AMOS 7:13 - BIBEL JAMITA NA DENGGAN

¹³ Ulang be pupu marjamita di Betel inganan na badia ni raja do kota on jana inganan paribadatan ni sandok bangso on.”

AMOS 7:13 Referans Kwoze

AMOS 2:12

Hape dibaen hamu do halak nasir minum anggur, jana dilarang hamu angka panurirang palaluhon tonangKu.

1 RAJA-RAJA 12:32

Dung i dipambaeni si Jerobeam ma angka malim i di Betel anso martugas disi jana ia sandiri pe dohot ma manghaulkon haul tu angka lombu sere na nibaennia i. Jadi ditontuhon ia ma tanggal lima bolas bulan salapan gabe songon ari pesta ni ugamo di Israel, sarupa dohot ari pesta ni ugamo di Jerusalem. Kehe ma si Jerobeam pagodangkon ari pesta ni ugamo na nitontuhonnia i.

1 RAJA-RAJA 12:29

Jadi dibaen si Jerobeam ma sada sian lombu sere na dua i di Betel jana na sada nari di Dan.

1 RAJA-RAJA 13:1

Laing di hatiha i disuru Tuhan ma sahalak panurirang sian Juda tu Betel. Lalu ma panurirang i disi jana hatiha jongjong si Jerobeam di jolo ni langgatan parhaulan ni haul i.

BAENON NI ANGKA RASUL 5:40

Dung i dipiohon ma angka rasul i, diloncing jana dilarang ma halahi mangajarkon taringot tu Jesus mangulahi. I pe anso dipalua halahi.

BAENON NI ANGKA RASUL 5:28

Ning ia ma, “Nada he hami antahi do hamu, anso ulang be diajarkon hamu taringot tu Goar i. Tapi ligi hamunu ma sanga aha na dung nibaenmunu i! Madung digohi hamu Jerusalem on sude dohot pangajaranmunu, jana giot paporsankononmunu ma mudar ni Bayo i tu hami.”

JESAYA 30:10

Didok halahi do tu angka panurirang, “Pasip! Ulang paboa tu hami na tutu. Na tabo begeonnami ma dok. Padiar ma hami marangan-angan.

AMOS 3:14

Di ari i di na manguhum Au tu halak Israel hara ni dosana, sarsarkononKu ma angka langgatan na adong di Betel. Ponggolkonon ma sude ujung ni angka langgatan i, anso dabu sude tu tano.

AMOS 5:5

Ulang hamu kehe tu Berseba laho marsomba. Ulang jalahi hamu Au di Betel, angke na laho mago do Betel. Ulang kehe muse hamu tu Gilgal, angke na giot obanon do halak kota i tu habuangan.”

AMOS 7:9

Sarsarkonon noma angka inganan na nipake ni pomparan ni si Ishak laho marsomba angka debata. Rumpakkonon ma angka inganan paribadatan ni halak Israel. AbiskononKu ma pomparan ni si Jerobeam.”

AMOS 7:16

Hara ni i bege ma sanga aha na nidok ni Tuhan tu ho. Dibaen diorai ho do au marjamita mangalo bangso Israel,

2 RAJA-RAJA 14:24

Mardosa do ia tu Tuhan, angke diihutkon ia do hajahatan ni Raja Jerobeam I na mambaen halak Israel gabe mardosa.

JEREMIA 26:9

Papuluk-pulukkon ho mandok mangasahon Tuhan na giot songon Silo BagasNa on, dohot kota on roncohonon jana gabe lobu,” ning halahi. Dung i dirongomi halak na bahat i ma au.