ANDUNG 4:18 - BIBEL JAMITA NA DENGGAN

¹⁸ Nada tarbaen hami ruar tu alaman, hara ni panjago ni alo na rongkingan. Dapot ma da ajalnami, madung marujung ari-arinami.

ANDUNG 4:18 Referans Kwoze

AMOS 8:2

Disapai Tuhan ma, “Aha do diida ho Amos?” Jadi hualusi ma, “Sada karanjang na marisi parbatu do.” Didok Tuhan ma, “Madung dapot hatihana marujung ngolu ni Israel. Nada ubaonKu be sangkapKu laho manguhum halahi.

ANDUNG 3:52

Songon unggas au dikojar musu soada dalan margoyak ni roha tu au.

JEREMIA 16:16

Didok Tuhan ma, “Giot piohononKu bahat halak parihan laho manangkupi angka jolma on. Dung i piohononKu ma bahat halak parburu laho marburu halahi di sandok dolok dohot partoran, dohot di angka liang ni dolok batu.

JEHESKIEL 12:27

“Ale anak ni jolma, pandok ni angka halak Israel, anggo parnidaan dohot alatanmi, honok sajo dope i baru anso tarjadi.

JEREMIA 51:33

Nada pola sadia honok nari taluhononna ma halahi jana didege-dege musuna songon gandum di inganan pardegean. Au Tuhan Na Markuaso, Debata ni Israel, madung mandok songon i.”

JEREMIA 1:12

“Tutu do i,” ninna Tuhan, “angke madung marsadia Au patuluskon hatangKu.”

MASMUR 140:11

Ulang padiar panggete-gete mangingani tano on, padiar ma halak na mangasahon gogo diayak-ayak hasusaan lopus mate.

JOB 10:16

Muda mandapot iba haru pe nian so sadia, mangayak ma Ho tu au songon singa. Jana dipatudu Ho ma mangulahi kuasoMu, hum na giot mangago tu au.

1 SAMUEL 24:14

Diboto raja i do pandohan ni umpama narobi songon on, ‘Hum halak na jahat do na mambaen hajahatan.’ Jadi hara ni i, nada hancitan raja i baenonku.

JEREMIA 5:31

Angka panurirang manghatahon gabus jana angka malim mangajarkon hagiotna sambing. Jana i do na diparhagiot ni bangsongKu. Tapi muda ro ari parpudi, aha ma sibaenonmunu?”

JEREMIA 37:13

Tapi di na lalu au di Pintu Horbangan Benyamin, ditangkup komandan ni tentara na disi ma au jana didok ia, “Na giot lari do ho tu pihak ni halak Babel!” (Si Jeria do goar ni komandan i; anak ni si Selemia, pahompu ni si Hananya.)