ANDUNG 5:7 - BIBEL JAMITA NA DENGGAN

⁷ Mardosa ompunami, saonnari nada adong be halahi; jana hami on ma angkon manaonsa, angka dosa na nibaenna.

ANDUNG 5:7 Referans Kwoze

JEREMIA 31:29

Anggo di hatiha i nada be dokkonon ni halak, ‘Simatobangna do mangankon batu ni hayu na ancom, hape anakna do ngiluan ipon.’

JEREMIA 16:12

Hape jumahat dope na nibaenmunu. Na jogal do rohamunu jana rohamunu na jahat i do diparrohahon hamu. Nada ra hamu mangoloi Au.

JEHESKIEL 18:2

“Biasi laing torus dipardokkon-dokkon halak pandohan na songon on di Israel? ‘Amangna do mangankon batu na ancom, hape angka dakdanakna do ngiluan.’

JEREMIA 14:20

Ale Tuhan, hami oku do dosanami dohot dosa ni ompunami. Tutu madung mardosa hami tu Ho.

HARURUAR 20:5

Ulang unduk marsomba tusia sanga maribadat tusia, angke Au, Tuhan, Debatamu, i ma Debata na so ra padiarkon adong imbangKu. UhumanKu do sanga ise na margoyak ni roha di Au lopus tu sundut patoluhon dohot paopatkon.

JEREMIA 31:15

Didok Tuhan ma, “Tarbege do di Rama sora ni andung dohot na holsoan maradu na tangis monggung-onggung. Ditangisi si Rahel do angka dakdanakna, nada haapoan patunda ni anakna na dung soada.

PAMUNGKAAN 42:36

Jadi didok amang ni halahi i ma, “Na por dehe rohamu agoan au di anakki sude? So adong be si Josep; si Simeon pe so adong be, saonnari si Benyamin muse noma na giot buatonmunu. Di au do da na dangolna!”

ZAKARIA 1:5

Ma di dia he angka ompumunu i saonnari? Jana angka panurirang, mangolu ma he lakna halahi salolot ni lolotna?

JOB 7:21

Na so tarampuni Ho be he dosangku? Na so tarbaen sesaonMu be lakna salangku? Santongkin nari mambustang noma da au di kuburan, jana muda dijalahi Ho au, nada adong be sidumpangan.”

JOB 7:8

Saonnari ro halak mangaligi iba – tapi hum santongkin noma da. Muda dijalahi au muse, nada dumpangsa be.

PAMUNGKAAN 42:13

Ning halahi ma mangalusi, “Dua bolas halak do hami martinadohon tuan, na saama do hami, jana di Kanaan do amanta na umpompar hami. Anggo sada madung jumolo sian hami jana sianggian i rap dohot amanta do saonnari.”

BILANGAN 14:18

‘Au do Tuhan, nada momo Au muruk. PatidahononKu do holong ni rohangKu dohot habonaranKu martamba-tamba. SesaonKu do dosa ni halak na mangalo Au. Haru pe songon i balosonKu do hasalaan ni simatobangna tu anak dohot pahompuna, lopus tu sundut patoluhon dohot paopatkon.’

JEREMIA 16:11

Paboa ma tu halahi na Hudokkon songon on, ‘Madung ditadingkon ompumunu Au laho marsomba jana mangoloi tu angka debata. Dipasiding halahi do Au jana nada ra halahi mangoloi angka TonangKu.

JEHESKIEL 16:58

Angkon taononmu karejomu na hodar jana sihagigian i. Au Tuhan madung mandok songon i.”