ANDUNG 2:5 - BIBEL JAMITA NA DENGGAN

⁵ Gabe tudos tu musu do Tuhan; dilibas Ia Israel lopus mardabuan. Dironcohon Ia angka benteng dohot bagas godang, jana diparo Ia pardangolan tu halak ni Juda.

ANDUNG 2:5 Referans Kwoze

ANDUNG 2:2

Ganop kota na adong di Juda, dironcohon Ia nada adong ibo ni roha. Angka benteng na mangondingi luat i dionjarkon Ia lopus marumpahi. Didabuhon Ia lopus marbile noma harajaan i dohot angka pamimpinna.

JEREMIA 30:14

Sude haholonganmu, madung lupa tu ho; nada ra be halahi mamikirkon ho. Songon musu, Au giot mangaroro jana manguhumi hamu maradu gogo hara ni bahat ni dosamu jana godang hasalaanmu.

ANDUNG 2:4

Songon musu i, marmetar Ia manembakkon anak ni pana, jana dipaadop tu hita. Sude jolma na pasonang rohanta, abis hona bunu dibaen Ia. Dibursikkon Ia hamuruhonNia i tu bagasan kota Sion songon api.

JEREMIA 52:13

Disurbu si Nebusaradan ma Bagas Ni Debata, bagas godang ni raja i dohot sude bagas ni halak na godang-godang di Jerusalem.

2 RAJA-RAJA 25:9

Disurbu si Nebusaradan ma Bagas Ni Debata, bagas godang ni raja i dohot bagas ni sude halak na sumangap-sangap di Jerusalem.

JEHESKIEL 2:10

na marsurat angkup bariba. Dung i dibuka ia ma balunan i jana tarsurat do disi andung, holos dohot angguk-angguk.

JEREMIA 15:1

Didok Tuhan ma tu au, “Indada ra Au maribo ni roha mida bangso on, haru pe jongjong dison si Musa dohot si Samuel mangido ibo ni roha sian Au tu halahi. Suru ma kehe bangso on; nada jop rohangKu paida-ida halahi.

JOB 13:24

Biasi mandao jana sumisi Ho sian au? Hara ni aha umbaen dietong Ho au musuMu?

MASMUR 89:40

Dirumpakkon Ho angka tembok ni kotana, magargar dibaen Ho angka bentengna.

JESAYA 29:2

Angka andung-andung dohot na tangis noma tarbege disi songon langgatan panutungan noma sude kota i.

JEREMIA 21:4

Paboahon na nidok ni Tuhan, Debata ni Israel songon on, “Zedekia, pataluonKu ma paranganmi na topet marporang mangalo raja ni Babel dohot paranganna. PagukguhonKu ma angka sinjata ni tentaramu di tonga-tonga ni kota i.

1 SAMUEL 28:16

Dung i didok si Samuel ma, “Aha dope gunana dipiohon ho au, hapengani na dung ditadingkon Tuhan do ho jana Tuhan gabe musumu?

JOB 19:11

Maradu marapi purun tu iba muruk ni Debata; gabe musuNa iba dietong rohaNa.

MASMUR 89:41

Sude halak pamolus marsirampas di nampunania, gabe siincak-incakan ni hombarna noma ia.

JESAYA 63:10

Hape manggugai do halahi mambaen roha ni Tuhan gabe marsak. Jadi gabe musuNia ma halahi jana marporang mangalo halahi.