ANDUNG 3:31 - BIBEL JAMITA NA DENGGAN

³¹ Haru pe diloas Tuhan hita di pardangolan, nada ditulak Ia hita torus sapanjangna.

ANDUNG 3:31 Referans Kwoze

MASMUR 94:14

Angke nada ra Tuhan i mangambungkon bangsoNa, jana nada tadingkononNia nampunaNia sandiri.

MASMUR 77:7

“Salolotna noma he ulaning tulakkonon ni Tuhan hami? Na so sonang be he ulaning rohaNia mida hami?

JEREMIA 32:40

BaenonKu ma parjanjian na hot dohot halahi. Nada mantak Au mambaen na denggan tu halahi. BaenonKu ma halahi mabiar jana mamparsangapi Au sian sandok rohana anso ulang mandao halahi sian Au.

JESAYA 57:16

Angke nada salolotna Au giot mamorso, jana nada giot salolotna Au muruk, anso ulang gabe gale halahi di jolongKu, hape Au do na mambaen hosa hangoluan.

1 SAMUEL 12:22

Madung disumpahon Tuhan bahaso na so tadingkononNia hamu angke madung diputuskon Ia do laho mambaen hamu gabe bangsoNia sandiri.

MIKA 7:18

Nada adong Debata na songon Ho, ale Tuhan, na mangampuni dosa ni bangsoMu na teba i. Nada sapanjangna Ho muruk; balik tehe, sonang do rohaMu patuduhon holong ni rohaMu na so marparsuhatan i.

JEREMIA 33:24

“Madung he diparrohahon ho angka hata-hata ni halak na mandok na dung Hubuang Israel dohot Juda, bangso na dua na dung Hutodo i? Layas diida angka jolma i bangsongKi jana nada dietong roha ni halahi be i songon sada bangso.

JEREMIA 31:37

Sugari di sada hatiha bolas suhaton langit i, jana ojahan ni tano tarsihiri, di hatiha i ma tulahonKu Israel hara ni sude parbuatan ni halahi na jahat i. Au Tuhan, madung mandok songon i.”

NAHUM 1:12

Jadi didok Tuhan ma tu Israel, bangsoNia i, “Haru pe gogo halak Asur i jana bahat bilanganna, tapi pangabisonKu do halahi sudena. Ale bangsongKu, Au do mambaen hamu marhancit, tapi nada ulahanKu be mambaen songon i.

2 SAMUEL 14:14

Na muli mate do hita on sude; tarsongon aek na sabur tu tano do hita jana nada tarpalagut be. Debata pe nada pangoluonNia be mangulahi anggo halak na dung mate. Jadi siusahahonon ni raja i do antong anso tarbaen halak na tarbuang mulak mangulahi.

1 RAJA-RAJA 11:39

Hara ni na mardosa si Salomo, gabe uhumanKu noma pomparan ni si Daud tapi nada sapanjangna.’ ”

JESAYA 27:8

Hona taban do uhuman ni bangsoNia. Dipaorot Ia halahi marhite halingsungsung na ro sian Habincaran.