BILANGAN 10:10 - BIBEL JAMITA NA DENGGAN

¹⁰ Bope di angka ari sijop ni rohamunu, i ma di angka Pesta Bulan Na Baru, dohot pesta-pesta ugamo na asing i, angkon paluonmunu do sarune i dompak manghaulkon haul situtungon dohot haul haluaan tu Au, dung i urupanKu ma hamu, angke Au do Tuhan Debatamu.”

BILANGAN 10:10 Referans Kwoze

MASMUR 81:3

Ombus ma sarune di ari pestanta, di pesta bulan baru dohot bulan tula.

1 TESSALONIKA 4:16

Saulahon di na mijur Tuhan Jesus sandiri sian banua ginjang, pio-pio ma kapala ni surusuruan i marsora na gogo jana dipalu ma sarune ni Debata songon boa-boana. Jadi angka halak na dung porsaya tu Kristus dompak di ngoluna be, pangoluon ma halahi parjolo.

ESRA 3:10

Di na mamungka mamayakkon pondasi ni Bagas Ni Tuhan i angka parkarejo bangunan i, marpakean juba ma angka malim jana jongjong ma halahi di inganan na ditontuhon maniop sarune. Laing disi muse ma jongjong halak Levi na sian horong Asap maniop angka doal na menek-menek. Dipuji-puji halahi ma Tuhan hombar tu aturan na dung ditotopkon mamungka sian hatiha ni Raja Daud.

2 JUJUR TAON 29:28

Ungkap ma marsomba Raja Hiskia dohot halak na adong disi tu Tuhan jana torus ma marende angka parende jana parmusik torus marmusik lopus abis sude haul i mosok.

2 JUJUR TAON 29:26

songon na nipake ni si Daud. Songon i muse ma angka malim na marsarune.

BILANGAN 10:9

Muda dompak marporang hamu di luatmunu laho mampartahankon diri hara ni haroro ni musu, palu ma sarune i paboa marporang. Angke Au do Tuhan Debatamu na mangurupi jana palua hamu sian musumunu.

BAENON NI ANGKA RASUL 10:4

Diligi ia ma tu surusuruan i mardongan biar, didok ia ma, “Aha do ulaning Tuan?” Dialusi surusuruan i ma, “Madung dijagit Debata tangiang dohot denggan ni rohamu jana diingot Debata do ho.

MATEUS 11:28

“Ro ma hamu tu Au, sude hamu na loja jana na sorat bobanna, Hupasonang pe hamu!

MASMUR 89:15

Martua ma bangso na marsomba mardongan ende, sondangon ni hadenggananMu ma ngolu ni halahi, ale Tuhan.

2 JUJUR TAON 7:6

Jongjong ma angka malim i di jongjonganna be paadop-adop dohot halak Levi na mamuji Tuhan dohot alat-alat musik na nibaen ni Raja Daud, lalu mangendehon, “Manongtong do holong ni rohaNa sapanjangna,” hombar tu na nidokkon ni si Daud. Diombus angka malim ma sarune, lalu marjongjongan ma rayat i sudena.

1 JUJUR TAON 16:42

Laing si Heman muse do dohot si Jedutun dibaen mangurus sarune, simbal dohot alat musik na asing laho pariburkon angka ende puji-pujian. Angka dongan sahorong ni si Jedutun na deba nari, markarejo ma i laho manjago pintu horbangan.

1 JUJUR TAON 15:28

Diudurkon halak Israel ma sude Poti Parjanjian i lalu tu Jerusalem marsurak-surak marmoga-moga, dohot sora ni sarune, suling, simbal dohot hasapi.

JOSUA 4:7

paboa hamu ma tu halahi bahaso na jungada mahiang Batang aek Jordan on di na dioban Poti Parjanjian ni Tuhan manaripari batang aek i. Sai na paingoton ni angka batu on do halak Israel tu pangalaho na masa dison.”

BILANGAN 29:1

“Di tanggal sada bulan pitu angkon marlagut do hamu maribadat, nada tola mangkarejohon barang aha pe. Di ari i angkon paluon ma angka sarune.

HARURUAR 28:29

Jadi muda masuk si Harun tu Inganan Na Badia, angkon pakeonnia do tutup andora na nigorgaan dohot goar ni marga-marga ni halak Israel, anso Au Tuhan, marningot tongtong di bangsongKu.

HALUMBAAN 22:17

Didok Tondi i dohot Boru Oroan i ma, “Beta ma!” Jana ganop halak na umbege on angkon laing dohot ma mandok, “Beta ma!” Sanga ise na manguas, ro ma ia! Jana sanga ise na marpor ni roha, dibuat ma aek na mangalehen hangoluan i so pola mangalehen bagi aha panggararna!

1 TESSALONIKA 4:18

Antong marsipatoguan roha ma hamu, mardongan angka pandohan on.

1 KORINTUS 15:52

Di bagasan sangkidop mata do i sudena tarjadi, di na nipalu sarune na parpudi situtu. Angke dung tarbege sora ni sarune i, pangoluon ma mangulahi angka jolma na mate i marpamatang na manongtong jana paubaon ma hita sudena.

JESAYA 27:13

Paluon ma di hatiha i sarune laho marpio sude halak Israel na hona buang di Asur dohot di Mesir. Ro ma halahi tu Jerusalem marsomba tu Tuhan di dolokNa na badia.

MASMUR 150:3

Puji ma Ia mardongan sora ni sarune, puji ma Ia mardongan gambus dohot hasapi!

HARURUAR 30:16

Jana angkon pangidoonmu do hepeng pandamei i sian halak Israel jana pargunahononmu ma i pature-ture Bandar ParmiananKu, anso gabe parningotan ma i di adopan ni Tuhan laho paingotkon halak Israel dohot laho patupahon pandamei salaho tu hosamunu sasude.”

BILANGAN 28:11

“Ganop bona ni bulan angkon haulkonon tu Tuhan haul situtungon, i ma: dua lombu jantan na poso, sada biri-biri jantan, pitu anak ni biri-biri jantan na marumur sataon, sudena i na so martihas.

1 SAMUEL 20:5

Dialusi si Daud ma, “Ancogot Pesta Bulan Na Imbaru, jana somalna angkon rap mangan do au dohot raja i. Antong muda diloas ho do, kehe ma au anggo songon i martabuni di halongonan lopus tu haduan andospotang.

2 RAJA-RAJA 4:23

“Biasi ingkon sai saonnari ho kehe?” ning halaklahinia i manyapai. “Nada Ari Sabat da sadari on, jana nada Ari Pesta Bulan Na Imbaru.” “Nada pola na bia,” ning ia.

JOSUA 6:4

Pitu halak malim na maroban sada be sarune, angkon mardalan di jolo ni Poti Parjanjian i. Di ari papituhon angkon hulianganmu dohot paranganmu kota i pitu noli jana ombuson ni angka malim ma sarunena i.

MASMUR 81:4

Harana madung diparentahon Debata ni si Jakob anso didalankon i di Israel.