ANDUNG 5:19 - BIBEL JAMITA NA DENGGAN

¹⁹ Tapi anggo Ho, ale Tuhan, marhabangsa do Ho salolot ni lolotna; nada na ra marujung kuasoMu sian sundut tu sundut.

ANDUNG 5:19 Referans Kwoze

MASMUR 102:12

Tapi raja do Ho sapanjangna, ale Tuhan, sai ingoton marsundut-sundut.

MASMUR 45:6

Markite-hite uhum diparenta raja i rayat, hot do habangsa harajaan na nipasahat ni Debata.

MASMUR 145:13

Hot do harajaanMu sapanjangna, ro di salolot-lolotna do martahan kuasoMu. O Tuhan, setia do Ho di sude janjiMu, na denggan ma da tutu sude pambaenanMu.

MASMUR 9:7

Tuhan do raja di sude tingki, sian habangsaNa, diuhumi Ia portibi.

HALUMBAAN 1:8

“Au do na parjolo dohot na parpudi,” ninna Tuhan Debata, na adong, na dung adong, jana na giot ro, Parkuaso Na Sumurung i.

1 TIMOTEUS 1:17

Debata do Raja ni sude hatiha, patut nipasangap jana pujion tongtong, angke Ia do na manongtong, na so tarida jana sasadaSa! Amen.

IBRANI 13:8

Tongtong do sarupa anggo Jesus Kristus, najolo, saonnari jana ro di salolot-lolotna.

HABAKUK 1:12

O Tuhan, nada he sian najolo Ho do Debatangku? Na badia jana na manongtong do Ho Debata. Tuhan, Debatangku jana pangondianku, ditodo Ho do bangso Babel i jana dibaen Ho margogo situtu laho manguhumi hami.

MASMUR 146:10

Tuhan do Raja ro di salolot-lolotna. O Sion, markuaso do Debatamu ro di salolot-lolotna. Puji ma Tuhan!

MASMUR 90:2

taran so dijadihon Ho dope angka dolok, jana dompak so ditompa Ho dope tano on dohot portibi on. Ho do Debata na manongtong, na so marmula na so marujung.

DANIEL 7:27

Lehenon noma tu bangso ni Debata Na Gumincat i kuaso dohot hagodangan ni sude harajaan na di tano on. Nada marujung be kuaso ni halahi laho mamarenta jana sandok parkuaso na di tano on unduk noma tu halahi di bagasan haburjuon.

DANIEL 7:14

Dilehen do tusia hasangapan dohot kuaso songon raja, jadi unduk ma tusia angka jolma sian sandok bangso, marga ni bangso dohot hata na marragam-ragam. Manongtong do kuasonia i salolot-lolotna, nada dirampas be sian ia harajaan.

DANIEL 2:44

Di hatiha ni angka raja-raja i mamarenta, giot pajongjongon ni Debata na di banua ginjang i ma sada harajaan na manongtong sapanjangna jana na so tartaluhon bangso dia pe. Roncohonon ni harajaan na sada i ma sandok harajaan na asing i tapi harajaan na sada i, manongtong do ro di salolot ni lolotna.

MASMUR 29:10

Guru di kuaso ni Tuhan do aek na oto, jana Ia do na mamarenta salolot-lolotna, Ia do.

MASMUR 10:16

Tuhan do raja ro di salolotna; angka bangso na so mananda Ia angkon mago sian tano na nilehenNia.

PANGARATAION 33:27

Sai tongtong do Debata na gabe pambelamunu; tanganNa na so ra mantak i panungkolmunu. Dipaorot Ia musu sian jolomunu, disuru Ia ho mangaropuk sude alomu.

HALUMBAAN 1:4

Sian si Johannes tu parlagutan na pitu i, na di tano Asia. Asi ni roha ma di hamu dohot hasonangan sian Ia, na adong saonnari, na dung adong hian, jana na giot ro, dohot sian tondi na pitu i, na di jolo ni habangsaNia,

JOHANNES 1:38

Manaili ma Jesus tu pudi, jadi diida Ia ma halahi na mangihutkon Ia. Ninna Jesus ma, “Manjalahi aha dehe hamu?” Ninna halahi ma mangalusi, “Rabbi, di dia dehe Ho maringanan?” (Rabbi, astuanna ‘Guru’.)

MASMUR 93:2

Sian mulana do habangsaMu tohong, sian na manongtong do Ho adong.