BILANGAN 10:21 - BIBEL JAMITA NA DENGGAN

²¹ Dung i mardalan ma Marga Levi sian horong ni Marga Kehat, lalu maroban barang-barang na badia. Di hatiha bolkas halahi tu parbandaran na giot topoton, madung sidung dipajongjong mangulahi Bandar Parmianan Ni Tuhan.

BILANGAN 10:21 Referans Kwoze

BILANGAN 10:17

Dung dibuka Bandar Parmianan, mamungka ma mardalan horong ni Marga Gerson dohot Merari na mamorsan Bandar Parmianan.

BILANGAN 7:9

Tapi anggo anak ni si Kehat, nada adong dijagit halahi padati dohot lombu sian si Musa, angke sude barang-barang na badia siuruson ni halahi, angkon porsanon ni halahi di abara ni halahi.

1 JUJUR TAON 15:2

Dung i didok si Daud ma, “Hum halak Levi sajo do na tola mangangkat Poti Parjanjian ni Tuhan, harana halahi do na nitodo ni Tuhan laho mamorsan Poti i dohot na mangoloi Ia salolot-lolotna.”

BILANGAN 4:20

Tapi muda laing masuk dope halak Kehat i tu bagasan mangaligi angka malim i manyimpan barang na badia na giot pindahonon i, angkon mate do halak Kehat i.”

BILANGAN 2:17

Dung mardalan rombongan na dua i, mardalan ma Marga Levi maroban Bandar Parmianan Ni Tuhan. Ganop rombongan mardalan mangihutkon susunan songon hatiha marbandar, ganop di ingananna be di toru ni mandera parsadaanna.

BILANGAN 1:51

Muda bungkas hamu, halak Levi i ma mambuka Bandar ParmiananKi, dung i mamasang mangulahi di inganan parbandaran na baru. Asing sian halahi, sanga ise na donok tu Bandar Parmianan angkon mate uhuman.

BILANGAN 10:20

si Eliasap anak ni si Rehuel manguluhon barisan ni Marga Gad.

1 JUJUR TAON 23:24

I ma pomparan ni si Levi na nisuratkon mangihutkon horong dohot ripe ni halahi be. Sanga ise halahi na marumur dua pulu taon tu ginjang, adong ma tugasna di Bagas Ni Debata.