ANDUNG 3:17 - BIBEL JAMITA NA DENGGAN

¹⁷ Disirang Ia hosangku sian hasonangan; ma jabat lupa au di pangkilalaan jop ni roha.

ANDUNG 3:17 Referans Kwoze

JESAYA 59:11

Sude do hami mangorong songon gompul; sai morong-orong songon darapati. Hami painte-inte hatigoran, tapi nada adong, painte-intehon haluaan tapi sai mandao sian hami.

ZAKARIA 8:10

Hatiha dompak so dapot dope ari on, nada taruli halak di gogona, jana pahan-pahanan pe songon i do, jana nada adong jolma na malua sian musuna. Harana Hubaen do halahi marbadai.

ANDUNG 1:16

Patunda ni i ma da maraburan iluniba, nada adong na mangalehen gogo dohot pangapoi ni roha. Mago ma sude na adong di bangso i, angke gumodang antong kuaso ni musui.

JEREMIA 16:5

Ulang ho kehe tu bagas ni halak na hatiha marsak, ale Jeremia. Ulang ho dohot marsak hara ni sanga ise pe. Nada pasupasuonKu be bangsongKu dohot hadamean jana indangkon na ra be Au patuduhon holong ni roha sanga ibo ni rohangKu tu halahi.

JEREMIA 14:19

Na dung situtu ma he ale Tuhan ditulak Ho Juda jana na mangingani Sion di Ho hagigian ni roha? Biasi jabat songon i gogona pamukulMu di hami lopus nada tarpamalum be hami? Nada marguna hami jalahi hadamean, nada marguna be diarop rohanami hamaluman, angke hum na mangasa gogo do na masa.

JEREMIA 8:15

Nada marguna arop rohanta di hadameon dohot hatiha na pamalumkon, angke hum na mangasahon gogo do na adong.

JESAYA 54:10

Muncat pe angka dolok jana humutur dohot tor, tapi holong ni rohangKu nada muncat sian ho, jana janji hadameonKu nada morot sian ho,” ninna Tuhan, na manghaholongi ho.

JESAYA 38:17

Muba ma haparironku gabe hasonangan ni roha, dipalua Ho do au sian mara; madung diampuni Ho angka dosangku sudena.

MASMUR 119:155

Anggo parjahat nada tarbaensa malua, angke nada didalankon halahi hatontuanMu.

JOB 7:7

Ingot ma, hum sangombus sordam do ngoluniba; simanolongku nada bisa be mangaligi na denggan.

PAMUNGKAAN 41:30

Salpu i ro muse ma pitu taon haleon, jana lupa ma sude tu sipitu taon na makmur i, hara ni santakna haleon potir i jabat gariang sude tano i.

JEREMIA 12:12

Sian ipar ni padang halongonan di dolok, marroan angka jolma laho manyamun. Huparo porang laho manyegohon sandok luat i lopus nada adong sahalak pe tarbaen mangolu di bagasan dame.