ANDUNG 1:2 - BIBEL JAMITA NA DENGGAN

² Tumatangis do ia dangol sasaborngin ramram ilu-ilu di hurumna i. Sahalak pe nada adong sian haholongan ni rohana na ra mangapoi ia. Dihianati angka donganna ia na marbalik gabe alona.

ANDUNG 1:2 Referans Kwoze

MASMUR 6:6

Humolos au pola marsak situtu; ganop borngin mardodor ilungku, manombur podomanku.

MIKA 7:5

Ulang pos rohamu di hombar bagasmu, ulang ho marguru di ale-alemu. Jamot ho di angka hata sidokkononmu haru pe dongan saripemu sandiri na umbegesa.

ANDUNG 1:21

Tangihon ma holos ni rohangku, nada adong be na mangapoi iba. Marmoga-moga musuniba hara ni na nibaenMu marmara iba. Paro ma da ari na nijanjihonMi; baen ma songon au marhancit halahi.

ANDUNG 1:19

Hupio do angka donganku hape nada ra halahi mangurupi au. Angka malim dohot pamimpin ni bangso manjalahi panganon laho paudut ngolu hape mate do halahi sudena di angka dalan ni kota.

ANDUNG 1:9

Torang do tarida hahodaranna tapi nada diampirkon ia bagiannia. Santak ma da parsegona, hape sahalak pe nada adong mangapoisa. Mangido ibo ni roha ia sian Tuhan, hara ni angka musuna na dung monang.

JEREMIA 30:14

Sude haholonganmu, madung lupa tu ho; nada ra be halahi mamikirkon ho. Songon musu, Au giot mangaroro jana manguhumi hamu maradu gogo hara ni bahat ni dosamu jana godang hasalaanmu.

JEREMIA 13:17

Muda nada ringkot rohamu manangihonsa, tangis ma au di sihabunian. Di bagasan pangkilalaan na hancit ginjang ni rohamu hutangisi. Marabur ma ilu ni matangku hara ni na hona taban bangso ni Tuhan gabe halak buangan.

JEREMIA 9:1

Sugari sumur na gok ma nian ulungku, jana pancur na torus mardalan ma matangku! Tarbaen au ma tangis arian dohot borngin, mangandungi angka jolma sabangsongku na nibunu ni musu.

JEREMIA 4:30

O ale Jerusalem, madung maronco ho! Aha be gunana marbaju na saksak jana mamake barang sere dohot perak, dohot mangalapuhon colak di mata? Parcuma do dipajeges ho dirimu, angke nada tumbuk be ho di roha ni haholonganmu, mur halahi noma na giot mambuat hosamu.

MASMUR 31:11

Bile do au dietong roha ni sude musungku, gabe siincahan ni angka hombar noma au. Tarsonggot be do angka sitandaan muda marsuo dohot iba, marlojongi halahi muda marsuo di dalan dohot iba.

HALUMBAAN 17:16

Tanduk na sampulu na niidami dohot binatang i, margoyak ni roha ma mida panggampang i. Baenon ni halahi ma ia lungun-lungunan jana salang-salang. Panganon ni halahi ma sibukna jana pangabison ni halahi ma ia dohot api.

HALUMBAAN 17:13

Sarupa do tujuan ni raja na sampulu halak on; rap na giot pasahatkon gogona dohot kuasona do halahi tu binatang i.

HOSEA 2:7

Kojaronnia ma angka haholongan ni rohania i, tapi nada dapot ia halahi. Jalak-jalahannia ma halahi, tapi nada dumpang ia halahi. Dung i dokkononnia ma, “Mulak noma au tu halaklahingKu na parjolo i; dumenggan do au na salpu i ulang pado saonnari.”

JEHESKIEL 16:37

Jadi hara ni i, palagutonKu ma sude angka haholongan ni rohami humani, hasudungan ni rohamu dohot goyak ni rohamu. Jongjong ma halahi manghuliangi ho jana talgangan ni halahi ma sude pakeanmu, jabat idaon ni mata ni halahi pamatangmu na marsaemara i.

ANDUNG 2:11

Marbosoli matangku hara ni na so mantak tangis, marhancit tondingku songon na dihoris. Loja au holosan paida-ida haruruncur ni bangso i, na baru sorang dohot dakdanak marompasan di dalan ni kota i.

JEREMIA 3:1

Didok Tuhan, “Muda disirangkon halaklahina sada dadaboru, lalu marbagas anak boru i tu bayo na asing, nada tola be halaklahina i humani mambuat dadaboru i mangulahi gabe ripena, angke pasego-segohon do pangalaho na songon i di luat on. Antong ho ale Israel, madung bahat sajo haholongan ni rohamu, biasi dope puluk ho mulak tu Au?

PODA 19:7

Halak na pogos menek do di kahanggina, tarlobi-lobi dope di dongan-donganna. Sanga na bia pe dibaen ia, nada tarbuat ia rohana.

JOB 7:3

Sian bulan tu bulan do ngoluniba na so martujuan; sian borngin tu borngin do rohangku digohi hamarsahan.

JOB 6:15

Tapi anggo hamu ale dongan, na so tarpangasahon jana na so haposan. Songon batang aek na hiangan, di hatiha ari halogoan.

MASMUR 126:5

Ise na manyabur mardongan arsak, manyabi ma ia marjop ni roha.

JEREMIA 2:25

Ale Israel, tongtong ma ho marsipatu jana ulang padiar manguas ho hara ni na parayakkon debata na asing. Tapi nimmu do, ‘Nada! Nada tarbaen au mulak. Madung huhaholongi debata na asing jana i noma ihutkononku.’ ”

MASMUR 69:21

Di hatiha male au, rasun do dilehen di au, di na manguas au, cuka do dilehen di au.