ANDUNG 5:1 - BIBEL JAMITA NA DENGGAN

¹ Ingot ma, ale Tuhan, sude na tarjadi tu hami. Tatap ma hami jana ligi ma habileannami.

ANDUNG 5:1 Referans Kwoze

HABAKUK 3:2

Tarbege do tu au, ale Tuhan, taringot tu Ho, gabe digohi roha bisuk ma ate-atengku. Sugari diulahi Ho ma nian sanoli nari pambaenanMu na godang i di hatihanami saonnari. Holong ma nian rohaMu mida hami haru pe muruk Ho.

ANDUNG 3:61

Dibege Ho do, ale Tuhan, dipalayas au; diboto Ho do sangkap ni halahi sudena.

ANDUNG 3:19

Maot-aot au jana marnyae; mamikirkon i songon na mangankon rasun na paet.

ANDUNG 2:15

Mangincahi ma tu hamu angka pamolus jana martata, dibaen madung sego kota Jerusalem sudena. Didok halahi, “I ma he ibana kota na jumeges lakna? Kota pujian ni portibi on sudena?”

JEREMIA 15:15

Dung i hudok ma, “Diboto Ho do ale Tuhan. Ingot ma au jana urupi. Baloskon ma tu halahi na manyosak au. Ulang mabahattu sobarMu maradopkon halahi gabe sanga lalu dibunu halahi au. Ingot ma antong, hara ni Ho do da umbaen na marlayas au.

MASMUR 79:12

Ale Tuhan, baloskon ma pitu noli lompit incak ni musu maradopkon Ho.

MASMUR 79:4

Gabe siincahan ni angka bangso na hombar hami, dipartatai jana diincahi halahi do hami.

NEHEMIA 4:4

Jadi gabe martangiang ma au, “Ale Debata, tangihon ma sanga bia hami dipalayas. Tu ginjang ni ulu ni halahi sandiri ma timpalkon halayason i. Sugari hona rampas ma nian sude sinadongan ni halahi i jana hona oban nian halahi gabe taban tu tano na asing.

LUKAS 23:42

Dung i didok ia ma tu Jesus, “O Jesus ingot ma Au, muda ro Ho saulahon dung gabe Raja!”

ANDUNG 2:20

Ligi ma ale Tuhan, pareso ma angka na niparkancitanMi! Dipangan ina do anak haholongan ni rohana, malim dohot panurirang hona bunu di Bagas Ni Debata.

ANDUNG 1:20

O ale Tuhan! Parrohahon ma au, sak do rohangku jana mabiar; magopu hara ni dosangku. Di angka dalan masa mamunu jolma di bagasan bagas, jolma marmatean muse ma.

JOB 10:9

Ingot ma na sian tano liat do dijadihon Ho iba! Biasi angkon mulak gabe abu baenonMu iba?

JOB 7:7

Ingot ma, hum sangombus sordam do ngoluniba; simanolongku nada bisa be mangaligi na denggan.

NEHEMIA 1:8

Ale Tuhan, ingot ma angka hataMu na niparentahonMu pajojoron ni si Musa mandok, muda nada setia hami bangso Israel tu Ho, sai na paserahonMu hami di tonga-tonga ni angka bangso na asing.

NEHEMIA 1:3

Dicaritohon halahi ma, hapengani na mahancit do ngolu ni angka halak na tarbuang na dung marmulahan mangulahi tu tanona i hara ni na nipalayas ni angka bangso na humaliangna i. Boti muse, laing na maropuk-ropuk dope masarsar angka tembok ni kota Jerusalem jana angka pintu horbanganna i pe nada podo dipadenggan mamungka sian na hona surbu di hatiha na salpu.

MASMUR 119:153

Tatap ma pardangolanku jana palua ma au, angke nada huhalupahon TonaMu.

JESAYA 62:6

Madung hubaen halak di tembok ni Jerusalem; nada jabat maradian jagoan ni halahi do ho arian na borngin. Angkon sunggulan ni halahi do Debata di janji na dung dibaenNia di Sion.

ANDUNG 3:50

lopus diparrohahon Tuhan sian banua ginjang, hami.

MASMUR 74:18

Ingot ma ale Tuhan, pangincahi ni musu i di Ho, marlayas goarMu dibaen bangso na so mananda Ho.

JEREMIA 51:51

Didok hamu do, ‘Dilayasi do hami jana dipaila, nada marbohi hara ni na nijuguhan ni angka halak sileban inganan na badia di bagasan Bagas Ni Tuhan.’

ANDUNG 1:9

Torang do tarida hahodaranna tapi nada diampirkon ia bagiannia. Santak ma da parsegona, hape sahalak pe nada adong mangapoisa. Mangido ibo ni roha ia sian Tuhan, hara ni angka musuna na dung monang.

ANDUNG 1:11

Humolos humasusa halak kota i manjalahi bohalna; marsambar roti noma artana anso ulang jabat tos hosana. Tangis Jerusalem, “Ale Tuhan, ingot ma au, parrohahon ma sude pardangolanku.”