AMOS 8:14 - BIBEL JAMITA NA DENGGAN

¹⁴ Angka jolma na marsumpa mangasahon gana-ganaan ni Samaria na mandok, ‘Mangasahon goar ni debata ni bangso Dan’, sanga, ‘Mangasahon debata ni Berseba’ – tinggang noma i jana nada tarsunggul-tarsunggul be.”

AMOS 8:14 Referans Kwoze

AMOS 5:5

Ulang hamu kehe tu Berseba laho marsomba. Ulang jalahi hamu Au di Betel, angke na laho mago do Betel. Ulang kehe muse hamu tu Gilgal, angke na giot obanon do halak kota i tu habuangan.”

PANGARATAION 9:21

Antong patung na nibaenmunu i – lombu sere – huambungkon noma tu api. Huropuk ma i jana hududa lopus lamot songon abuan, lalu huambungkon ma abuna i tu bagasan anak ni batang aek na mardalan sian dolok i.

BAENON NI ANGKA RASUL 9:2

mangido surat kuaso anso tola ia kehe tu angka bagas paribadatan ni halak Jahudi di Damaskus laho manangkupi angka halak na mangihutkon dalan ni Tuhan na dapot ia, halaklahi bope dadaboru, anso dioban ia halahi tu Jerusalem.

BAENON NI ANGKA RASUL 24:14

Tapi angkon okuonku do tu tuan i, paboa na husomba do Debata ni angka ompungnami hombar tu Dalan Ni Tuhan, i ma na sala dietong roha ni halahi. Hape nian laing huhaporsayai do sudena na tarsurat di Buku Ni si Musa dohot di Buku Ni angka Panurirang.

BAENON NI ANGKA RASUL 19:23

Laing hira-hira di hatiha i ma masa hagaoran na godang di Epesus hara ni pangajaran taringot tu Dalan Ni Tuhan.

BAENON NI ANGKA RASUL 19:9

Tapi adong do deba sian halahi sijogal roha na so ra porsaya. Dijolo ni halak na bahat i diincahi halahi ma pangajaran taringot tu na giot paluaon ni Debata sude jolma markite-hite Jesus. Jadi gabe ditadingkon si Paulus ma halahi, kehe ma ia rap dohot angka sisean ni Jesus tu sikola Tiranus. Disi ma ia ganop ari marsipatangkasan dohot halak.

BAENON NI ANGKA RASUL 18:25

jana na dung diajari do ia laho mananda Dalan Ni Tuhan. Jadi sai marsitutu jana manat do ia mangajari taringot tu Jesus, haru pe hum pandidion ni si Johannes sajo dope na nibotonia.

ZEPANYA 1:5

Ias haisonKu sude sanga ise na manaek tu tarup laho manyomba mataniari, bulan dohot angka bintang. AbiskononKu muse dope halahi na manyomba Au jana na marsumpa mandok setia tu Au, hape marsumpa muse halahi mangasahon goar ni Debata Milkom.

AMOS 5:2

Madung tinggang Israel boru na bujing i, nada lobassa jongjong be! Dipadiar ia bustang di tano, nada adong mangurupisa jongjong.

HOSEA 13:2

Lopus saonnari laing torus dope mardosa angka halak Efraim i; dipambaeni halahi do angka patung sian perak na nirangrangan ni akal ni jolma jana na nigana ni tangan ni jolma lalu disomba ma i. Didok halahi, “Pelehon ma haul tu angka patung on!” Padiar ma diummai jolma i angka anak ni lombu i!

HOSEA 10:5

Mabiar ma halak Samaria; marsak jana tangis ma halahi dohot angka malim na mangkobasi lombu sere na di Bet-Awen i hara ni parmago ni hajagaron ni gana-ganaan ni halahi.

HOSEA 4:15

Ale hamu halak Israel, haru pe nada unduk hamu tu Au, sai ulang ma nian dohot Juda mambaen hasalaan na nibaenmunu i! Ulang maribadat di Gilgal sanga di Bet-Awen. Ulang baen hamu janji disi mangasahon goar ni Tuhan na mangolu i.

JEREMIA 51:64

lalu dok ma hatana, ‘Songon on ma na giot tarjadi tu Babel. Bonom ma luat on jana nada mulgap be hara ni parmaraan na nitimpalkon ni Tuhan tusi. Olat ni on ma hata ni si Jeremia.’ ”

JEREMIA 25:27

Dung i didok Tuhan ma tu au, “Dokkon ma tu angka jolma i, bahaso Au Tuhan Na Markuaso, Debata ni Israel, marsuru halahi minum lopus mabuk jana muta-uta. Hubaen halahi tinggang jana nada lobassa be jongjong hara ni parporangan na Huparo tu halahi.

JESAYA 43:17

jana na marsuru tentara dohot angka na gogo laho marporang, parangan na markudo bage dohot martongtang. Tinggang do halahi, nada jongjong be mangulahi, songon api na mintop, marmatean halahi.

PODA 29:1

Sanga ise na manangkang muda dipaingot, di sada hatiha gabe maropuk jana nada be tarpauli.

MASMUR 140:10

Padiar ma durus banggar ni api tu halahi jana dijulungkon tu lubang lopus nada tarbaensa ruar sian i.

MASMUR 36:12

Ligi ma sanga di dia madabu halak na jahat, disi ma halahi julung, nada tarbaensa jongjong mulak.

2 JUJUR TAON 36:16

Hape diparmayam-mayam halahi do angka utusan ni Debata i, dipartatai halahi angka panurirangNia jana nada ditangihon halahi hatana. Ujungna sun ma muruk ni Tuhan tu halahi jadi gabe nada adong be dalan ruar di halahi.

2 RAJA-RAJA 10:29

Jadi gabe didok Tuhan ma tu si Jehu, “Madung dipatulus ho tu pomparan ni si Ahab sandok na Huparentahon tu ho. Hara ni i marjanji ma Au, anggo pomparanmu lopus tu sundut paopatkon, gabe raja ma di Israel.” Tapi nada sian burju ni si Jehu mangoloi Tuhan, Debata ni Israel; songon si Jerobeam do ia na mambaen halak Israel gabe mardosa di na nisurunia halahi mamele lombu sere na nipajongjong ni si Jerobeam di Betel dohot di Dan.

1 RAJA-RAJA 16:24

Tapi dung salpu i ditobusi ia ma sada dolok mararga onom ribu hepeng perak sian sada bayo na margoar si Semer. Dipajongjong si Omri ma sada kota di dolok i, dibaen ia ma goarna Samaria mangihutkon goar ni si Semer nampuna dolok i humani.

1 RAJA-RAJA 14:16

Tadingkonon ni Tuhan noma Israel hara ni na dung mardosa si Jerobeam jana patundania gabe mardosai muse halak Israel.”

1 RAJA-RAJA 12:32

Dung i dipambaeni si Jerobeam ma angka malim i di Betel anso martugas disi jana ia sandiri pe dohot ma manghaulkon haul tu angka lombu sere na nibaennia i. Jadi ditontuhon ia ma tanggal lima bolas bulan salapan gabe songon ari pesta ni ugamo di Israel, sarupa dohot ari pesta ni ugamo di Jerusalem. Kehe ma si Jerobeam pagodangkon ari pesta ni ugamo na nitontuhonnia i.

PANGARATAION 33:11

Tuhan, dongani ma marga on anso margogo, marhite na nibaen ni halahi, anso sonang Ho. Ropuk ma sude musu ni halahi; anso ulang be bisa halahi bangkit.”

JESAYA 24:20

Songon na mabuk ma tano on mambal-ambal, jana humutur-hutur songon sopo na buruk na niombus ni alogo. Marumpak ma tano on hara ni dokdok ni dosana. Maronco ma i jana nada mulak be sumuang.

MIKA 1:5

Tarjadi pe sudena i hara ni na mardosa jana mangalo do halak Israel tu Debata. Ise dehe na sala umbaen jabat Israel mardosa? Nada he Samaria kota sabunganna sandiri do? Ise dehe na sala umbaen jabat Jerusalem marsomba gana-ganaan? Nada he Jerusalem sambing do?

PODA 24:16

Harana, haru pe tinggang halak na burju i marpupu, sai na mulak jongjong do i. Tapi suhar-suharna, dilantuk hamamago do halak na jahat.

AMOS 5:1

Tangihon ma ale bangso Israel! Giot endehononKu sada ende arsak di hamu: