Biblia Todo Logo
Bib sou entènèt

- Piblisite -




BILANGAN 10:9 - BIBEL JAMITA NA DENGGAN

9 Muda dompak marporang hamu di luatmunu laho mampartahankon diri hara ni haroro ni musu, palu ma sarune i paboa marporang. Angke Au do Tuhan Debatamu na mangurupi jana palua hamu sian musumunu.

Gade chapit la Kopi




BILANGAN 10:9
34 Referans Kwoze  

jana didok ia ma tu halahi, “On ma na nidok ni Tuhan, Debata ni Israel, ‘Madung Huoban hamu ruar sian Mesir dohot sian sude bangso na asing na paporsuk-porsuk hamu.


Muda dilehen Tuhan sada pamimpin di halak Israel, sai na ditolong Ia do i. Jana salolot mangolu pamimpin i, sai dipalua Tuhan do halahi sian angka musu ni halahi, dibaen ibo do rohaNia mida halahi muda dibege Ia halahi mangangguhi hara ni na diparkanciti jana dipapisat-pisat.


Nada dihalupahon Debata si Noak rap dohot sude binatang na adong di bagasan kapal i; mangombus ma alogo dibaen Debata gabe mamungka ma surut aek i.


Jadi disosak musu i ma halahi, jana ditaluhon di toru ni kuasona.


Ingot ma au ale Tuhan, muda diurupi Ho bangsoMi, tolong ma au muda dipalua Ho halahi.


Di na niida ni pasukan ni Juda na hona hobuk halahi, marsurak ma halahi mangido tolong tu Tuhan. Diombus angka malim ma sarune,


Salapan bolas taon honokna sai disosak bangso na dua i sude halak Israel na maringanan di Gilead luat ni halak Amori na di Habincaran ni Batang aek Jordan. Kejam do pambaen ni halahi tu angka halak Israel i.


Dung i angkon paluon ni angka malim i ma sarune i ginjang sorana. Disi dibege hamu sora na ginjang i, angkon marsurak ma gogo sude halaklahi, jadi gabe matolbak ma tembok ni kota i. Jadi angkon manigor masuk ma sude tentara i tu kota i.”


Disuru si Musa ma kehe halahi marporang na niuluhon ni si Pinehas anak ni Malim Eleasar. Si Pinehas do na manjago barang-barang na badia dohot angka sarune laho mangalehen tanda-tanda.


Tudosan na asing sada nari: Muda sarat na dipalu do sarune, ise ma na ra markobas kehe laho marporang?


Nada he humitir halak muda tarbege sora ni sarune tanda ni gore ni porang? Hona parmaraan dehe sada kota, anggo so Tuhan manongoskonsa?


Dung i marpupu ma diangkat Tuhan angka panjago na paingotkon halahi anso ditangihon nian sora ni sarune sipaboa tanda. Hape didok bangso i do, “Nada ra hami manangihon i.”


Sadia honok nari paida-idaonku angka mandera ni porang i, dohot sora ni angka sarune?


Iale hancit ni rohangkon, jana na dangol ma antong di au on. Nada be tarpompom au diringku gumadobur taroktokku, angke hubege do sarune mangkulingi, jana sora ni surak-surak porang marsaringari.


Palu hamu ma sarune di sude luat on! Tangkas ma marsurak jana marsora na gogo. Suru hamu ma halak Juda dohot Jerusalem marlojong tu angka kota na marbenteng.


Marsurak ma sagogomu, ulang ma tahan-tahan. Marsurak ma sagogomu songon sarune. Paboa ma tu bangsongKu taringot tu hasalaan ni halahi dohot tu pomparan ni si Jakob taringot tu dosa ni halahi!


Hamu sude angka na maringanan di tano on! Parrohahon hamu ma muda dung dipanaek mandera di puncut ni angka dolok! Tangihon hamu ma muda dipalu sarune!


Nada dihalupahon Ia hita dompak ditaluhon hita, hot do holong ni rohaNia sapanjangna.


Tapi si Gideon pe dirajai Tondi Ni Tuhan ma, gabe diombus ia ma sarune laho marpio angka halak na sian Marga Abieser anso ro marlagut dohot ia.


Madung Hupalua hamu sian halak Mesir dohot sian angka jolma na di luat on na mamorangi hamu. Ma pola Huusir halahi sian luat on di na ro halahi mamorangi hamu, lalu Hulehen tano ni halahi i di hamu.


Disi lalu ia tu partoran Efraim, dipalu ia ma sarune laho marpio halak Israel marporang. Marroan ma halahi jana dipimpin ia ma halahi manuat sian partoran i.


Tarbege ma sadari i sora ni sarune dohot surak-surak ni porang sian angka parporang na mangaroro tu angka kota na marbenteng dohot angka palas-palas na gincat.


Palu ma sarune di Gibea! Baen ma tanda ni pio-pio marporang di Rama! Surakkon ma surak-surak parporangan di Betel! Maju ma marporang, hamu halak Benyamin!


Mangkuling ma sarune, dung i markobas ma sude halak. Tapi sahalak pe nada adong na kehe tu galanggang ni parporangan, angke sude jolma do didondoni rimas ni Debata.


Kehe ma hamu mangungsi, hamu halak Benyamin! Tadingkon hamu ma Jerusalem! Palu hamu ma sarune di Tekoa, jana pagara hamu ma api mangalehen tanda di Bet-Kerem! Ro ma parmaraan dohot hamamago sian Utara.


Debata sandiri do anggo pamimpinnami jana dison do angka malimNia. Ma pola rade halahi laho mangombus sarune songon tandana di hami laho mamorangi hamu. O, hamu halak Israel, ulang alo hamu Tuhan, Debata ni ompumunu! Nada bolas monang hamu!”


Tapi dapot do i hatihana baenonKu halak na mangingani Raba, kota sabungan ni Luat Amon i, umbege surak-surak ni parporangan. Gabe tading sego-segona noma kota i jana angka huta pagaran na humaliang i pe abis masurbu. Dung i buaton ni halak Israel ma mangulahi tanona i sian angka jolma na mangarampassa na salpu i.


“Muda kehe hamu marporang mangalo angka musumunu, ulang hamu mabiar mida kareta dohot kudo ni halahi na bahat bope na umbahat bilanganna sian hamu. Tuhan Debatamunu do paluahon hamu sian Mesir, laing Ia do mandongani hamu.


Swiv nou:

Piblisite


Piblisite