ANDUNG 2:4 - BIBEL JAMITA NA DENGGAN

⁴ Songon musu i, marmetar Ia manembakkon anak ni pana, jana dipaadop tu hita. Sude jolma na pasonang rohanta, abis hona bunu dibaen Ia. Dibursikkon Ia hamuruhonNia i tu bagasan kota Sion songon api.

ANDUNG 2:4 Referans Kwoze

JEREMIA 7:20

Au Tuhan Debata, padondonkononKu ma murukKu na jorbut i tu bagas paribadatan on, tu jolma dohot tu binatang dohot tu suan-suanan dohot tu suha ni tano. Marjimbur-jimbur ma murukKu songon api na so haintopan.”

JEHESKIEL 24:25

Didok Tuhan ma tu au, “Antong, ale jolma parsantongkinan, buatonKu noma sian halahi bagasKu na tohong i, na gabe hagodangan dohot hasonangan ni roha ni halahi jana na nitatap bope na nidapotkon ni halahi di bagasan jop ni roha. Laing buatonKu muse ma angka dakdanak ni halahi.

JEREMIA 21:5

Au sandiri giot mamorangi hamu sagogongKu jana mardongan gilap ni murukKu.

JESAYA 42:25

Jadi gabe disombabkon Ia ma rimas ni rohaNia tu hita, jana dipamasa Ia porang na mambaen hita susa. Marsigorgor do murukNia pangabiskon halahi, hape nada i taboto jana nada marsiajar hita sian na tarjadi.

JEREMIA 30:14

Sude haholonganmu, madung lupa tu ho; nada ra be halahi mamikirkon ho. Songon musu, Au giot mangaroro jana manguhumi hamu maradu gogo hara ni bahat ni dosamu jana godang hasalaanmu.

JOB 6:4

Hona tombus ni anak ni pana do pamatangku dibaen Pargogo Na Sumurung i. Manyarira rasunna i tu sude pamatang i. Na sun jebu ni Debata tarlobi sogen sihabiaran, jana manjombai iba songon dia ma parro ni musu marparangan.

NAHUM 1:6

Ise ma he bisa martahan muda muruk Tuhan? Ise ma tarbaen malua sian hamumurukNa? Palalu hosom ma Ia manggasa-gasa masarsar do batu gabe abu di joloNia.

NAHUM 1:2

Nada ra Tuhan Debata marimbang, sanga ise na mangalo Ia, ingkon dapot uhuman. Di parpiar ni murukNa, tu halahi, dibaloskon Ia pambaenanna be.

JEHESKIEL 36:18

Jadi Huduruskon ma murukKu tu halahi hara ni bahatna pamunuon dibaen halahi di tano i jana dipahodar halahi do i marhite gana-ganaan ni halahi.

JEHESKIEL 22:22

Songon perak na nidakdak di parapian, laing songon i ma halahi lalaon di Jerusalem. Jadi gabe botoon ni halahi ma Au do Tuhan na dung palaluhon rimasKu tu halahi.”

JEHESKIEL 6:12

Hilalaon ni halahi sude ma panyuraka ni murukKu. Angka jolma na dao di habuangan marnyae i ma lalu mate; na donok mate ma baenon ni porang, jana na deba nari i mate tangkuraparon.

JEHESKIEL 5:13

Hilalaonmu ma jorbut ni hamuruhonKu, dohot pangamukKu lopus sombu rohangKu. Dung tulus sudena i, disi pe anso tangkas botoonmu paboa na dung mangkuling Au tu ho, Au Tuhan mangkuling hara ni murukKu marnida na so setia ho.

ANDUNG 4:1

Sere na marlinang i ma pola mondap madung marserak di dalan i angka batu ni Bagas Ni Debata.

ANDUNG 3:3

Dibalbali au marulak noli, so adong ibo ni roha sasadari.

ANDUNG 2:5

Gabe tudos tu musu do Tuhan; dilibas Ia Israel lopus mardabuan. Dironcohon Ia angka benteng dohot bagas godang, jana diparo Ia pardangolan tu halak ni Juda.

JEREMIA 36:7

Betak na gabe martangiang do halahi tu Tuhan baenon ni i jana muba halahi sian angka parbuatan ni halahi na jahat i. Sun do muruk ni Tuhan tu halahi jana mangondam do tu halahi.”

JEREMIA 4:4

Tiop ma janjimu dohot Au Tuhanmu, jana hapunjungkon ma dirimu di Au, ale halak Juda dohot Jerusalem. Muda nada, gilap ma murukKu jana manutungi songon api na so haintopan sanga na ise pe, hara ni sude angka parbuatanmunu na jahat i.”

JESAYA 63:10

Hape manggugai do halahi mambaen roha ni Tuhan gabe marsak. Jadi gabe musuNia ma halahi jana marporang mangalo halahi.

JESAYA 63:6

Di rimas ni rohangku na jorbut i Hulonca-lonca angka jolma i. Hugopu halahi lopus malantuk, mamincar mudarna i sap tu tano.”

2 JUJUR TAON 34:25

Ditadingkon halahi do Au jana kehe halahi marsomba tu angka debata na asing. Pasunggul-sunggul muruk do Au tu Jerusalem, jana nada ra mombun murukKi.

2 JUJUR TAON 34:21

“Kehe ma hamu marsapa tu Tuhan salaho tu au dohot salaho tu bangso i na tinggal dope di Israel dohot Juda. Tangkasi hamu ma salaho tu pangajaran na di buku on. Madung muruk Tuhan tu hita hara ni na so diihutkon angka ompunta hata ni Tuhan jana nada dipatulus halahi na didok di buku on angkon sipatuluson.”

MASMUR 37:14

Manyintak podang parjahat i jana manarik sior laho mamunu na pogos dohot na dangol, laho pamatehon halak parroha sisangunjur.

JEREMIA 10:20

Madung masego bandarnami jana mangkagotap angka talina i. Nada adong be tarbaen pajongjong bandar dohot mamasang angka tenda-tendana, harana madung kehe sude angka dakdanak.”

HAMALIMON 26:17

Au do alomunu, gabe ditaluhon hamu jana halak na mangkagigihon hamu, gabe mangkuasoi hamu. Gok biar ma hamu, gabe marlojong hamu haru so adong mangayak-ayak.

PANGARATAION 32:22

Mamulatak ma murukKu songon api na mangabiskon sasude na di portibi. Api na rarat lalu tu taruma ni tano i manutung dolok lalu tu angka uratna i.

1 SAMUEL 28:16

Dung i didok si Samuel ma, “Aha dope gunana dipiohon ho au, hapengani na dung ditadingkon Tuhan do ho jana Tuhan gabe musumu?

JOB 19:11

Maradu marapi purun tu iba muruk ni Debata; gabe musuNa iba dietong rohaNa.

JEREMIA 42:18

Songon dia pangalaluhonKu, Au Tuhan Na Markuaso, Debata ni Israel, di hamumurukKu dohot hosom ni rohangKu tu halak Jerusalem, songon i muse ma palaluonKu hosom ni rohangKu tu hamu na kehe tu Mesir i. Gabe mabiar ma halak mida hamu; incahanna hamu, jana goarmunu baenon ni halak gabe songon bura. Nada idaonmunu be bona bulumunu on.”

ANDUNG 1:13

Dipaijur Ia api sian langit na manutungi holi-holingku lopus mangampir. Di taon Ia jorgong di jolongku na mambaen au madabu. Lalu dipadiar au disi marhancit torus sasadari.

ANDUNG 4:11

Palalu hosom ma Tuhan tu Sion, kotaNa i disurbu Ia lopus mangornop tu tano i.

JEHESKIEL 7:14

Mangkuling ma sarune, dung i markobas ma sude halak. Tapi sahalak pe nada adong na kehe tu galanggang ni parporangan, angke sude jolma do didondoni rimas ni Debata.

JEHESKIEL 13:13

Didok Tuhan Debata i ma, “Di bagasan rimasKu, paroonKu ma halingsungsung, udan potir dohot ambolas laho mangaloha tembok i.