BILANGAN 11:10 - BIBEL JAMITA NA DENGGAN

¹⁰ Dibege si Musa ma ungut-ungut ni halahi, di na jongjong halahi marturpuk-turpuk di jolo ni pintu ni bandar ni halahi. Muruk situtu ma Tuhan, jabat hancit roha ni si Musa.

BILANGAN 11:10 Referans Kwoze

MASMUR 78:21

Umbege i, disaroso Tuhan ma bangsoNa dohot api, mur gilap ma murukNia tu halahi,

MARKUS 10:14

Jadi marnida i muruk ma Jesus didok Ia ma tu angka anak siseanNia i, “Padiar hamu ma marroan angka dakdanak i tu Au! Ulang rarang hamu halahi. Angka halak sisongon i do na gabe nampuna Harajaan Ni Debata.

MARKUS 3:5

Marsak ma Jesus hara ni pir ni roha ni halahi. Jadi muruk ma Jesus marnida halahi na humaliang i, didok Ia ma tu bayo i, “Pahortang ma tanganmi!” Dipahortang ia ma tangannia i dung i gabe malum ma.

JEREMIA 17:4

Paksaonna ma hamu pasahatkon tano na dung Hupasahat i tu hamu, jana baenonKu ma hamu mangoloi tu musumunu di tano na so nitandamunu. Hara ni murukKu na marjimbur songon api na gara jana na so haintopan ma umbaen na songon i Hubaen sudena i.”

JESAYA 5:25

Muruk Tuhan tu bangsoNia i. Madung rade Ia laho manguhumi halahi. Humutur ma angka dolok; marragean ma angka bangke songon rompak di angka dalan. Hape laing muruk dope Tuhan jana laing na giot manguhumi.

MASMUR 139:21

Goyak sajo do rohangku mida halak na margoyak ni roha tu Ho, ale Tuhan, jana sego do rohangku mida na mangalo Ho.

MASMUR 106:25

Marungut-ungut halahi di bagasan undung-undung nada ra be manangihon na nidokMu.

MASMUR 78:59

Sun ma muruk ni Debata paida-ida pangalaho ni bangsoNa i, gabe ditulak ma halahi balging.

PANGARATAION 32:22

Mamulatak ma murukKu songon api na mangabiskon sasude na di portibi. Api na rarat lalu tu taruma ni tano i manutung dolok lalu tu angka uratna i.

BILANGAN 21:5

gabe marungut-ungut ma halahi tu Debata dohot tu si Musa. Ninna halahi ma, “Biasi obanonmu hami haruar sian Mesir, anso bunuonmu hami di parhorsihan on, so adong panganon dison, aek pe nada adong. Gialan hami hara ni panganon na so mardai on!”

BILANGAN 16:27

Dung i kehe ma halak na bahat i dao sian bandar ni si Korah, si Datan dohot si Abiram, hatiha jongjong halahi di pintu ni bandar ni halahi be rap dohot anak ni halahi dohot dadaboru ni halahi.

BILANGAN 12:3

Sada halak na toruk roha do si Musa, tumoruk do rohania sian sude jolma na adong di ginjang tano on.)

BILANGAN 11:1

Dung i mamungka ma sai marungut-ungut bangso i tu Tuhan hara ni angka na hurang di halahi. Dung dibege Tuhan i ungut-ungut ni halahi, gabe muruk ma Tuhan, diparo Ia ma api tu halahi. Rarat ma api i ditonga-tonga ni halahi, pola tehe puntung deba parbandaran i.

BILANGAN 11:11

Dung i didok si Musa ma tu Tuhan i, “Biasi ma he songon i murukMu tu au Tuhan? Adong he na so jop be rohaMu mida au? Biasi dilehen Ho tanggung jawab hara ni halahi tu au?

BILANGAN 12:9

Dung i dimuruhi Tuhan ma halahi na dua, jana dung kehe Tuhan i,