AMOS 7:12 - BIBEL JAMITA NA DENGGAN

¹² Dung i didok si Amasia ma tu si Amos, “Mulak ma ho panurirang tu Juda! Disi ma ho marjamita. Halahi ma mangalehen balanjomu!

AMOS 7:12 Referans Kwoze

1 KORINTUS 2:14

Halak na so maruli Tondi Ni Debata, nada tarjagitsa di bagasan rohana sanga aha na nipatorang ni Tondi i. Harana songon haotoan do angka na songon i di halahi. Nada haastuan halahi angka pangalaho na songon i, angke angkon sian partondion do i tarastui.

MATEUS 8:34

Jadi ro ma halak kota i mandapotkon Jesus. Jadi dung diida halahi Ia, gomos ma dipangido halahi anso kehe Jesus sian luat ni halahi i.

1 SAMUEL 9:9

Najolo, muda adong sian tonga-tonga ni bangso Israel na giot manyapai hasurirangon ni Tuhan, dohononnia ma songon on, “Beta ma hita tu pangaligi,” harana di hatiha i pangaligi do digoari panurirang.)

1 PETRUS 5:2

anso parmahani hamu punguan ni biri-biri ni Debata na nipasahat tu hamu. Sonang ma rohamunu marmahani halahi songon na nihagiotan ni Debata, ulang ma borat rohamunu. Jana ulang ma hum hara ni na giot manjalahi labo baen hamu, tapi hara ni situtu ni rohamunu ma mangoloi.

SURAT NI SI PAULUS TU PARLAGUTAN ROM 16:18

Harana anggo halak sisongon i nada tu Kristus Tuhanta i halahi markarejo, tapi laho palalu na di roha ni halahi sajo do. Markite-hite hata na lambok jana na tabo begeon, dipaoto-oto halahi do angka halak na bulus roha.

BAENON NI ANGKA RASUL 16:39

Dung i kehe ma halahi mangido maap tu si Paulus dohot si Silas, jana ditaruhon halahi ma sidua halak i ruar sian hurungan i; dipangidohon halahi muse ma anso laing morot halahi na dua sian kota i.

LUKAS 13:31

Laing di hatiha i, adong ma marroan angka halak Parise tu Jesus, mandok, “Ulang Ho maringanan dison! Morot ma Ho tu inganan na asing, angke giot bunuon ni si Herodes ma Ho.”

MALEAKI 1:10

Didok Tuhan Na Markuaso i ma, “Sugari adong ma nian sian tonga-tongamunu, na giot manutup pintu, anso unang dipagara hamu api di langgatanKu di bagasan na so marguna. Nada jop rohangKu tu hamu, ninna Tuhan Na Markuaso jana nada jagitonKu haul sian tanganmu.

AMOS 2:12

Hape dibaen hamu do halak nasir minum anggur, jana dilarang hamu angka panurirang palaluhon tonangKu.

JEHESKIEL 13:19

Dipalayas hamu do Au di adopan ni bangsongKu hum anso dapotan hamu sanjomput bajaure dohot roti piga-piga ponggol. Angka halak na so marsala dibunui hamu, hape anggo halak na patut mate, dipadiar hamu mangolu. Anso tarbaen hamu na songon i, digabusi hamu ma bangsongKi jana porsaya ma halahi tu hamu.’ ”

JESAYA 56:11

Songon anjing na songkal do halahi na so habutongan. Nada adong pikiran ni angka pamimpin i. Marsibaen roha-rohana do halahi jana marsijalahi untung tu dirina be.

JESAYA 30:10

Didok halahi do tu angka panurirang, “Pasip! Ulang paboa tu hami na tutu. Na tabo begeonnami ma dok. Padiar ma hami marangan-angan.

2 JUJUR TAON 16:10

Songon i noma murukna si Asa umbege pandohan ni Panurirang Hanani i jadi gabe dipamasuk ia ma panurirang i tu hurungan. Di hatiha i laing dipisat si Asa do sanga na piga halak sian rayatnia i.

1 SAMUEL 2:36

Ganop pomparanmu na mangolu, kehe ma tu malim i jana pangidoonna ma hepeng sanga panganon. Pangidoonna ma, ‘Paloas ma au mangurupi angka malim, anso laing mangan au bope hum sampohul pe.’ ”

AMOS 7:11

Harana songon on do didokkon si Amos: Mate noma Raja Jerobeam panganon ni podang, jana obanon ma halak Israel tu habuangan, dao sian tanona sandiri.”