AMOS 7:1 - BIBEL JAMITA NA DENGGAN

¹ On ma na dipatidahon ni Tuhan Debata tu au: Huida ma Ia manjadihon siapor na sun bahatna di hatiha simpul halak manyabi ruput di raja i, jana mamungka muse martumbur ruput na imbaru.

AMOS 7:1 Referans Kwoze

JOEL 1:4

Punguan ni siapor na so taretong bahatna, songgop di ladang mamangani suan-suananna. Sanga aha na tading dibaen punguan na sada, abis muse ma i dipangan na di pudina.

AMOS 8:1

Dapotan parnidaan muse ma au sada nari sian Tuhan Debata i. Huida ma sada karanjang na marisi parbatu na malamun.

AMOS 4:9

Huombuskon alogo na milas mamatehon angka suan-suanan. Siapor na mangabiskon bona ni anggur, bona ni ara, bona ni zetun dohot suan-suanan na asing di angka kobunmunu. Haru pe songon i, laing nada mulak hamu tu Au.

JOEL 2:25

GontionKu ma sude angka taon-taonmu, i ma angka suhana. Na dung abis dibaen siapor, siapor na sompor na pangabiskon, tantarangKu na bahat na Hulehen tu tonga-tongamunu.

ZAKARIA 1:20

Jadi dipataridahon Tuhan ma tu au opat halak pande bosi.

AMOS 7:7

Dapotan parnidaan muse ma au sian Tuhan. Huida ma Ia jongjong di lambung ni sada tembok na dipajongjong mamake tali sipat. Di tanganNia adong tali sipat laho mangaligi sanga na tigor do tu ginjang parjongjong ni tembok i sanga nada.

AMOS 7:4

Huida muse ma sada nari parnidaan sian Tuhan Debata i. Huida ma Ia hatiha markobas laho manguhumi bangsoNia i dohot api. Abis ma laut na di toru ni tano didilat api i jana mamungka ma angka luat dipangan api.

JEHESKIEL 11:25

Dung i hucaritohon ma tu angka halak buangan i sude na nipatidahon ni Tuhan i tu au.

JEREMIA 24:1

Sanoli dung dioban si Nebukadnesar raja ni Babel i si Joyakin anak ni si Joyakim raja ni Juda rap dohot angka pamimpin ni Juda, angka tukang na malo dohot angka parkarejo na pande jana dioban gabe taban sian Jerusalem tu Babel, dilehen Tuhan ma tu au sada parnidaan. Huida ma dua karanjang na marisi batu ni ara payak di jolo ni Bagas Ni Debata.

JESAYA 33:4

Rampason noma sinadongan ni halahi jana obanon gabe taban-taban.

MALEAKI 3:11

SonggakonKu ma angka siapor na sompor, anso ulang dipangabis ia angka suha ni tanomu jana ulang jabat nada marbatu angka bona ni anggurmu, ninna Tuhan Na Markuaso.