BILANGAN 12:2 - BIBEL JAMITA NA DENGGAN

² Ninna halahi ma, “Hum markite-hite si Musa noma he mangkobari Tuhan i? Markite-hite hita pe nada he mangkobari Ia?” Dibege Tuhan do hata ni halahi i. (

BILANGAN 12:2 Referans Kwoze

BILANGAN 16:3

Rap kehe ma halahi mandapotkon si Musa dohot si Harun lalu didok halahi, “Musa, tangihon jolo: Ganop jolma di bangso Israel na dung hapunjungan ni Tuhan do i. Jana di tonga-tonga ni hita sude do Tuhan i. Hape biasi dietong ho gumincat ho sian sude halak ni Tuhan i? Sude na binaenmu madung manyalpui aturan.”

PILIPPI 2:14

Ulang ma marungut-ungut sanga martongkar hamu mangkarejohon sanga na aha.

PILIPPI 2:3

Ulang ma marsibaen di ibana laho manyarihon dirina be sanga laho manggodangkon dirina. Tapi gumonan ma sian toruk ni rohana be, etong hamu ma donganmunu na dumenggan sian hamu sandiri.

MIKA 6:4

Madung Huoban hamu haruar sian Mesir, jana Hupalua sian parhatobanan; Husuru do si Musa, si Harun dohot si Miryam laho mamimpin hamu.”

JESAYA 37:4

Madung disuru raja Asur pangarajai inumonnia laho pabilehon Debata na mangolu i. Nada binoto betak na dung ditangihon Tuhan Debata do hata na pabilehon i, jana giot uhumanNia halahi na mandokkon i. Hara ni i, martangiang ma ho tu Debata manangiangkon angka halak hita na mangolu i dope.”

SURAT NI SI PAULUS TU PARLAGUTAN ROM 12:10

Tangkas ma hamu antong marsihaholongan sama hamu songon halak na martinadohon, jana marsijolo-joloan ma hamu marsipasangapan.

2 RAJA-RAJA 19:4

Madung disuru raja Asur parpangkat na gincat laho pabilehon Debatanta na mangolu i. Nada binoto betak na ditangihon Tuhan Debatamu do habilean i jana uhumanku halahi na mandokkon i. Hara ni i, tangiangkon ma jolo tu Debata angka halak hita na mangolu i dope.”

BILANGAN 11:1

Dung i mamungka ma sai marungut-ungut bangso i tu Tuhan hara ni angka na hurang di halahi. Dung dibege Tuhan i ungut-ungut ni halahi, gabe muruk ma Tuhan, diparo Ia ma api tu halahi. Rarat ma api i ditonga-tonga ni halahi, pola tehe puntung deba parbandaran i.

1 PETRUS 5:5

Laing songon i ma hamu angka na poso! Oloi hamu ma angka halak na matobang. Angkon sude do hamu patoruk dirina jana marsioloan di bagasan haserepon ni roha. Harana tarsurat do di Buku Na Badia i songon on, “Dialo Debata do halak siginjang roha, tapi dihaholongi Ia do halak na serep roha.”

2 SAMUEL 11:27

Tapi dung abis ari-ari marsiluluton i, disuru alap si Daud ma anakboru i tu bagas godang jana gabe dadaborunia. Nada sadia honok, sorang ma sada anaknia. Tapi nada jop roha ni Tuhan di pangalaho ni si Daud i.

BILANGAN 11:29

Dialusi si Musa, “Biasi dukungonmu au? Giot pangidoonku dope tu Tuhan i anso dilehen Ia TondiNia tu sude bangsoNia, jana anso sude halahi mangkatai songon panurirang!”

SURAT NI SI PAULUS TU PARLAGUTAN ROM 12:3

Markite-hite asi ni roha na nilehen di au, hupaingot ma hamu ganup marsada-sada ulang ma dipikiri hamu taringot tu hamu lobi sian na patut, tapi intap ni na patut ma parrohaonmunu, mangihutkon haporsayaan na diturpukkon ni Debata tu hamunu.

PODA 13:10

Mambaen parbadaan do gincat ni roha; tapi na manangihon poda dapotan bisuk do.

HARURUAR 7:10

Dung i kehe ma si Musa dohot si Harun manopot raja i jana dibaen halahi ma sude na niparentahon ni Debata. Didanggurkon si Harun ma tungkot i tu tano di jolo ni raja i dohot angka parpangkatna jana muba ma tungkot i gabe ulok.

HARURUAR 5:1

Dung i kehe ma si Musa dohot si Harun manopot raja Mesir, ninna halahi ma, “Songon on ma hata ni Tuhan Debata ni Israel, ‘Paloas ma bangsongKi kehe anso dibaen halahi ibadat tu Au di halongonan.’ ”

PAMUNGKAAN 29:33

Denggan ma pamatang ni si Lea mangulahi jana sorang ma sada nari anaknia. Ning si Lea ma, “Laing dilehen Tuhan muse dope di au anakkon, angke tarbege do tuSia, na so nihaholongan au.” Jadi dibaen ia ma goar ni anaknia i, si Simeon.

HARURUAR 4:30

Dung i dipabolkas si Harun ma tu halahi sude na nidok ni Debata tu si Musa, jana dipatidahon si Musa ma tanda hahomangan i di jolo ni halahi.

BILANGAN 12:3

Sada halak na toruk roha do si Musa, tumoruk do rohania sian sude jolma na adong di ginjang tano on.)

HARURUAR 4:14

Gabe muruk ma Debata, lalu didok Ia tu si Musa, “Bia do si Harun, angkangmu halak Levi i? Huboto do, na malo do ia manghobar. Ligi da, madung ro ia giot marsuo dohot ho, jop do rohania marsuo dohot ho.