. Jongjong au di lambung ni Batang aek Ulai,

MATEUS 2:19

Dung mate si Herodes, diida si Josep ma mangulahi sahalak surusuruan di bagasan nipinia.

DANIEL 7:1

Di taon parjolo dung mamarenta si Belsasar, raja ni Babel, marnipi ma si Daniel jana dapotan parnidaan dipodomannia. Dung i, disuratkon ia ma pangarimpunanna, “Di borngin i dapotan parnidaan ma au, huida ma mangombus alogo na gogo sian humaliang jana gumalungsang ma laut na bidang i.”

JEREMIA 23:28

Anggo panurirang na marnipi angkon dokkononna do nian, ‘Nipi do da on.’ Tapi anggo panurirang na manjagit tona sian Au angkon palaluonna do tona i satutuna. Nada tarpatudos gandum tu durame.

MASMUR 105:15

“Ulang ganggu hamu bangso pilianKu, ulang hahua hamu angka panurirangKu!”

MASMUR 89:19

Narobi di bagasan sada parnidaan, didok Ho tu naposoMu na setia, “Madung Huurupi sada halak na tongam, madung Hupatimbo sada halak sian tonga-tonga ni na bahat.

JOB 33:15

Dompak modom pe halak manyinok di borngin na golap bulita di bagasan nipi bope parnidaan, mandok hata do Debata.

JOB 4:13

Mangganggu modom lalu marjonggor, songon nipi na sambor di borngin na holom.

HARURUAR 7:1

Didokkon Debata ma tu si Musa, “BaenonKu ma ho songon Debata di jolo ni raja i, jana angkangmu si Harun songon panurirangmu mandok hata tusia.

PAMUNGKAAN 20:7

Tapi saonnari, paulak ma anakboru i tu halaklahina. Panurirang do halaklahinia i, jana tangiangkononnia do ho anso ulang mate. Tapi muda nada dipaulak ho, ingot ma, mate ma ho dohot sude rayatmi!”

PAMUNGKAAN 15:1

Dung i dijagit si Abram ma sada halumbaan, jana dibege ia ma Tuhan mandok tusia, “Ulang ho mabiar Abram, Au do mangondingi ho sian parmaraan, jana lehenonKu ma tu ho upa bahat.”

HALUMBAAN 11:10

Marjop ni roha ma halak na mangingani tano on hara ni parmate ni saksi na dua halak i. Marpesta ma halahi jana marsitongosan silua, angke madung bahat hasusaan na ro tu jolma manusia dibaen panurirang sidua halak i.

HALUMBAAN 11:3

SuruhononKu ma dua halak sangsingKu anso manyurirangi jana marpakean arsak ni roha, salolot saribu dua ratus onompulu ari.”

EPESUS 4:11

Ia do “na mambagi-bagihon angka silehen-lehen tu jolma,” tu na deba dilehen Ia silehen-lehenNia anso gabe rasul, tu na asing anso gabe panurirang; tu na deba nari muse anso gabe parjamita di Jamita Na Denggan i, jana tu na asing muse dilehen Ia silehen-lehenNia anso gabe panjago ni parlagutan dohot angka guru.

BAENON NI ANGKA RASUL 10:17

Sapa-sapa ma si Petrus mamikiri sanga aha arti ni parnidaan i. Dompak marpikir-pikir ia, madung dapot halak na nisuru ni si Kornelius i hape bagas ni si Simon i jana madung di jolo ni pintu ni bagas i halahi jongjong.

LUKAS 20:6

Tapi muda tadok, ‘Sian jolma,’ sude ma halak na bahat on mandanggur hita, harana dihaporsayai halahi sudena do, sada panurirang do anggo si Johannes.”

MATEUS 23:37

“Jerusalem, Jerusalem! Dibunu ho do angka panurirang, didangguri ho do dohot batu angka na nisuru ni Debata tu ho! Ma pola piga noli dihalungunkon rohangKu laho manghaol sude halak na mangingani ho songon pambaen ni inang ni manuk manggobak angka anakna di toru ni habongna, hape nada ra hamu!

MATEUS 23:34

Antong hara ni i parrohahon hamu ma jolo, tongosonKu ma angka panurirang tu hamu dohot halak na marroha dohot angka Siboto Surat. Angkon bunuonmunu deba sian halahi. Deba nari parsilangkononmunu. Adong ma i balbalonmunu di bagas paribadatan, kojar-kojaronmunu sian kota na sada tu kota na asing.

MATEUS 23:31

Jadi, dioku hamu sandiri do, pomparan ni angka sibunu panurirang hamu!

MATEUS 27:19

Taran juguk si Latus di inganan panguhuman i, ditonahon dadaborunia ma tusia, “Indangkon sai antoi parkaro ni bayo na so marsala i. Harana jatjat do nipingku saborngin on hara ni Ia.”

IBRANI 1:1

Madung jotjot jana marragam dalanna dibaen Debata laho mangkatai tu angka ompunta markite-hite angka panurirang.

PAMUNGKAAN 28:12

Dung i marnipi ma ia, songon na niidania ma sada tangga lalu tu langit ujungna i jana manaek mijur ma angka surusuruan di tangga i.

BILANGAN 24:4

Dilehen disia hamaloon manangihonsa, angka hata na marharoroan sian Debata. Di bagasan parnidaan huida dohot mata tarbuka sada hataridaan sian Debata na gok kuaso sasadaSa.

1 SAMUEL 3:15

Dung i dipapayak si Samuel ma mangulahi di podomannia jana manyogotna i ngot ma ia lalu dibukai ia angka pintu ni Bagas Ni Tuhan i. Mabiar ia paboahon parnidaannia i tu si Eli,

1 SAMUEL 28:6

Gabe mangido panogu-noguon ma ia tu Tuhan, hape nada dialusi Tuhan ia, sanga di nipi bope dohot na mamake Urim dohot Tumim sanga pe markite-hite panurirang.

1 RAJA-RAJA 3:15

Dung ngot, diboto si Salomo ma, hape Debata do na mangkatai dohot ia di bagasan nipi. Dung i kehe ma ia tu Jerusalem jongjong di jolo ni Poti Parjanjian ni Tuhan laho manghaulkon haul situtungon dohot haul haluaan. Dung salpu i dibaen ia ma pesta di sude pagawenia i.

JEREMIA 23:25

Sasude na nidok ni angka panurirang i, madung Huboto i. Mangasahon goarKu margabus halahi mandok na nijagit ni halahi tona sian Au markite-hite nipi.

DANIEL 2:19

Laing di borngin i dipaboa Debata ma tu si Daniel arti na di bagasan sada parnidaan. Jadi dipuji si Daniel ma Debata na di banua ginjang i.

PAMUNGKAAN 28:16

Jadi tarsunggul ma si Jakob jana didok ia ma, “Dison, di inganan on do Tuhan, tapi on dope anso huboto!”

PAMUNGKAAN 37:5

Sanoli borngin-borngin, marnipi ma si Josep. Jadi hatiha mancaritohon nipinia i ia tu angka angkangnia i, mur goyak ma da roha ni halahi mida ia.

PAMUNGKAAN 37:9

Dung i marnipi ma si Josep mangulahi, jana didok ia ma tu angka angkangnia i, “Marnipi muse do au mangulahi, songon na huida mataniari, bulan dohot sabolas bintang marsomba tu au.”

PANGARATAION 18:15

Tapi suruonNia ma tu hamu sian bangsomunu sandiri sada halak panurirang songon au on jana angkon oloanmunu do panurirang i.

PANGARATAION 18:18

SuruonKu ma tu halahi sian bangso ni halahi sandiri sada halak panurirang, songon ho, Musa. DokkononKu ma tusia sanga aha dokkononnia, jana palaluonnia ma tu bangso i sandok na Huparentahon.

1 SAMUEL 3:21

Laing torus dope dipatidahon Tuhan i diriNa tu si Samuel di Silo, jana manghobari dohot Ia. Ganop mangkobari si Samuel, sai ditangihon bangso Israel do.

2 SAMUEL 7:4

Tapi di borngin i didok Tuhan ma tu si Natan,

HOSEA 12:11

Madung manghobari Au tu angka panurirang, jana Hulehen bahat parnidaan tu halahi. Marhite sian halahi Hulehen do sipaingot tu hamu, bangsongKu

JOEL 3:1

Didok Tuhan ma, “PasuangonKu ma di hatiha i hasonangan ni Jerusalem dohot Juda.

ZAKARIA 1:8

Di sada parnidaan taran borngin-borngin, huida ma sada halak manaek sada kudo na rara. Maradian ma ia di sada holbung di tonga-tonga ni hayu dulang-dulang. Jongjong ma di pudina i angka kudo na asing, adong na rara, na mera jambu dohot na bontar.