BILANGAN 12:5 - BIBEL JAMITA NA DENGGAN

⁵ dung i mijur ma Tuhan di bagasan sada ombun na ginjang songon tiang. Jongjong ma Tuhan i di pintu ni Bandar Parmianan pio-pio, “Harun! Miryam!” Manigor mangalangka ma halahi na dua tu jolo,

BILANGAN 12:5 Referans Kwoze

BILANGAN 11:25

Mijur ma Tuhan sian ombun i laho mangkatai dohot si Musa. Dibuat Tuhan i ma saotik sian Tondi na dung dilehen Tuhan i tu si Musa, lalu dilehen Ia tu pamimpin na pitupulu halak i. Dung mijur tondi i tu ginjang ni halahi, mamungka ma halahi mangkatai songon panurirang, tapi nada pola sadia honok.

HARURUAR 34:5

Mijur ma Tuhan di bagasan ombun, lalu jongjong di jolo ni si Musa jana digoari Ia ma goarNia na badia i, i ma Tuhan.

MASMUR 99:7

Sian tiang ombun mangkuling Ia tu halahi, dioloi halahi do sude parentaNia i.

HARURUAR 40:38

Salolot na madang-adang i bangso Israel tarida do haroro ni Tuhan di ginjang ni Bandar Parmianan di bagasan rupa ni ombun muda hatiha arian jana di bagasan rupa ni api na marjilam muda borngin.

HARURUAR 19:9

Didokkon Tuhan ma tu si Musa, “Ro ma Au mandapotkon ho di bagasan ombun na hapal, anso dibege angka jolma i mandok hata Au tu ho, jana mamungka sian on, porsaya noma halahi tu ho.” Laing dipalalu si Musa muse ma antong alus ni bangso i,

BILANGAN 12:4

Dung i tompu ma didok Tuhan tu si Musa, si Harun dohot si Miryam, “Au mandok anso ro hamu na tolu tu Bandar ParmiananKu.” Halahi pe kehe ma tusi,