ANDUNG 3:19 - BIBEL JAMITA NA DENGGAN

¹⁹ Maot-aot au jana marnyae; mamikirkon i songon na mangankon rasun na paet.

ANDUNG 3:19 Referans Kwoze

ANDUNG 3:15

Hum hapaeton do dipadaihon Ia tu au baen panganon dohot inumonku.

ANDUNG 3:5

Dilingkupkon Ia tu iba parkancitan dohot arsak ni roha.

JEREMIA 9:15

Hara ni i, tangihon hamu sanga aha na giot baenonKu, Au Tuhan Na Markuaso, Debata ni Israel na giot mangalehen suan-suanan na paet sipanganon dohot rasun siinumon.

MASMUR 132:1

O Tuhan, ingot ma si Daud dohot sude pardangolannia.

MASMUR 89:50

Ingot ma sanga songon dia au, naposoMon martilako, jana manaon incak ni angka bangso.

MASMUR 89:47

Ingot ma pendek ni umurnami, songon mahluk parsantongkinan do ditompa Ho hami.

JOB 7:7

Ingot ma, hum sangombus sordam do ngoluniba; simanolongku nada bisa be mangaligi na denggan.

NEHEMIA 9:32

O Debata, Debatanami na gogo! Debata na godang jana na jorbut! Sai na setia do Ho maniop sumpa dohot janji, digohi Ho do sandok janjiMu jana dipatulus Ho do i. Mamungka sian na nipisat ni raja Asur hami, lopus saonnari, ma bahat pardangolan hami alami. Angka raja, malim, panurirang maradu hatobangonnaMi, bope ompu dohot rayat madung sude manaonkon i. Ulang halupahon sude na hancit i! Ulang nian agohon i sian parningotanMi!

JEREMIA 8:14

“Biasi nada tabaen sanga na aha?” ninna bangso ni Debata. “Beta, mangungsi hita tu angka kota na marbenteng; padiar mate disi hita. Madung didabuhon Tuhan Debatanta hamatean tu hita; madung dilehen tu hita rasun siinumon hara ni na mardosa hita tuSia.