AMOS 7:5 - BIBEL JAMITA NA DENGGAN

⁵ Hudok ma, “Ale Tuhan Debata, antak ma sugari api i! Songon dia ma he baenon ni si Jakob martahan? Nada he menek do ia?”

AMOS 7:5 Referans Kwoze

MASMUR 85:4

Marpangulahi ma rohaMu mida hami, ale Debata sipalua hami, ulang be muruk Ho tu hami.

JOEL 2:17

Angka malim na manghobasi di Bagas Ni Tuhan, di antara ni langgatan dohot emper parjolo an, tangis jana mangandungi di jolo ni langgatan jana didok ma, “Haholongi ma ale Tuhan, bangsoMon ulang padiar bangsoMon marlayas jana diparkanciti, jana gabe siincahan ni angka bangso na asing. Biasi sai didokkon halak di tonga-tonga ni angka bangso, ‘Di dia do Debata ni halahi?’ ”

JEREMIA 30:19

Pujion ni halak na disi ma Au marhite ende marsurak-surak ma halahi marriang-riang be. Martamba ma bahat ni halahi hara ni pasupasungKu marsangap ma halahi hara ni pangalehenKu.

JESAYA 10:25

Santongkin nari, sidung ma uhumanKu hamu, jadi pangabisonKu noma halahi.

JESAYA 1:9

Sugari sura nada dipalua Tuhan Na Markuaso i piga-piga halak, anggo Jerusalem i madung mago sude, sarupa tu Sodom dohot Gomora.

BILANGAN 14:19

Saonnari ale Tuhan hara ni holong ni rohaMu jana angkon patulusonMu do janjiMu, pangidoanku sesa ma dosa ni halahi songon na dung niampunanMu halahi, mamungka sian dung ditinggalkon halahi tano Mesir.”

JEHESKIEL 9:8

Salolot mardalan na manyamboli i, sasada au do disi. Manungkap ma au jana pio-pio, “O Tuhan Debata, songon i ma he murukMu tu Jerusalem jabat do bunuonMu sude halak na adong dope di Israel on?”