ANDUNG 4:7 - BIBEL JAMITA NA DENGGAN

⁷ Najolo polin do angka pamimpinnami songon hapas na mamontar ias do i. Tohong jana margogo halahi, horas torkis jana jogi-jogi.

ANDUNG 4:7 Referans Kwoze

MASMUR 51:7

Buat ma dosangki, gabe ias ma au; basu ma au, jadi gabe umbontar ma au sian hapas.

ENDE NA GODANG 5:10

Tongam jana gogo do hasianki, sada sian sampulu ribu do i.

MASMUR 144:12

Sai simbur magodang ma angka anakta di haposoonna, songon hayu na mur pir jana margogo. Sai majogi nian angka borunta songon tiang na jeges, na manghiasi angka suhi ni bagas godang.

1 SAMUEL 16:12

Jadi disuru pio si Isai ma anakna i. Hapengani sada doli-doli na jogi do ia jana na togar, boti matana jeges. Dung i didok Tuhan ma tu si Samuel, “On ma ibana, miahi ma!”

DANIEL 1:15

Dung abis i, mur sumehat do halahi idaon jana mur gumogo sian sude doli-doli na mangan panganon sian meja ni raja i.

HAKIM-HAKIM 16:17

Ujungna dicaritohon si Simson ma rahasia i. “Na dipasahat do au tu Debata gabe hapunjunganNia. Nada tola ulungku hona cukur, dibaen na dung gabe sada halak nasir do au. Muda digotap obukkon, mago noma hagogoonki boti gale ma au jana gabe halak na somal.”

HAKIM-HAKIM 13:7

Tapi didok ia na giot denggan ma pamatangku jana tubuhononku anak halaklahi. Didok ia dope, nada tola au minum anggur sanga minum na pamabukkon sanga mangankon bagi aha na haram, harana angkon dipasahat do dakdanak i tu Debata gabe sada halak nasir salolot mangolu.

HAKIM-HAKIM 13:5

angke anggo anak na giot kandungonmi madung ditontuhon hian gabe halak nasir, jadi hara ni i, muda dung sorang anakmi ulang dipangkas obukna i. Ia ma ibana na giot paluahon bangso Israel sian kuaso ni halak Pilistin.”

LUKAS 1:15

Gabe halak na godang do dakdanak i mangihutkon parnidaan ni Tuhan. Nada tola ia minum anggur, sanga siinumon na koras. Mamungka di bortian dope ia, Tondi Parbadia do mangarajai ia.

HARURUAR 24:10

disi ma diida halahi Debata ni halak Israel i. Sidegean ni patNa i tarsongon lante na sian batu nilam, rata langit idaon.

JOB 28:16

Sere dohot batu na ummarga pe nada tarbaen argana mangente.

JOB 28:18

Ummarga do dao bisuk ulang pado humala, kristal dohot mutiara.

ENDE NA GODANG 5:15

Patna songon tiang marmar na bontar, marojahan sere. Potongan ni pamatangna songon Dolok Libanon, na tubuan hayu aras na gincat.